يارب ارحمنا واحفظنا .. خلوا بالكم من عيالكم

**نور القمر** · 14-08-2010 06:16 PM

بجد والله مصدومة .. الواحد بيسمع عن حوادث خطف الاطفال كتير لكن كنت دايما بقول اكيد في بعض المبالغة في الحكايات دي وكل واحد بيزود شوية في الحكاية
لكن للاسف النهاردة كان في محاولة خطف طفل من شارعنا باستخدام وش الاذى (( التكتوك))
بس الحمد لله الاهالي مسكوا الولد سواق التكتوك وقطعوه ضرب وودوه القسم
حسبي الله ونعم الوكيل فيه وفي كل الاشكال دي ... ياترى لاقدر الله لو الطفل ده اتخطف كان مصيره هيكون القتل والتقطيع وبيع الاعضاء ولا كان مصيره وظيفة متسول ولا كان هايبقه ايه بالظبط
يارب احفظ ولادنا جميعا من شر شياطين الانس والجن

**bmya** · 14-08-2010 06:22 PM

ياااااااااااااه حتى في رمضااااااااااااااااان كمااااان

**ganash** · 14-08-2010 06:45 PM

لا حول ولا قوه الا بالله

حسبى الله ونعم الوكيل فيهم

**hugan** · 14-08-2010 06:51 PM

المشاركة الأصلية كتبت بواسطة moshaks

انا ساكن فى العاشر من رمضان والحوادث ديه ابتدت تكتر هنا كمان وبئينا نسمع عن الموضوع واللى محطوط فى كيس ومرمى فى صندوق القمامه ده مش اطفال بس ده بنات كبار كمان
والله منا عارف البلد ديه مالها ولا هتروح على فين
كنا زمان بنقول متسبش اختك تخرج لوحدها فى الشارع دلوئتى متخرجش انت لوحدك فى الشارع

بما ان حضرتك من سكان العاشر
سؤال
انت ساكن وبتشتغل في العاشر
ولا ساكن وشغلك في مكان تاني
معلش انا بسال السؤال الغريب
لاني عندي بيت في العاشر والولاد عايزني انقل بس انا مستبعد المسافه
لان شغلي معظمه القاهره اكتوبر التجمع
ارجو التوضيح