الزيت مش ناوى يجبها لبر.......غاوى تسريب

رمضان كريم على احلى منتدى

العربيه بتجيب زيت من تحت غيرت جوان الكرتيره بالصاجه (دوخت عليه مفيش غير نوع صينى مالوش ماركه ) المهم الميكانيكى ركبه وحط سيلكون وكله تمام وبعد يومين جابت زيت تانى برضو
رحت للشيخ هيثم بتاع الحرفيين قالى الجوان سليم الزيت بيجى من اولسيه الكرنك وحرق عليه وقالى مش هتجيب تانى خلاص
وعملتها تانى الخاينه برضو
لما اركنها خميس وجمعه اصبح على بقعه الزيت تحت العربيه بتكدرنى ع الصبح


بصراحه عمنا طنانى قالى على نوع جوان Victor Rainz بس انا دوخت عليه ومحدش عرفه خالص

بفكر اروح التوكيل وامرى الى الله بس معرفش اروح لمنصور ولا مقار ولا فى حد تانى بره يعملى الموضوع ده

اروح لمين ؟؟؟ (مع الاعتذار للست):majd(4):

هو اللي بيتسرب ده زيت موتور ولا فتيس يا روماني؟؟

زيت مونور ياعم فادى

في 3 مخارج مالهومش رابع ..جوان الكارتيره-اويل سايل الكرنك-اويل سيل عامود الكامات ..لو الزيت بيسرب من اعلي يبقي الاولسيهات ولو من تحت يبقي من الكارتيره اغسل الموتور علشان يبان معاك التسريب بعد كده .

طيب اغسل الكارتيره و بص عليها
و التنيقط من انهى جنب من الموتور - يمين --- شمال ---- نص

طيب حاضر بكره الصبح هغسل وقولكو على النتيجه

يا ريت فى اسرع وقت
و لو كده اتصل بيا

اقتباس:

---

المشاركة الأصلية كتبت بواسطة tananybasha

يا ريت فى اسرع وقت
و لو كده اتصل بيا

---

حاضر ياباشا بكره بأذن الله

والف شكر على اهتمامك ياطنانى باشا

العفو يا باشا ده اقل واجب

اقتباس:

---

المشاركة الأصلية كتبت بواسطة romany777

بفكر اروح التوكيل وامرى الى الله بس معرفش اروح لمنصور ولا مقار ولا فى حد تانى بره يعملى الموضوع ده

اروح لمين ؟؟؟ (مع الاعتذار للست):majd(4):

---

فيه الشيخ هيثم فى الحرفيين
وفيه عبدلله اوبل فى المريوطيه

اقتباس:

---

المشاركة الأصلية كتبت بواسطة a.elsheikh.01

فيه الشيخ هيثم فى الحرفيين
وفيه عبدلله اوبل فى المريوطيه

---

روحت للشيخ هيثم وبرضو مفيش اى فرق العربيه زى ما هى بتجيب زيت قالى اويل سيلل الكرنك هو اللى بيجيب مش الجوان وعمله وبرضو رجعت ريمه لعدتها القديمه

انا شاكك فى حاجة بس يا ريت تقولى الزيت مركز و مجمع فين

اليكم النتيجه بعد الغسله التمام للعربيه من تحت والكرتيره بقت انضف من الصينى (حسب تعلمات عمنا طنانطى)

وانتظرت الفرج وبدايه تسريب الزيت


........وبعد حوالى 15 ساعه بدأت تجيب

وصورتها من فوق وتحت علشان تحكمو بنفسكوا .........طلع السبب (من وجه نظرى ) من لحام حديد قديم فى الكرتيره من فوق ..... ومفيش مكيانيكى كلف خاطره وشك فيه حتى

والان مع الصور

1-دى الكرتيره من فوق الزيت بدأ يتجمع هنا ومفيش ولا نقطه لسه نزلت على الرض تحت العربيه خالص

http://img104.herosh.com/2010/08/17/96734984.jpgالصوره التانيه

الكرتيره من تحت مفيهاش ريحه زيت نهائى زى ما انتو شايفين كده

http://img105.herosh.com/2010/08/17/309771837.jpgالصوره التالته
دى بقى اللى اكدت ليا انا اللحام هو اللى ضايع شكله قابب لفوق والزين جاى من تحته

http://img101.herosh.com/2010/08/17/51632625.jpg

ايه رايكم بقى؟؟؟؟؟

مستنى ردك ياعم طناطى وفادى باشا وكل الاوبلاويه

لو اللحام اعمل ايه ؟؟؟ الحم تانى ولا اغير الكرتيره كلها ؟

بسيطه يا روماني انشاء الله ..
اللحام مش في الكارتيره علشان تغيرها اللحام في الشميز بتاع الموتور من تحت ..
فك اللحام ببوز المفك بهدوء علشان الدنيا تظهر قدامنا وشوف هو لاحم ايه؟وليه؟
لوكان لاحم شرخ او ماشابه الحمه بالالمونيوم هيبقي زي النار ولو كان لاحم حوالين الفيشه اللي في الصوره وعاوز ماده لازقه قويه تستحمل الحراره ..هات حاجه اسمها عجينه السباك وهي اسطوانه شبه التين الصلصال من مادتين بيتعجنوا علي بعض انا مجربها في عربيه والدي البيجو سادد بيها ثقب في وش السلندر من سنتين وزي الفل هات منها عبوتين تلاته من عند بتوع كماليات السيارات او مستلزمات السباكه..جربها وادعيلي بجد تسلم ايد اللي عملها .

