النصيحه يا اهل الفيات 131

**bondokdar** · 14-08-2010 01:28 PM

السلام عليكم و رحمه الله و بركاته و رمضان كريم على كل اخواتى الجامدين قوى هنا اللى فى المنتدى الجميل ده يا جماعه انا اول مره اشترى عربيه فى حياتى مع انى بسوق من عشر سنين بس كلها كانت بتبقى عربيات شغل اصل اخوكم مندوب مبيعات المهم قدامى عربيه 131 سبور و انا بحب العربيه دى جدا و خصوصا لما بتتظبط بيبقى شكلها جامد العربيه دى عاوزه شد كامل من سمكره و دوكو و فرش و تابلوه و كده لانها مركونه من فتره كبيره و هى عليها موتور 132 2000 سى سى و اكيد هتحتاج برضه شويه حاجات فى العفشه السؤال بقى لاهل الخبره ممكن القصه دى تتكلف فى حدود كام و ايه اسعار اكسسوارات 131 غاليه و لا معقوله يعنى و العربيه عموما سوقها عامل كام مع العلم انى هاخدها بسبع الاف جنيه و اكمل انا بقى القصه دى معلش ارجو الافاده يا جماعه ده ديل حلو و لا لأ انا حاسب كمان خمسه سته على تمنها للشد ده كفايه و لا ايه اسف للاطاله بس دى شقى و لف سنين شغل يا جماعه و محتاج نصيحه

**mado_9999** · 14-08-2010 01:33 PM

العربيه دى مش ليها سوق زى 131 العاديه 4باب هى لو كويسه بتعمل 10مش اكتر من كده مادام حضرتك بتقول انها محتاجه شغل يبقى حاول تنزل من تمنها شويه وربنا معاك

**semsem_uno** · 14-08-2010 01:47 PM

العربية اللي انتا وقعت فيها ديه نادرة جدااااا

بالمناسبة هي ديه اللي مركونة في شوارع جانبية في مكرم و واخد خبطة خفيفة قدام و لونها برتقالي؟؟؟
ايا كان العربية ديه عامتا تحفة و تستاهل التعب

بس هو ليه السعر رخيص اوي كده؟؟ هي لسة بالنمر القديمة ولا ايه الحكاية علشان العربية نفسها امرها يتحل انما قصة المرور بقي و ركنة العربية ديه اللي مش حلوة و هل صاحبه ميت ولا ماشية و كده؟؟ شوف القصة ديه الأول لأنك لازم صاحبها اللي يخلصلك الأجرائات ديه

و استني رد الأستاذ حسام هو ده اسطورة ال131 في المنتدي

**bondokdar** · 14-08-2010 02:21 PM

انا عارف ان ملهاش سوق فى البيع قوى يا اخى الكريم زى الاربعه باب بس برضه مش متهيألى هلاقى عربيه 4 باب حتى لو محتاجه نفس الشد و المصاريف بالسعر ده انا حاولت فى الاول اقل حاجه لقيتها كانت ب 12 الف و محتاجه تتهد و تتعمل برضه من الاول لكن انا قولت لو دى جت بسبعه و اخدت خمسه سته هتكون كويسه انا بس مش عارف الحسبه دى صح و لا هتفتح منى و لا ايه ....؟ انا فعلا متردد انا كمان خوفت من الموتور الالفين ده فى حكايه البنزين فاكنت عاوز اعرف ممكن يكون له ظبطه تهديه شويه فى الاستهلاك و لا لأ انا سألت كذا ميكانيكى و ناس راكبين فيات 2000 برضه معظمهم قالو ان الموتور الالفين ده لو مظبوط يبقى حلو و مش كارثه قوى فى استهلاكه يعنى و خصوصا انه بيقبل 80

**bondokdar** · 14-08-2010 02:28 PM

يا باشا العربيه دى فعلا ليها ناس بتحبها قوى و هما بصراحه اللى طلعوها فى دماغى انا شوفتلها شويه صور و فيديوهات تحفه بس كنت عاوز اعرف حاجتها الاقيها فين و اكسسوارتها و كده ... انا ساكن فى المعادى و العربيه دى هناك مش اللى حضرتك بتقول عليها و السعر ده كده لانها تقريبا على الصاج مفيهاش غير موتور و عفشه بس الباقى كله متشال لان صاحبها كان هيشدها هو بس وقع فى ايد سمكرى طلع عينه و زهقه فا اخدها منه و قرر يبيعها زى ما هى كده كان طالب 9 فى الاول و وصلت معاه لسبعه بالعافيه .... اشكرك على اهتمامك يا اخى الكريم و فى انتظار رد استاذ حسام لان الراجل محتاج منى كلمه نهائيه على اخر الاسبوع ده بأمر الله .....

