ههههههههههههه و تسيبني لوحدي ؟؟
لا لا ... اجمد شوية
عرض للطباعة
حراااااااااااام عليك يا راجل الواحد يسيب الكريستاله عشان يجيب فيرنا على فكره انا لسه شارى الكورولا من 3 شهور لو كنت زودت 5 الف جنيه بس كنت جبت فيرنا زيرو بكياسها من التوكيل مش مستعمله كمان و جبت الكورولا و موديل 96 كمان ياعنى استعمال 14 سنه شوفت بقى بس الحمدلله و هيا لا سمعه ولاحاجه ديه الحقيقه كثيره الاعطال ثباتها زفت عفشه مش كويسه و فرامل تقريبا مفيش واحد ملبستش فيه الفيرنا من روا انا عن نفسى 3 مرات بس و الصاج طبعا انا مش هتكلم عليه بس زى ما بقولك يا باشا لا جنط 15 ولا حتى 20 ياعنى بصراحه العربيه جرايه اوى بس كأنك راكب موتوسيكل ياعنى معرض للخطر فى اى لحظه انا لو قدامى فيرنا و حته هارلى ههههههههههههههههه هختار الهارلى ده لو مش اغلى منها
لا لا لا .... اية اللي انت عملته دا !!
انا لو مكانك مكنتش اعمل كدا خالص.... دي شركة بقت سمعتها في الأرض يا راجل...و العالم كله شاهد... واللي مش مصدق يبقى ما يلومش غير نفسه لما يجيب يشتري عربية من عربياتهم و يطلع فيها مشاكل....
انا كنت ركبت بي ام موديل قديم احسن ألف مرة من الكورولا دي ... 14 سنة في عمر الياباني كتير و الكلام عن تجربة في عربية كريسيدا محركها احسن من مليون كورولا ... لكن في الألماني لو 50 سنة عادي ...
سمعة الألمان برضه احسن 100 مرة
لو حالة الكرستالة وحشة يبقى توكل على الله و هات الفيرنا بس هاتها زيرو مش مستعمل زى مابتقول..
أنا ركبت الفيرنا بتاعت أختي كذا مرة و الفرامل شغالة عادي و الحمد لله ملبستش ولا مرة ولا هي كمان و ربنا يستر بقى:rfds: ،و ركبتها تاكسي برضه و بتفرمل عادي ،أنا المرتين اللي لبست فيهم صراحة كنت راكب فيات تبقى فيات وحشة ?:mahf(5): ، الحوادث ديه بتحصل مع كل الناس و كل العربيات ،احنا نتمنى السلامة للكل و يا رت ناخد بالنا من الكلام عشان مفيش حد يزعل من التاني عشان كلنا إخوات و لزم نخاف على مشاعر بعض ،يعني ينفع الكلام اللي أخونا قاله إنه كره العربية بسبب كلامنا و في ناس ممكن تسيب المكان بسبب كدة .تحياتي للجميع .
الكريتاسله بحاله ميه ميه
و فعلا في ناس بتتحامل علي عربيات كتير
و ربنا يوفق الجميع
انا عن نفسي بحب الفيرنا جدا
بص يا باشا انا ملاحظ جدا انك متحامل على تيوتا اولا ايه الى يخلى تيوتا مبيعاتها اكتر من قبل الازمه و كمان انا بيتهيألى انك مش معاك العربيه سواء تسعينات او حتى 2010 عشان تقول وحشه انا مشترى عربيتى ب 59 الف جنيه فبريكه بره وجوه مرفوعه عداد 86 الف كيلو ايرباجز وايبى اس و على الاقل تقفيل يابانى مش مصرى و كمان ديه تجيبها على اعلى سرعه غرز و ملفات ولا يهمك العفشه بتاعتها احسن 10000000000000 من الفيرنا و على الاقل العربيه ديه هيا و الكريستاله و النيسان صنى او الهوندا سيفيك تسعينات عموما العربيه ديه لو حالتها حلوه يبقى انت ضامن انها مفيش اعطال و يا باشا مش لازم اسمع كلام التجار و اشترى عربيه سريعه التداول و قطع غيار رخيصه طب على ايه عشان اتبهدل و ياباشا انت اكيد عارف الخامات بتاعت الفيرنا عامله ازاى مع احترامى الكامل لحضرتك بس اى عربيه صينى الى فى نفس الفئه سواء الجاك او البريليلينس او m11 افضل منها صدقنى من غير زعل ياعنى انا مكنش قدامى انى اشترى فيرنا بس انا كان ممكن اشترى ماتركس موديل 2006 او نوبيرا 2006 او لانوس جديد بس انا عارف بشترى ايه و احترامى لكل الى معاهم هيونداى ياعنى انا ركبت كل واحده فيهم ولا واحده تتقارن بالكورولا 96 و خصوصا الموديل ده و انزل بنفسك التوكيل بتاع تيوتا هيقولك الموديل ده بموديل 2010 و كمان لما تسمع كلام حلو عليها من الخليجين و الى بيعملوه فيها هتلاحظ ان الفيرنا فعلا ملهاش مكان وواحترامى الخاص لحضرتك بس حضرتك بتتكلم برده عن تيوتا
وعلى فكره انا شاب مش راجل كبير ياعنى والعربيه بتاعت والدى اصلا ياعنى و كمان اه انا بحب السرعه و الشد و البتاع و جتلى فتره من الفترات انى كنت معجب بيها جدا من الى بشوفه فى الشارع تخميسات و فرك و شد مع اعلى العربيات و ممكن تشد مع اى عربيه اعلى من فئتها بكتير و تطلع منهم بس لما ركبتها وشوفتها ولما ركبتها كتير ظهرلى الحقيقه المره و بجد انا مش بعيب فى العربيه ربنا يبارك لكل واحد فيها بس كل الى هقوله على قد تمانها و ولما تيجى تشوف سعر الكورولا اصلا هتلاقيه فى ال خمسينات و كمان بتبقى موديل 94 او 93 او 95 فطبعا اسستحاله عربيه تكون بتباع ب خمسيانات تبقى عربيه جديده اغلى منها ب 5 الف ولاحاجه وتبقى احسن منهاو اقول انا بشترى زيرو طب كده بقى اروح اشترى ماروتى لامؤخذه بقى عربيه زيرو و عطلانه قدام البيت وهيا مكملتش 1500 كيلو و تاكسى قاطرها وياريت متاخدش كلامى على انه مهاجمه و احنا كلنا اخوات و اختلاف الاراء لا يفسد للود قضية و و احنا بنتكلم على شويه حديد فى حديد ياعنى فياريت حضرتك تتقبل كلامى على انه رأى شخصى ليس اكثر
و انا بعتذر لحضرتك لو كان فى اى حاجه طلعت غلط ولا حاجه واسف جدا على الاطاله
انا مقتنع بالكلمه ديه جدا فعلا العربيات اليابانى مش زى الامانى فعلا كلامك 100 % و محدش يشكك فى كده ابدا و حتى انا كان نفسى جدا فى اوكتافياa4 لكن الظروف مسمحتليش و لاغيت كان نفسى اركب الامانى برده الاوروبى ليه طعم تانى غير اليابانى حتى فى الجديد احنا لسه معانا التمبرا و برده حالتها حلوه و كويسه و بصرحه بحب اركبها اكتر من التيوتا فيها حاجه مختلفه و فيها متعه رهيبه فى السواقه و انا لو كنت هقدر على مصاريفها مكنتش اترددت واحد فى المميه انى اشتريها و كانت مع قريبى حاجه وهم بصراحه بس مصاريفها تقيله التعويره بموته بس فعلا الامانى عربيات جميله جدا بس عايزه الى يعرف يصرف عليها