عاوزين نعرف بعد ما نظفت البوابة و المنافولد حسيت بنتيجة موثرة في السحب و الاداء و لا لا
ياريت الكل يشارك برايه و تجربته
و نظفتهم عند كام كيلو
و رمضان كريم عليكم جميعا
عرض للطباعة
عاوزين نعرف بعد ما نظفت البوابة و المنافولد حسيت بنتيجة موثرة في السحب و الاداء و لا لا
ياريت الكل يشارك برايه و تجربته
و نظفتهم عند كام كيلو
و رمضان كريم عليكم جميعا
انا فعلا نظفتهم اول مره والسياره عامله 80000 وده انبارح
فكيت الايدل كنترول لقيت راسه مليانه سواد غسلته ببنزين وصنفره خفيفه وحطيت نقطه زيت على السوسته وركبته
ونظفت البوابه بمناديل كلينيكس طلعت سواد وقفلت
وعملت ايدل ليرن زى ما الخبرا هنا قالو ودورت العربيه
حسيت ان صوت الماتور بقى اهدا كتير اوى والسحب اتحسن ونسيت ااقولك انى نظفت فلتر البنزين لقيت البنزين نازل منه زي لون الزيت المحروق ودى تجربتى
انا حسيت بتحسن رهيب مع تغيير البوجيهات والفلاتر وتعديل فيشه الاوكتان فقط
اول مرة انضف المنافولد كانت العربية عاملة 50 الف كيلو... السحب اتحسن كتير جدا بعد التنظيف
MMamdouh
انا شخصيا لما جربت تنضيف المنافولد والبوابه والايدل وكل الكلام ده حسيت بفرق ملحوظ , وبقيت دايما لما بحس ان الاداء انخفض شويه اعمل الصيانه الدوريه دي على طول , والحمد لله الدنيا تماااام
بصراحه انا مش عارف اعمل الكلام ده وقولت للميكانيكى بتاعى قاللى ملوش لزوم والعربيه كويسه
الكلام دا جميل جدا . طب السؤال اية فايدة المنظفات اللى بنحطها ع البنزين و مش رخيصة للدرجة ؟؟ لما برضوا هنفك و ننضف !!! انا بستخدم الاضافات كل 10000 كم و منتظم علية من يوم مجبت العربية زيرو هل دا معناة برضة انى هحتاج لفك و تنضيف
انا اهم حاجه كسبتها من تنظيف البوابه هوه انى فكين الباب الدائرى نفسه عن طريق مسمارين صغيرين ، و سنفرت اطرافه بسنفره و بعد ما ركبته انتهت تماما مشكلة العضه الى فى اول الدواسه و بقيت اخلى مسمار البوابه بعيد تماما و الباب قافل على الاخر و التوقيع بقى ميه ميه لان كل حاجه رجعت لطبيعتها ، طبعا بعد تالييف الميكانيكى بان الحل فى عضة الاكسراتير هوه انه يربط مسمار البوابه شويه .
