الحمد لله..حادثة سيراتو على طريق اكتوبر

**tofy82** · 14-08-2010 05:08 AM

اخوانى بعد السلام عليكم
احمد الله سبحانة وتعالى على اننى مازلت على قيد الحياة واحدثكم الان...
امس اثناء عودتى من العمل الساعة 10 صباحا عشا كنت وردية ليل... وانا راجع عند دريم قبل موبيل ب 20 متر نمت...وانا سايق والى حصل ان رجلى تقلت على البنزين والسرعة زادت اوى وصحيت على صوت حكة قوية بالرصيف وفتحت عينى لقيت العربية بترمى يمين وشمال من الحكة القوية...وابص قدامى على بعد 10 متر القى مقطورة ركنة وبكل قوة دخلت تحتيها....واحمد الله على الى حصل واصابت فية بسيطة بسبب انى مقنتش رابط الحزام ودا خلانى البس فى الازاز مرتين...
المهم ان وش العربية راح ماعدا الموتور والشاسية من تحت سليم
انما الراديتر وخلافة بخ....والبطارية اتفرتكت...والكبوت راح ...دخلى جوا فى الصالون
انا عربيتى خليجى ومش متئمن عليها
ياترى حد يقدر يفدنى بمركز يرجعها زى ما كانت؟
انا عربيتى نيو سيراتو 2010...بقالها 4شهور

**dolly13** · 14-08-2010 05:12 AM

لا حول ولا قوة الا بالله
الف سلامة على حضرتك وباذن الله تقدر تعوض الخساير المادية

**mado_9999** · 14-08-2010 05:18 AM

الف سلامه عكليك الحمد لله على كل شئ بصه هات سمكرى وهو يقولك العربيه عايزة ايه وايه ممكن يتصلح وان شاء الله بسيطه مش تقلق

**Ahmed Samy** · 14-08-2010 05:23 AM

ممكن تبعتلي صورة للعربية ولو على الخاص و ممكن أفيدك

عموما في مركزين معروفين في المنتدى

الأول تكنو وان و ممكن تسأل الزواوي عليهم لأنه عمل عربيته عندهم و في موضوع عن التجربة

الثاني ...مركز العقيد بتاع سيادة العقيد المهندس خالد في الحرفيين

الميزة في الناس دي انهم يعرفونا و نعرفهم و ليهم سمعة وسطينا و أمناء و قلبهم على الحاجة و مش هايدحكوا عليك ولا يغشوك أولا لأنهم مش بتوع تلات ورقات و ثانيا لأن كلنا بنكون معاك رأي برأي و يوم بيوم

الحمد لله انك بخير و فداك و الله الدنيا كلها

اصبر عليها يومين كده و قرر و توكل على الله

**haroun707** · 14-08-2010 05:23 AM

يا باشا الف حمد لله على سلامتك وفداك الف مليون عربيه

انا اقدر اخدمك فى واحد سمكرى وبتاع دوكو وان شاء الله يرجعلك العربية زييييييرو بصراحة ايدو تتلف فى حرير

بس الميكانيا انا معرفش ومقدرش افيدك لو تحب اوصلك ليه ابعتلى على الخاص اديلك تليفونه وممكن اقابلك كمان واوصلك ليه

هو مكانه فى وسط البلد

وحمد لله على سلامتك تانى مرة

**msafa** · 14-08-2010 05:28 AM

الف سلامة عليك
والله وجودك معانا في المنتدى و كتابتك الموضوع بالدنيا
الف حمد الله على السلامة

انت عربيتك لسة جديدة ممكن تلف على الصنايعية و تعملها و هتوفر نسبة
انا معلش لية رأي، في المركز اللي نايل موتورز متعاقد معاه
http://www.nilemotors.net/Nile/150847-a.html

كريم منير بيشكر فيه و من الصور الناس شغلها كويس و بتضمنه و كمان هيخلصو كل حاجة من الالف للياء ان شاء الله
تقريبا التكاليف ممكن تزيد بس هتريح دماغك و ترجعلك عربيتك جديدة تاني ان شاء الله

**tameraast** · 14-08-2010 05:35 AM

حمد الله على السلامه يا باشا المهم انك كويس

**brashy101** · 14-08-2010 05:37 AM

الحمد لله علي سلامتك...
المهم الرجاله.....وربنا يعوضك احسن منها

**yasserelsayad** · 14-08-2010 05:48 AM

الف سلامة عليك يا باشا والحمد لله ان الاصابات طفيفة وارجو منك ربط الحزام بعد كدا ان شاء الله
وان شاء الله العربية ترجع زى الاول واحسن وشوف زى ما الرجالة قالوا العقيد خالد او مركز تكنو وان وربنا يعوضك خير وفداك الف عربية

الموضوع: الحمد لله..حادثة سيراتو على طريق اكتوبر

LinkBack

أدوات الموضوع

عرض

-

-

حمد لله على السلامه -

-

-

-

المواضيع المتشابهه

مظاهرات علي طريق الواحات 6 اكتوبر

استهتار السواقين على طريق اكتوبر..الى متى ؟

حصل على طريق اكتوبر

من 6 اكتوبر الى طريق الاسماعيلية

احترسوا من طريق 6 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة