الموضوع: عايز لانسر شارك تبقى تحفة

يا جماعة انا عايز اخلى العربية شكلها تحفة
هى لانسر الشكل الجديد ( القرش )
وعايز اغير الجنط 16 واركب جنط 18 بس مش عارف ده له سلبيات
ولا عادى العفشة تستحمل
وعايز كمان اغير الكاوتش بدل من 205 اخليه 215 بس برضة مش عارف
هايتعب العربية ولا ايه
واللى عنده اى افكار جميلة ياريت ما يحرمنيش منها

المشاركة الأصلية كتبت بواسطة ahmedtefagad

انا شفت ال 17 عليها ومعرض كان جامد جدااا .. حضرتك بكل بساطة بص بصة على الكوتش بيكون مكتوب علية زى ما دكتور المغربى كاتب مكان الرقم الى فى النص كام ..ودة بيكون ارتفاع البروفيل الكوتش ...و 18 لازم هيقل ا وكل ما قل كل ما تنشف العفشة ومعرض الجنط للكسر اكتر فخلى بالك ..

ممكن تركب سبويلر الايفو عليها مع الجنط وتهبط العربية شوية علية وسموك للفوانيس...وورا تزرود فيبر شوية عليها وتعمل الستارة الى شبة السيراتو الكوبية ..مظنش انها محتاجة كيت كامل ولا تنفيخ ..وفلتر رياضى نضيف يحسسك بالمكنة شوية ..... اكتر من كدة حرام وبيبقى عك على العربية ....انا شفت واحدة كان عاملها كيت ومكنش لايق تماما وبحس انها شكلها ستوك احلى كتيرر من رائيىى... وممكن بقى تلعب جوة برحتك بس حرام تغير وتعدل فيها وهيا لسة جديدة ...

يعنى ال 17 عليها مش هايحتاج تغيير عفشة ومش هايبقى له ضرر كبير ولا ايه
وبالنسبة للسبويلر هيا فيها اسبويلر هى اصلا هاى لاين وفيها العتب جانبى وكساحات امامى وخلفى والاسبويلر اغيره بسبويلر الايفو صح كدة
وايه بقى الستارة دى معلش انا معلوماتى على قدى خالص
وعارف انى حرام اغير واعدل فيها وهى لسه جديدة انا عايز التغييرات اللى هى زى الجنوط عدة الصوت ازود عليها ايه شاشات يعنى الكماليات علشان انا مش بعرف فى الكماليات وكدة
وشكرا على اهتمامك وتعبك معايا ويعنى لو تقدر بعد كدة تشرح الحاجات الصعبة شرح صغير يبقى تمام
وبرضة لو الاسعار هاتبقى والله ما قصرت