حاول تتفرج على المواضيع اللى بالصور و تفهم بتتعمل ازاى و تعملها
او تفهم الميكانيكى انك صاحب العربية مش هو و انك عاوز تعملها ضرورى و خلى الموضوع امر مش استشارة
+1
انا عملتها في اللومينا كانت عامله 90000 صوت الموتور هدي جداً والعربيه سحبها اتحسن واستهلاك البنزين انخفض
نظفتة هو وحساس الايدل أحتياطى بس بصراحة كان مليان طين بس التحسن مش ملحوظ
السلام عليكم جميعا .. قد تابعت الموضوع من اوله وبما اني مستجد في عملية صيانة سيارتي فياريت لو هناك روابط للموضوع عشان اعمله ( تنظيف الايدل كنترول / البوابة وتنظيف الفلاتر خاصة فلتر البنزين ، وطريقة عمل ايدل ليرن للسيارة وتعديل فيشه الاوكتان واذاي اعرف ان سياراتي محتاجة تعديل للفيشه مع العلم ان سياراتي نوبيرا 1 الكوري موديل 97 وتقبلوا تحياتي ورمضان كريم علي الجميع
راجع قسم اهم الموضوعات
MMamdouh
الف شكر على هذة المعلومات القيمة
بس ياريت حد يشرح كيفية عمل هذة الصيانة ؟ وياريت بالصور او حتى يقولي الموضوع فين لاني محتاج اعمل صيانة للسيارة
مشكورين يا جماعه علي الاهتمام
النتيجة بعد 4 ايام من الموضوع 60 % لصالح تحسن ملحوظ
هو الباشمهندس سمير مخترش ليه ؟؟؟
انا عملت العملية دية وحسيت بالفرق فى السحب والتجميع حتى مع التكييف بس صوت العربية لسة عالى
انا نضفت حساس الأيدل البارح والعربيه بقت بتلقط من اول تكه وصوتها بقي اهدي بكتيير بس العربيه النهارده متبرجله قوي وسحبها وحش جدا
انا عملت كل الخطوات بس منفختش هواء
لمبة التشك كانت بتنور لما امشي بسرعه ثابته وكانت تطفي علي طول لكن النهارده فضلت منوره طوول الطريق
حطها على سكانر
MMamdouh
ياجماعه العربيه من سيء لاسوأ
لو شغلت التكييف بتبطل اول مااتهدي ولو حتي مش مشغله اول مااهدي خالص واجي اطلع تاني ببقي مصدر رجلي علي الدواسه والموتور هينفجر والعربيه مش بتمشي
بجد بقت بتحطني في مواقف بايخه وحاسس اني عايز اولع فيها
مش عارف انا عملت ايه غلط بس انا نفذت الخطوات كلها بالمللي
الحاجه الوحيده الذياده اللي عملتها اني رشيت اسبراي علي كل الفيش والأماكن اللي بتركب فيها الفيش بتاعة معظم الحساسات (بنزين - شكمان - ايدل واللي تحتيه)
انا عملت الحركه دي قبل كده بس كان ب akai ومعملتش حاجه لانه بينشف لكن ال wd40 ده لقيته مش بينشف خالص
البارح وانا مروح نفخت كل الحتت اللي رشيت فيها اسبراي ماعدا المكان اللي فيه حساس الأيدل عشان مكنتش هعرف احله هناك وانا دلوقتي شاكك في الحسساسات دي ومش عايز اروح احطها علي سكانر عشان ميقوليش ان كل الحساسات دي بايظه - ولا انتو شايفيين ايه؟
ياريت ياجماعه تفيدوني عشان بجد انا بقيت مخنوق اوي من العربيه وبعديت بقت بتاكل بنزين بالعبيط لاني قارص جامد ومفيش اي سحب دي بقت عامله زي ماتكون بتتعلم المشي
عايز اقول اني كمان رشيت اسبراي في المكان اللي بيركب فيها حساس الأيدل من جوه - هل ده يعمل حاجه؟
متشكر مقدما ويارت تلاقو حل
ايه ياجماعه محدش عنده اي حل غير موضوع الأسكانر ده؟
السما من الارض
فرق جامد الصراحة العربية صوتها هدى وبقت انعم وفى السحب احسن
محستش بفرق كبير ( فكيت المنافولد كله و نضفته و كان فيه طينه جوه تقريبا ) بس فرق السحب و الكلام ده كله مفيش حتى مع تغيير البوجيهات و اسلاكها و فلتر الهوا نفس سحب العربيه ما اتغييرش
الباور بقى اسهل بعدها بيومين مثلا و بعد كده رجع عادى مش عارف ايه السبب
طب انا انضفه ازاي وايه المواد والمطلوبه للتنضيف وياسلام لو فيه صور يبقي صح صح كمان :lovlie02[1]:
جربتة بس مفكش البوابة كلها و كان شغل اي كلام