يعنى انت رأيك يا فادى ان التسريب فعلا من اللحام ده صح؟؟ ولا من مكان تانى؟

ويعدين لو حبيت الحم تانى هوصل للمكان ده ازاى ؟؟؟ دا انا طلعت عينى علشان اصوره بس

ايوه يابني واضح ان اللحام مفرقع وقابب لفوق ..واللي وصله في المره الاولي يوصله تاني هي عاوزه طوله بال وصبر ..

اقتباس:

---

المشاركة الأصلية كتبت بواسطة hellboy

ايوه يابني واضح ان اللحام مفرقع وقابب لفوق ..واللي وصله في المره الاولي يوصله تاني هي عاوزه طوله بال وصبر ..

---

طب تمام يبقى فاضل نفك اللحام ده ونشوف ايه اللى تحته وبعدين نشوف هنلحم بايه

الاسبوع الجاى بقى اعمل الشغلانه دى لما افك الجبس من دراعى علشان صعب اعمل الحوار ده وانا دراعى متجبس

واوا
:36_1_40[1]:

طيب احنا كنا عاوزين نمضيلك ع الجبس يعتمد وبادج العصابه كده جمبيه ههههههههه ...الف سلامه عليك بطل تتشاقي .

اقتباس:

---

المشاركة الأصلية كتبت بواسطة hellboy

طيب احنا كنا عاوزين نمضيلك ع الجبس يعتمد وبادج العصابه كده جمبيه ههههههههه ...الف سلامه عليك بطل تتشاقي .

---

فعلا كان نفسى احط البادج على الجبس علشان تبقى جبيره المانى فعلا:120105~352:

الف سلامه عليك
بص ده الحساس بتاع نقص الزيت
لو مكانه مكسور و مش نافع معاه حاجة و لا حتى العجينه اللى قال عليها فادى و على فكره انا لاحم بيها وش السلندر بتاع النيسان و لغاية النهارده زى الفل
سده خالص و الغى الحساس اللى ما اعتقدشى انه شغال اصلاً و الحمه المونيا و اعمل الغاء للحساس من الكمبيوتر

بس الكارتيره واضح انها زى الفل و مفيهاش الهوا
بالرغم ان اللى ظهر عندى اخر سورة بس اللى هى المهمة
بس تسلم ايدك على الغسله دى
و المسامير دى بيفكها ازاى انا عايز طقم مفاتيحها

اقتباس:

---

المشاركة الأصلية كتبت بواسطة tananybasha

بس الكارتيره واضح انها زى الفل و مفيهاش الهوا
بالرغم ان اللى ظهر عندى اخر سورة بس اللى هى المهمة
بس تسلم ايدك على الغسله دى
و المسامير دى بيفكها ازاى انا عايز طقم مفاتيحها

---

ياباشا هرفعلك الصور تانى


http://img829.imageshack.us/img829/9543/34798324.jpg

Uploaded with ImageShack.us





2


http://img180.imageshack.us/img180/1788/72341240.jpg


3

لأ اللحام ده زباله قوى
ده المادتين بتوع لزق الحديد
لازم كل ده يتفور و يتعاد اللحام بس لو المكان مكسور الأفضل الغاءه

و المفاتيح اللى بتفك المسامير دى منين
لأنى بجد عايز طقم

اقتباس:

---

المشاركة الأصلية كتبت بواسطة tananybasha

و المفاتيح اللى بتفك المسامير دى منين
لأنى بجد عايز طقم

---

هبقى اسألك الميكانيكى عليه لما اروحله

بس عندى سؤال لولبى هو اللى هيلحم تانى هيوصل للمكان ده ازاى ؟؟؟؟

المكان مزنوق جدااااااااا انا صورته بالعافيه

لأ هو مش صعب قوى
ده رذل شويتيتن تلاته
بس لو على اللى فى دماغى الأسهل يجيبه من تحت مع صنايعى يظبط من فوق

مفتاح الانكيه راس نجمه بلدي .

لأ يا فادى
ده الانكيه معكوس
يعنى الراس من جوه بيخش فيها راس المسمار

اقتباس:

---

المشاركة الأصلية كتبت بواسطة tananybasha

لأ يا فادى
ده الانكيه معكوس
يعنى الراس من جوه بيخش فيها راس المسمار

---

ايوه يا باشا زي نظام المفتاح البيبه بس نجمه بدل السداسي .

اه و ده الاقيه فين

المشكله اتحلت الحمد لله

فورت اللحام وطلع الشميز سليم تماما

اللحام كان فى حساس الزيت علشان كان بيسرب زيت من الحساس نفسه

شيلت القرف ده كله وركبت اويل سيل جديد للحساس مفيش تسريب خالص دلوقت والقطنه مبتكدبش

طيب الحمد لله
طب كان ليه من الأول شغل العك ده

اقتباس:

---

المشاركة الأصلية كتبت بواسطة tananybasha

طيب الحمد لله
طب كان ليه من الأول شغل العك ده

---

يلا بقى نعمل ايه شكل صاحبها كان بيسلم دقنه للميكانيكى يعمل اللى هو عايزه وخلاص

ربنا يستر وميكنش عاملى مفاجات تانيه

ان شاء الله خير