المشاركة الأصلية كتبت بواسطة adham
فية عربيات سلك الكيك داون بيبقى راكب في بدال البنزين مش في بكرة الكاربراتير
يعني بيبقى فية سلكين راكبين في البدال, واحد رايح للموتور (كاربراتير او بوابة انجكشن) وواحد رايح للفتيس
انا كان عندي كدة في الهوندا
و بعدين مافيش علاقة معينة بين سلك الكيك داون و بين كلاتش التالت
سلك الكيك داون لو بايظ مقطوع حايخللي العربية تنقل بسرعه و ماتحرقش معاك عالغيار لو قرصت, و صاحب السيارة قال انها بتقرص معاه عادي و ساعتها مابيسمعش الصوت و مش حايخللي لا فية نحرة و لاصوت في النقلات, ممكن حضرتك تزامن معاك عطل في الفتيس مع تلف سلك الكيك داون
و السلك لو مشعر غالبا بيخللي البدال تقيل و بيدقر و يحس بالبدال بيعلق تحت رجلة
انما مش حايأثر بالشكل دة على صوت نقلة معينة تسمع فيها صوت
على فكرة الصوت دة ممكن يكون تآكل ترس من تروس النقلات ومش شرط كلاتش
للأسف 80% من اللي بيشتغلوا فتايس اوتوماتيك نصابين و بتوع اشتغالات, و بيعتمدوا ان محدش فاهم شغلهم اصلا, لا الزبون و لا الميكانيكية, و لذلك انا مارشحش الا محمد الونش عن سابق خبرة و تجربة مع كذا واحد بتوع فتايس مافيش الا اتنين محترمين, الونش وواحد تاني في الوراق , انما مجدي و التاني يوسف اللي في ارض اللواء و التالت اللي في الجبل الاصفر قبل نادي المقاولين العرب على الاوتوستراد بصراحه نصابين
الموضوع يستاهل انك تضرب مشوار من احمد سعيد للحرفين دة فتيس عربية و فلوس حاتتدفع