العربية بتسخن جامد مع التكييف !!!

**SpiDerS** · 14-08-2010 08:55 AM

ياترى العيب فين ؟؟؟
العربية بتسخن جامد مع التكييف
المراوح شغالة وبتشتغل في موعيدها مظبوط و السرعات الاولى و التانية تمام !!
دورة الميه انا لسه ضاغطها و الدنيا فيها زي الفل
الريدياتير لسه مغيره بواحد برازيلي (تامر كان معايا وانا بشتريه )
ايه رأيكم ؟؟
والعربية برده لو قرصت عليها جامد عديت ال140 لفترة امبير الحرارة بيعلي شوية فوق المية بحاجة بسيطة ويرجع ينزل تاني بسرعة !!

هل لو الكهربائي غلط في توصيل المراوح ممكن يخلي المروحة تلف بالعكس مثلا !!
او يعمل حاجة مش ملحوظة !!؟؟

اكشف عليه يكون هو السبب !!

البنزييييييييييييين ثم البنزييييييييييين ثم البنزييييييييييييييين !!!
اعمل ايه ........ مش عارف !!
الصفيحة ما زالت مبتعملش اكتر من 130 كيلو
غيرت حساس الكولانت (رأي مستر عبد الله اوبل ) ونفس الموضوع
اعمل ايه تاااااااااااني يا جدعااااااااااااااااان ؟؟

يرجى انتقاء الالفاظ، سيتم الاكتفاء بتنبيهكم هذه المرة مراعاة لحسن النية

100814
4:50p.m

مشرف القسم
11ب

**SpiDerS** · 14-08-2010 08:59 AM

حاجة كمان نسيت اقولكم عليها
انا بحس بهوا سخن داخل من الهوايات بتاعت التكييف ومن الهوايات اللي تحت الدركسيون كمان
كأني مشغل الهوا السخن !!!
هل لو لغيت خرطوم الهوا السخن ممكن احس بتحسن في الحرارة ؟؟
ولا الهوا السخن ده سببه ايه مع العلم انه مش على طول بيكون موجود اوقات و اوقات لأ
ومفيش اي ميه في الدواسات و التكييف بيشتغل تمام و بيشبر العربية !!

**hardman20060** · 14-08-2010 10:15 AM

1_ المروحتين شغالين ولا في واحده مش شغاله
2_مركب سويتشات التكييف ولا الكهربائي عاملك وصله بدلهم
3_مركب ترموستات الكوعه ولا لا
4_اخبار طرمبه الميه ايه
لو كل ده تمام بيبقي في كابل ارضي واصل من الطرف السالب للبطاريه وبيتوصل بجسم الموتور شوفه راكب عندك ولا ايه لو مش ركاب وصله وهتحس بفرق في الحراره وياريت تبلغنا اخر الاخبار...
موضوع البنزين ده ممكن البوجيهات مش حلوه وعايزه تتغير او ممكن التنك بتاعك يكون في خرم وانت مش واخد بالك او يكون خرطو بنزين ناشف مثلا...

**hardman20060** · 14-08-2010 10:17 AM

المشاركة الأصلية كتبت بواسطة spiders

حاجة كمان نسيت اقولكم عليها
انا بحس بهوا سخن داخل من الهوايات بتاعت التكييف ومن الهوايات اللي تحت الدركسيون كمان
كأني مشغل الهوا السخن !!!
هل لو لغيت خرطوم الهوا السخن ممكن احس بتحسن في الحرارة ؟؟
ولا الهوا السخن ده سببه ايه مع العلم انه مش على طول بيكون موجود اوقات و اوقات لأ
ومفيش اي ميه في الدواسات و التكييف بيشتغل تمام و بيشبر العربية !!

الموضع ده ممكن يكون بسبب ان الهوايات مفتوحه انها تجيب هوا من بره خليها مقفوله علطول يعني خلي الزرار اللي جمب زرار التكييف منور علطول بس خلي بالك هو ساعات بيعلق فبص علي الفتحه بتاعته من قدام شوفها بتفتح وتقفل مع الزرار ولا لا ولو معلقه روح لاي حد بتاع تكييف يقفلهالك مش هتاخد منه ثانيه.

