الموضوع: ندمت علشان جبت فيات جديد (جراند - برافو - لينيا )

المشاركة الأصلية كتبت بواسطة anti_virus_abdo

احترمك و بشدة !

المشاركة الأصلية كتبت بواسطة ahmedmohamed7

+1

المشاركة الأصلية كتبت بواسطة gabrial

بوست من الاخر يا نورمال.

شكرا يا رجاله كتر خيركم

المشاركة الأصلية كتبت بواسطة onz

والله انا مقتنع بالايفو
بس علشان الناس خوفتني من اني اغير من الياباني الي الاوربي ( كان عندي كرولا )
علي اعتبار ان الياباني ناشف شوية و بيستحمل جامد
اما عند فيات اللي ابهرني بالايفو اني شفت فيها انها في الفئة السعرية لبعض العربيات اللي كنت هاشتريها نيو اكسنت اسبورت او كيا ريو 1.6 انها خاماتها رائعة و مميزة و شبابية ( عندي 20 سنة )
اما علي الماتور 77 حصان ( كل تعليقي في الحته دي لما سمعتها من مدير المبيعات بتاع اوماترا ) هو اكيد فيات مش هاتغامر و تحط ماتور اخره في الدنيا انه يكون للمدينة فقط ( سرعة للسيارات في شوارع القاهرة عموما لاتتعدي ال 90 )
حكاية انه للشد ( عفوا ) احنا مش في سباق دايما و شوارعنا مش معمولة حتي للمشي العادي ( ضد الشد و الخرز )

شكرا لارائكم
و كل سنة و انتم طيبين

بص العربيات نفسها مفيش جدال عليها
يعنى لو أنت فهمت كلامى كويس هتفهم أنك يوم متقول بلاش فيات مش هيكون علشان عيوب تقفيل ولا محرك مش ولابد
لكن هتكون لحاجات خاصه بينا أحنا فى مصر زى عدم أنتشار وقطع غيار وتوكيل وإعاده بيع كده
علشان كدا الموضوع عايز حسبه مش حماسه لنوع على أخر
ربنا معاك

المشاركة الأصلية كتبت بواسطة eng_mostafa_89

ياريت الناس كلها تفهم كدة

صعب صدقنى :)

المشاركة الأصلية كتبت بواسطة medo.malek

اولا احييك يا نورمال على رأيك اللى مفيش كلام بعده :))
ثانيا الكلمة اللى انا مكبرها دى تقصد بيها المعنى اللى فى دماغى ولا لا

لا يا ميدو
أنا بجد مبسوط جدا من عربيتى والحمد لله على ما رزقنى وفعلا مش ناوى أغيرها قريب وربنا يحميهالى ويدمها عليه نعمه

المشاركة الأصلية كتبت بواسطة amrseba

كلامك صح يا نورمال بس فعلا الناس ممكن تفضل عربيه صينى عن عربيه اوروبى عشان حكايه قطع الغيار واعاده البيع
و العربيه بتمن عربيه صينى ليه عشان اصلا العربيات الاوروبى سعرها رخيص و قريب من سوقها بره غير الكورى او اليابانى التوكيل عارف انه اصلا داخل وواثق من نفسه فابيحط السعر الى على مزاجه و عايز يطلعها من المنافسه من العربيات الفلانيه ولا مع انها بره نفس الفئه بس فى مصر تلاقى كل عربيه ليها سعرها ياعنى هديك مثال الكامرى و السونتا الاتنين فئه واحده شوف سعر السوناتا كام و سعر الكامرى كام من سنتين فأصلا العربيات فى مصر سعرها سبهله كل واحد يحط السعر الى يريحو يقولو الاسعارهتغلى تلاقى كله ما يصدق ام معلى السعر على طول من غير اصلا ميكون فيه حاجه حصلت مجرد اشاعه و كمان الفيات حالها زى حال اى عربيه هاتش باك الى فوق 100 الف معلش ياعنى وانا اسف فى الكلمه سعر السول كام عربيه سعرها 120 الف جنيه اصلا اغلى من الكيا سيد ومفيهاش ايرباجز و ايبى اس و الحاجات ديه هتلاقيها فى عربيه صينى ب 70 الف و يمكن موجوده فى عربيات اقل فاكلاها ثقافه شعب
و صنف العربيات الهاتش باك فى مصر الاوروبى
هتلاقى المبيعات فيات فى المقدمه وده شوفناه بشكل ملحوظ فى الفتره الاخيره
امال فى فئه الهاتش باك فى مصر عموما مش منتشره واللينيا يوم ما نزلت نزلت بكميه قليله و اتباعت كلها و التوكيل ماجبش تانى