**bondokdar** · 14-08-2010 02:34 PM

العربيه موديل 78 و هتحتاج زى ما قولت لحضراتكو سمكره و دوكو و فرش كامل و تابلوه و فوانيس ورا و قدام و شبكه و ريداتير كمان يا ريت استاذ حسام و مالكى الفيات 131 يفيدونى فى اسعار الحاجات دى

**bondokdar** · 14-08-2010 09:29 PM

يا استاذ حساااااااااام اين انت سيدى الفاضل ارجو منك الرد و المساعده

**seaf_sawy** · 31-08-2010 02:48 PM

السلام عليكم انت كدة هتصرف عليها بالميت 10 الاف جنيه بس انسى دى علربيه ان شاء الله محترمه وغول على الطريق

**HOSAMSAMSOON** · 01-09-2010 01:20 AM

[frame="9 10"]
انا موجود
اسف على التاخر فى الرد
بس لسة شايف الموضوع دلوقت بالرغم انى بادخل اكتر من مرة على المنتدى فى اليوم
كان ممكن تبعت لى رسالة على الخاص معاة لنك الموضوع كنت شفتة اسرع
او انك تتفضل تزور الرابطة و اكيد كنت حتستفيد اكتر
على كل حال
انا تحت امرك
على وعد بوضع لنك الموضوع داخل الرابطة للمزيد من الافادة من السادة اعضاء الرابطة
المهم
العربية دى هى شكل 131 الابرث او الريس او السباق
عربية قمة فى الجمال لما تتشد و هى الصورتها المحطوطة فى شعار الرابطة
موتورها الاصلى 2000سى سى اتنين كامة اتنين كربراتير كل واحد اتنين باب تربو المانى الصنع
واكيد مش هوة الى موجود فى العربية المعروضة لانة موتور نادر جدا جدا و خاص بالسباق
الوان العربية دى كان لونين بس
البرتقالى و الفرانى او الرمادى الغامق
قطع الغيار من المتوقع انها تكون متوفرة فى الميكانيكا و قطع الغيار المشتركة مع 132 و 131الاربعةباب
الصاج محتاج تسئل علية الاول و بالزات الابواب و الرفارف الخلفية لانها فى الغالب حتكون نادرة وان كان تغيير الرفارف الخلفية نادر اوى لاكن باقى الصاج حيكون مشترك مع 131 اربعة باب و حيكون موجود بعون الله
الشبكة نادرة جدا الى اقصى حد ممكن وهوة عبارة عن اربعة كشاف دائرى اتنين كبار و اتنين صغار مع شكل مميز جدا جدا لتصبيع الشبكة
وممكن تشوفها فى موضوع((( البوم صور 131)))
التبلوة و الكنسول حيكون نفس الشكل المتعارف علية بدون تغيير
الخلاصة
انتا لو عايز ترجع العربية دى زى شكل الفبريكة حيكلفك اكتر من المبلغ دة بكتير جدا جدا غير اللف على قطع غيارها الاصلية بس حيكون معاك عربية فعلا تحفة
ممكن التكلفة تقل لو حتعدل فى العربية من نوع الشبكة و بعض قطع الغيار
بس على حسب وصفك لحالة العربية انتا محتاج
1- فرش موكيت داخلى
2- فرش سقف جلد
3- زجاج خلفى و امامى
4- كراسى و كنب
5- تبلوة و قنصيل
6-احتمال ضفيرة كهرباء
7- عفشة كاملة
8-سمكرة و دوكو
دة و الله اعلم
الكلام دة يكلف كتير جدا جدا جدا
نصيحة
ادرس الموضوع كويس لانك داخل على بحر فلوس
العربية تستاهل بس هل معاك تكلفها صح ؟؟؟؟؟؟؟؟؟؟؟
[/frame]