**hardman20060** · 14-08-2010 10:21 AM

موضوع ان المراوح تلف عكس مينفعش يحصل لاني كنت سالت عليه قبل كده.

**goofy_in_love** · 14-08-2010 11:05 AM

المشاركة الأصلية كتبت بواسطة spiders

ياترى العيب فين ؟؟؟
العربية بتسخن جامد مع التكييف
المراوح شغالة وبتشتغل في موعيدها مظبوط و السرعات الاولى و التانية تمام !!
دورة الميه انا لسه ضاغطها و الدنيا فيها زي الفل
الريدياتير لسه مغيره بواحد برازيلي (تامر كان معايا وانا بشتريه )
ايه رأيكم ؟؟
والعربية برده لو قرصت عليها جامد عديت ال140 لفترة امبير الحرارة بيعلي شوية فوق المية بحاجة بسيطة ويرجع ينزل تاني بسرعة !!

هل لو الكهربائي غلط في توصيل المراوح ممكن يخلي المروحة تلف بالعكس مثلا !!
او يعمل حاجة مش ملحوظة !!؟؟

اكشف عليه يكون هو السبب !!

البنزييييييييييييين ثم البنزييييييييييين ثم البنزييييييييييييييين !!!
اعمل ايه ........ مش عارف !!
الصفيحة ما زالت مبتعملش اكتر من 130 كيلو
غيرت حساس الكولانت (رأي مستر عبد الله اوبل ) ونفس الموضوع
اعمل ايه تاااااااااااني يا جدعااااااااااااااااان ؟؟

بص ياباشا اول حاجه لازم تتاكد منها ان المروحتين بيشتغلوا مش واحده بس
تاني حاجه اتاكد من كابل الارضي عندك و اظن ان 90 % هوا السبب عندك في ان الحراره تعلي جامد كدا
تالت حاجه انك تجري بالعربيه و الحراره تعدي ال 100 دي للاسف الريداتير من غير كلام علشان المفروض العكس كل ما السرعه تزيد المفروض الحراره تقل

نيجي بقي لموضوع ان العربيه بتسخن مع مع التكييف في المشي الطبيعي في الغالب دا الفريون اكشف علي ضغط الفريون لانه في الغالب اللي كبسلك الفريون زود الضغط شويه او حاجه كدا فا بيسخن العربيه
ابقي قولنا عملت ايه و ايه الاخبار و ان شاء الله بسيطه

**nab!l** · 14-08-2010 11:31 AM

العربيه مش بتسخن معاك الا لو عديت 140 ؟؟؟؟؟؟؟؟
العربيه عندى كانت بتسخن لما ادوس 140 مثلا
والسبب علبه البيئه وتم تغييرها
عربيتك فيها علبه بيئه؟؟؟؟؟؟

**فادى محمد** · 14-08-2010 02:32 PM

الرادياتير للاسف..

**goofy_in_love** · 14-08-2010 08:40 PM

اعتقد كدا ان التنضيف مش هيجيب نتيجه بس بردو مفيش مانع يجرب ينضفوا لعل و عسي يبقي كويس
اللي انا مش فاهمه بقي انت كاتب انك لسه مغير الريداتير جبته جديد و الا استيراد ؟ و بكام و منين و ازاي لسه مغيره و بيسخن العربيه كدا ؟
شوف موضوع علبه البيئه دا بردو يمكن يكون هوا السبب
بجد موضوع الحراره دا في الاوبل محير جدا لما العربيه حرارتها تعلي لان الاسباب اللي تخلي الحراره تعلي كتير جدا و انت لازم تمشي وراهم واحد واحد من الاسهل فا الاصعب
امشي انت بس علي الخطوات اللي انا قلتلك عليها و ان شاء الله خير