شوف بقى قدامك ستروين c4
رينو ميجان هاتش باك مع ان الكل بيشكر فى توكيل رينو
بيجو
فولكس جولف 2010
اوبل استرا او كورسا
فورد فوكاس هاتش باك
فولكس بولو
حتى النيسان تيدا هاتش باك
فورد فيستا
سيات ليون او ابيزا
هتلاقى فيات منتشره عنهم فى جميع فئاتهم
ده حتى السوبارو بجلاله قدرها الهيا حاجه كده ملكه متوجه مش منتشر ياعنى معرفش اقول ايه

المسأله مش مسأله توكييل ولا بتاع ديه شماعه بنعلق عليها وخلاص

هيا ثقافه الهاتش باك ثقافه ان سعر و برستيح العربيه بحجمها

ونزل اى عربيه منها اتنين واحده هاتش باك و التانيه سيدان

زى الاوبترا و الافيو

زى النيسان تيدا هتلاقى 80 % من مبيعات العربيه سيدان و الباقى هاتش باك

و توكيل شيفورليه زى الزفت و كلنا عارفين و اوحش من اوماترا بكتيير و عربياته منتشره ده كمان هيوندا جيتز العربيه الهيونداى الوحيده الى بحترمها بعد السوناتا الى كانت فى مصر مش منتشره زى الفيرنا او النيو اكسنتحتى الى بيفكر يشترى عمره ما هيبصلها مع انها احسن من عربيات كتير وانا عندى احسن من الانترا بس فرق الخامات بس

بس خلاص

تمام

تمام يا باشا

المشاركة الأصلية كتبت بواسطة medo.malek

اللهم اميين يا رب ويا رب دايما تفضل مالية عينك بس انا مقصدش كده انا قصدى هل كلامك معناه انك معترف اخيرا ان الفيات احسن من الكيا مش هاحدد عربية معينة احنا بنهزر على فكرة اوعى تفهم صح

لا يا باشا هزر براحتك وأنت غريب :))
أنا مقلتش قبل كدا أن الكيا أحسن من الفيات على فكره علشان أرجع وأقول العكس
هما جزئين ملهمش دعوه ببعض سلعه وأفتر سيل
من حيث السلعه أنا شايف فيات أفضل ماعدا أشياء طفيفه زى مقلت قبل كدا زى شكل الانتريورز بتاعه فيات عامةً فى بعض الموديلات
ومن حيث ما بعد البيع كيا أفضل كتوكيل و سعر قطع غيار وأنتشار وسعر إعاده بيع
بالنسبالى حسبتها هل الفرق بين كيا وفيات كسلعه "سياره" يستاهل اضحى بما بعد البيع
أنا شفت أن لأ وفضلت عربيه أنا شايفها جيده جدا وفى نفس الوقت مميزه فيما بعد البيع
من الاخر يا ميدو...
فى مصر ركوبه الفيات عايزه مضحى..هياخد كتير لكن هيدى كتير فى المقابل.

المشاركة الأصلية كتبت بواسطة yoko

والمضحي ده الي هو انا بس أنا شايف إني إديت قليل مقارنة بالي أخدته (لو كان معايا عربيه مش قد كده كان زماني ميت من زمان)

يا أحمد دى حاجه بتاعه ربنا لو ربنا كاتبلك حاجه لا قدر الله لو راكب دبابه هتشوف الى مكتبلك
الحوادث أو أشباهها بالذات لا تعدتمد إلا على ستر ربنا
ياما عربيات فيها ميت نظام أمان وراكبها فى خبر كان
وعربيات مفهاش ريحه الامان وتلاقى الى راكبها طالع منها واقف وهى معجونه :)
والله يابنى دى حاجه بتاعه ربنا لا فيات ولا كيا ولا مرسيدس.....ولو كنتم فى بروج مشيده