( Seat Ibiza 2010 ( Gulf

**kareemsafwatmohamed** · 15-08-2010 01:06 AM

وكمان الفونس عندي 2 لمبة مش وحدة زي التوكيل ، حساس مطر ومسند يد وستبن 15 و-Coming Home Light Function

**zico900** · 15-08-2010 02:11 AM

اه نظام الصيانه في التوكيل للخليجي..........نفس الاسعار لعربيات التوكيل....ولا بتدفع مبلغ اضافي

**kareemsafwatmohamed** · 15-08-2010 02:55 AM

لأ هي هي نفس الأسعار

**John_Samy_1** · 15-08-2010 09:15 AM

المشاركة الأصلية كتبت بواسطة kareemsafwatmohamed

وكمان الفونس عندي 2 لمبة مش وحدة زي التوكيل ، حساس مطر ومسند يد وستبن 15 و-coming home light function

كل ده في عربيات التوكيل ماعدا حساس المطر ومسند اليد.

**kokotota** · 15-08-2010 09:51 AM

هو ينفع حد يجيب جنوط من بره والتوكيل يركبها

**hatemahmed75** · 15-08-2010 01:40 PM

السلام عليكم ورحمة الله و بركاتة

مبروك مقدماً على العربية وربنا يوفقك لما فيه الخير والصواب

اولاً الفرق بين الابيزا المصرى والخليجى ان الخليجى تزيد عن المصرى (الجنوط - التكييف الديجيتال - ومسند اليد - وحساسات المطر - بدون ضمان) فقط لاغير

وانا شايف ان الضمان شئ ضرورى جداً جداً جداً

وممكن تعملى الصيانة الدورية فى التوكيل عادى جداً
وبيقبلوا كل العربيات سواء خليجى او من خارج الضمان
والصيانة بنفس سعر صيانة المصرى الى بالضمان

وجزاكم الله خيراً

**Mustafa_Farouk** · 15-08-2010 02:10 PM

السلام عليكم،

أنا وجهة نظري انها تتجاب تبع الوكيل، موضوع الجنوط ومسند إليد، ممكن يتركب بسهولة والجنوط ممكن يتركب بعد فترة عشان تجددي شكل العربيه، new look يعني. حساس المطر ملوش أي لازمة هنا وموضوع التكيف دة بردو، أهو كلو تكيف.

**bosyban** · 16-08-2010 03:17 AM

شكرا يا جماعه رأيوكو فرق معايا اوي :)

**kokotota** · 16-08-2010 05:06 AM

ياريت الى معاه العربيه يكلمنى عن العفشه ناعمه ولا ايه نظامها والمتور الجديد ال1200هينزل امته

**John_Samy_1** · 16-08-2010 01:41 PM

المشاركة الأصلية كتبت بواسطة kokotota

ياريت الى معاه العربيه يكلمنى عن العفشه ناعمه ولا ايه نظامها والمتور الجديد ال1200هينزل امته

العفشه رياضية ناشفة شوية مش ناعمة زي الكرولا. العربية مش بترج بس مع المطبات هتحسي بيها ومع النقر البسيطة هتحسي بهذة, بس هي مش ناعمة هي ناشفة حبتين عشان الثبات مع السرعة العالية ( هتمشي 160 زي ال100 مفيش فرق ). الموتور ال1200 مش هينزل عشان ده تربو وده هيكون مشاكله كتير مع الحر والتراب والرمل والبنزين اللي جودته أي كلام. هو اصلا نزل بره عشان يقلل نسبة انبعاثات ثاني أكسيد الكربون عشان يمشي مع مواصفات Euro 5. ال1600 اللي نازل بالاوتوماتيك نفس الأداء بتاع ال1200 TSI ال1.6 من 0 ل100 في10.3 ثانية وال 1.2 TSI في9.7 ثانية ( الكلام الرسمي أنا عملتها في 9.7 ثانية برده ) وال1.6 اقصي سرعة 186 وال1.2 TSI عمل 190 ( برده في ناس جابت 205 من غير منازل بال1.6 ). هما كانوا ناويين يوقفوا ال1.6 بس رجعوا في كلامهم. ال1.6 أحسن لينا (مفيهوش مشاكل التربو) ونفس الأداء واحنا مش فارقة معانا فرق تحسين نسبة ثاني أكسيد الكربون ( هي اصلا حاجة لا تذكر من ال 1.6بتكون 182 جرام لكل كيلو لل1.2 TSI بتكون 163 جرام لكل كيلو أو 140 جرام لو Eco Technology ).