عايز اشتري عربية رومستر

**mgm21m** · 14-08-2010 03:50 PM

السلام عليكم
انا لغاية امبارح بس كنت هجيب كيا كارينز..بس شوفت الرومستر واستريحتلها اكتر...بس خايف من الصيانة وقطع الغيار والكلام ده...حد يا جماعة يطمني ...امشي في سكة الرومستر ولا أخليني في الكارينز اللي مع كل الناس...

**mgm21m** · 15-08-2010 11:29 AM

يا جماعة حد يرد ...انا هجيب الرومستر الإستايل مش الكومفورت

**solly1979** · 15-08-2010 01:58 PM

المشاركة الأصلية كتبت بواسطة mgm21m

السلام عليكم

انا لغاية امبارح بس كنت هجيب كيا كارينز..بس شوفت الرومستر واستريحتلها اكتر...بس خايف من الصيانة وقطع الغيار والكلام ده...حد يا جماعة يطمني ...امشي في سكة الرومستر ولا أخليني في الكارينز اللي مع كل الناس...

متهيئلى الكارينز اكبر كتير انا مركبتش الرومستر من جوة
بس اكيد الرومستر الثبات احلى على الطريق بكتير
والكيا والسكودا مش فارقين فى قطع الغيار كتير كلام فارغ
بس بصراحه توكيل كيا يكسب

**Mustafa_Farouk** · 15-08-2010 02:51 PM

http://www.nilemotors.net/Nile/60639-roomster.html

check the above link,
i like Skoda more coz it's from VW group and it's a very hard worker car.

i think u can make test drive in El-Mokattam branch, call the call center

**mgm21m** · 17-08-2010 03:56 AM

انا اشتريت رومستر الحمدلله مع اني ماشوفتهاش غير مرة او اتنين على الطريق...بس العربية تمام جدا...الظريف اني وانا برخص النهاردة لاقيت واحدة رومستر بترخص معايا...انبسطت والله..بس انا حاسس ان في حاجة مش مظبوطة في الجير بوكس...العربية ساعات بتنقل بدري..هيا المفروض تنقل لما يكون rpm على كام ...وساعات مترضاش تسيب الغيار ...يعني ببقى على الخامس والــ rpm على 1000 ومترضاش تنزل على الرابع ..لازم ادوس فرامل جامد..لو حد يعرف ليه يا ريت يقولي

**zico900** · 17-08-2010 04:41 PM

الف مبروك....متخفش ده لتوفير البنزين مش اكتر

سؤال: حضرتك شريت منين لاني عايز اشتري فابيا و مش لاقي و التسليم فوري؟

**mgm21m** · 18-08-2010 02:56 AM

انا اشتريت من معرض الكموني للسيارات في أحمد عرابي... صاحب المعرض أعرفه شخصيا وعمل معايا واجب كويس... عنده فابيا على فكرة وكانت بــ 95 حاجة زي كده

**ashroof** · 21-08-2010 03:01 PM

الف مبروك وياريت حضرتك تقولنا على مويل العربية واى فئة واسعر كام

**mgm21m** · 28-08-2010 06:58 PM

انا اشتريت العربية Style موديل 2010 بــ 120 ألف جنيه...العربية كويسة جدا وان كان في شوية حاجات مش ظريفة فيها زي مثلا:
السنتر بتاع العربية مش ببقفل لوحده لو انا مشيت زيادة عن 50 ك / ث
الأبواب اللي ورا مفيهاش لوك...يعني اللي عايز يفتح بيفتح...
غير كده لسه مكتشفتش.. بس العربية ما شاء الله جميلة ولو عايز تشد بتشد معاك ومثبت السرعة ده وهمي بجد وكمبيوتر العربية فيه مميزات كتير جدا .. العربية جميلة جميلة
عايز أجيب جنوط 16... أجيب منين وبكام