طلب مساعدة ضرورى جدا بخصوص شراء باسات 99

السلام عليكم ورحمة الله...
كل سنة وانتوا طيبين ورمضان كريم..
طبعا انا من الناس اللى ربنا ابتلاهم بعربية من الماركة الفاشلة اللى اسمها اوبل فيكترا....
ودى طبعا عاملة زى الحوت مش بتشبع مصاريف نهائى...
وبأذن الله فى طريقها للبيع عشان اخلص منها....
لكن انا ناوى اشترى عربية وعاوز ثبات المانى طبعا وبعد تفكير كتير ملقتش احسن من الباسات لأنها عربية مشوفتش حد اشتكى منها كتير...
المهم انا عاوز اعرف شكل الباسات 99 اللى هى موتور 1600 نظامها ايه لو عربية كاملة كل حاجة اوتوماتيك ماعدا فتحة سقف سعرها يكون كام ؟؟؟وايه نظام قطع غيارها هل هى غالية ولا رخيصة وياريت امثلة زى العفشة او الكومبيوتر او الفتيس وهل هى عربية مستهلكة لقطع الغيار وفيها مشاكل ولا بنت ناس ومش بتفتح بقها كتير؟؟؟وهل تكييفها قوى زى العربيات الكورى ولا زى اغلب الالمانى مش قد كدة؟؟؟؟ من الاخر عربية اشتريها وانساها ولا عربية هتخنق عليا وتكمل مسيرة قرف الاوبل معايا؟؟؟
معلش ياجماعة ياريت تسحملونى وتجاوبونى عشان انا ناوى خلاص اجيب ..

ردى هيبقى غريب بالنسبالك شويه ارشحلك سكودا ايه فور موديل من 2004 وممكن أعلى وهتبقى احسن من الباسات 99 عفشتها غاليه شويتين

انا سمعت ان العربية ال99 دى ديما تضرب كبالن ومقصات كتير...هل ده صحيح ولا لأ؟؟؟
كمان يهمنى جدا موضوع الحرارة واستهلاك قطع الغيار.....
بس الاوكتافيا عربية انا مش مقتنع بيها نهائى ومش داخلة دماغى خالص لأن اغلبها مشاكل وناس كتير جدا اشتكت منها...

هى مشهوره بأن مقصتها غاليه ولازم الطقم يتغير على بعضه لكن كبالن دى مسمعتهاش قبل كدا الحراره مفيش منها مشاكل بأذن الله

طب وتكييفها قوى ولا عادى؟؟يعنى يقارن باليابانى ولا لأ؟؟؟وموتورها فيه مشاكل كتير ولا عملى ومعمر ؟

مش هقدر افيدك فى التكييف لكن فى المشاكل العربيه دى ما بعتش كتير
الحاجه الوحيده اللى سمعتها عنها هى العفشه والمقصات بالذات وان لو مقص باظ بيتغير الطقم كله والله أعلم

السلام عليكم ورحمة الله وبركاتة
في البداية احب اشكركم على المشاركة الفعالة ,, وطبعاً انا معايا عربية باسات 1600cc موديل 2000 وبصراحة العربية ذي الفل ويمكن الحاجة الوحيدة اللي فيها هي اللى انتو قولتو عليها (المقصات ) وهي دي المشكلة اللى عندي بس في العربية واحب اقولكم ان مقصتها غالية جدا جدا ,, انا لما سألت عليها لئتها بتبدأ من 1500 جم لحد 8000 جم والمعقول منها اللى يستحمل شوية بيبدأ من4000 جم لكن غير كدة العربية ذي الفل وغول على الطريق .

سبحان الله
والله يا استاذ سرور نفس التفكير
و انا بادور على مشاركات بخصوص العربية دى
الاقى موضوعك
عشان انا قدامى واحد بس 1800
وايه موضوع المقصات ده

شكرا استاذ zizo151
وياريت تدينا معلومات اكتر عن العربيه
الكماليات الموتور الفتيس الاتوماتيك العفشة ............ كله كله

انا مش عارف ليه المعلومات عن العربيه دى شحيحه كدا؟

لو مقصات بحاله ممتازة هاتتغير كل فتره كم ؟