الموضوع: سواقة الستات ....تعالو نشوف

الصراحه يا جماعه رغم انى واحده ست الا انى بابتعد تماما عن اى عربيه سايقاها ست لانى ممكن يجيلى شلل فيه ستات فعلا
سواقتها ما تنفقعش بس بردوا فيه ستات ما شاء الله زى الفل واحسن من الرجاله كمان بس النقطه كلها ان السواقه ديه خبره والستات
بيبدأوا السواقه متأخر مش زى الراجل ، ده الولد عندنا من وهو 12 سنه بيسوق عربية والده وبيعشق السواقه والعربيات وتبأه عيبه لو
وصل لسن 15 وعمره ما ساق قبل كده ، أما البنت ممكن عند دخول الجامعه نظرا لحالة المواصلات المهينه والمترديه أو لماتجوز وتخلف
وتحتاج عربيه توصل بيها الولاد المدرسه بدل البهدله ، وكمان الست فى الغالب تكون اكثر حرصا وخوفا فى السواقه (وده مش عيب) لان خبرتها لسا قليله ...اصبروا بس علينا كام سنه كمان انشاء الله والاجيال الجديده من البنات اللى بدأت السواقه مبكرا حتلاقوهم زى الفل

المشاركة الأصلية كتبت بواسطة cyborg_ift

في الحقيقه يا جماعه الستات واخدينهه بالدراع يعني واحده جوزهه هوه اللي بيصلحلهه العربيه ومعاهه حصانه دبلوماسيه (العبط بتوع المرور اللي تملي في صفهه) وعندهه امكانيات فيزيقيه عاليه بتظهر وقت اللزوم وبالذات في الحوادث (الدلع وان مجبش نتيجه يبقا العياط) يبقا منلومش عليهم نلوم على نفسنا وعلى الصلصه اللي ملت البلد علشان تكفي الكوسه يعني لما رخصه تطلع بـ 500 جنيه وانت في بيتكم يبقا ده الناتج طبعا

لسه بعد الحادثة فى ناس قالو يا جماعة سامحونى اللى زعلان منى ميزعلش وبلا بلا بلا!!!!!!!!!!

عالعموم العيب عاللى علموا الستات السواقة مفيش واحدة علمتها واحدة ست واى واحد بيعلم ست بيعلمها بطريقة عبيطة كأنها من كوكب تانى

والأحصائيات كلها بتتكلم عن سواقة الرجالة معروفة قوى ونسب الحوادث مسجلة بالورقة والقلم
وربنا يهدى وحاولوا تفتكروا ان الستات هى امك واختك وبنتك يعنى نص المجتمع وبتولد النص التانى
و اصلا وانا سايقة فى رجالة كتير بتبلطج وبيعملوا كده عشان شايفينى بنت بيبقوا داخلين غلط فى شارع اتجاه واحد وانا اصلا وصلت ل تلات اربع الشارع ومصر ان انا الى ارجع باقوله معرفش ارجع مش انتو رأيكو ان البنات متعرفش تسوق خلاص وانا مبسيبش حقى
وبيجوا بالعربية على بدون سبب طب مبلاش الحركات دى بقى ومن ده كتير يعنى

والجنتلة مطلوبة على فكرة ورفقا بالقوارير فين لما كانت بنت تيقى مش عرفة تركن او الكاوتش نام والف واحد يتطوع مش عشان هى بتدلع يا فندم لا ممكن تكون قد مامته برضه او معاها ابنها مش دايما آنسة يعنى
والرسول عليه الصلاة والسلام كان يضع ركبته للسيدة صفية لتضع رجلها عليها حتى تركب البعير
طبعا دى زوجته بس ممكن نآخد الشهامة
وبعدين كتير المواضيع دى بتبقى نفسنة بتتكلموا فيها مش عشان دى الحقيقة بس ممكن عشان واحد مراته مضايقاه او متضايق من واحدة لأى سبب تانى
مساء الخير
متأجلوا المواضيع دى لبعد رمضان ولا هى مستعجلة قوى يعنى

المشاركة الأصلية كتبت بواسطة cyborg_ift

.


جمعية حقوق المرأه وصلت يا رجاله ههههههههههههههه

انا مش هرد علشان انتي قماصه وبعدين انتي شمتانه فيا ولا ايه وانا مش فاهم انتي بتزعلي وتنفعلي ليه زي ما اكون بوجه الكلام ليكي انتي بس .... انا بعد كده مش هتكلم على الستات خالص علشان بتزعلي

اللهم لا شماتة لا طبعا انتى شايفنى شريرة ولا ايه وبعدين اللى يشمت فى حد ممكن يحصل له نفس الشىء وكلنا بنسوق طب انا مرة واحد طلع من شارع جانبى ودخل فى عربيتى وطير الناحية اليمين ويقولى ايه اصله ضرب بنزين بدل م يدوس فرامل ومكنش راضى يصلحها ويقولى انتى هتقبلى العوض يعنى انا لو فرتكت عربية حد هيسيبنى
ازاى يعنى انت اللى قلت كده بعد الحادثة ده كلامك فانت اللى ربطت بين الحاجتين انا مليش دعوة وحتى لو مش رابط بين الحاجتين اديك قلت انك مش عايز حد يزعل منك وخلاص
كلام الليل مدهون بزبدة





وبعدين اى اهانة موجهة لرجل كلكو بتزعلو و كاتب الموضوع بيقول سواقة الستات وعمم انا برد عالجميع بس اقتبست كلامك عشان لقيت وعودك بيطلع عليها النهار تسيح
وبعدين سيادتك جاى المنصورة دى مش بلدى دى منطقتى الواحد يسوق وهو مطمن ولا ايه

المشاركة الأصلية كتبت بواسطة cyborg_ift

إظاهر عليكي من الربع% من الستات اللي بتعرف تسوق

الحمد لله وبفضله انا بأسوق كويس رغم انى بقالى 9 شهور فقط بس النقطه انى حبيت السواقه جدا لدرجة انى عملت تقريبا 13000 كيلو فى خلال المده ديه من غير سفر ولا مسافات بعيده قوى وعلى فكره اللى علمتنى السواقه واحده ست بس كانت ماشاء الله قلبها جامد وبتعلم الحاجه على أصولها وخصوصا الركنات اللى الحمد لله تفوقت فيها والموضوع مش مستاهل مين سواقته أحسن من مين زى ما قلت قبل كده الخبره بتفرق والقلب الجامد مش موجود عند كل واحده وخاصة فى شوارعنا الجميله والصراحه بردوا الرجاله لما بيلاقوا واحده ست بتسوق حتى لو
هى ممتازه بردوا فى نظرهم مش قد كده فياريت الناس تستحمل بعض وأهم حاجه اننا نوصل بسلام
ويا سيدى لو فيه واحده سواقتها مضايقاك ابعد عنها وخلاص وربنا يكفينا كلنا شر بنوع الميكروباص والنقل هما دول اللى سواقتهم كلها شر مش تقولولى سواقة الستات