لانسر كريستاله 1300 اتوماتيك عاوز اخليها مانيوال

**magedtohami** · 14-08-2010 06:30 PM

انا معايا لانسر كريستاله اوتوماتيك عاوز اخليها مانيوال الفكرة اني بفكر اغير المكنة بالجير بوكس كلها على بعضها وكان في موضوع لعضو فالمنتدى عن تسقيط المكن على الكريستاله وقال اني في 3 مكن يصلحوا ميفك 1600 175 حصان ومكنتين لانسر 1500 و1600 بس ال 1600 افضل انا عاوز اعرف سعرها بالزبط كام بالجير بوكس اللانسر 1600 بالضفيرة ومين بيفهم يركبها وازاي اجيب واحده كويسه وكمان عندي سؤال معلش مطول عليكم انا عربيتي رخصتها انتهت من 10 شهور المهم اني عاوز اروح اجددها 3 سنين وبعدين اسقط المكنه ال1600 وبعد 3 سنين ابقى اثبتها فالرخصه الكلام ده ينفع ولا الورق الي باخده مع الموتور لازم يتسجل فساعتها فالمرور ولا ايه ياريت حد يفهمني لاني مجربتش الحوارات دي خالص

**magedtohami** · 14-08-2010 09:11 PM

ايه مفيش رد خالص كده طب الي ربنا يكرمه ويرد ياريت يقولي هيا ال 1600 دي كاربرتير ولا انجيكشن وايه المكن الكاربتير الموجود

**shooter123** · 15-08-2010 12:52 AM

مش حقولك غير كلمة واحدة
حرااااااااااااااااام عليك
حتي يستبدل الراحة بالقرف؟؟؟؟؟؟؟؟؟؟؟؟؟؟؟؟؟؟؟

**mr_vampire** · 15-08-2010 04:34 AM

المشاركة الأصلية كتبت بواسطة shooter123

مش حقولك غير كلمة واحدة
حرااااااااااااااااام عليك
حتي يستبدل الراحة بالقرف؟؟؟؟؟؟؟؟؟؟؟؟؟؟؟؟؟؟؟

وانا مش هقولك غير كلمة واحدة ربنا معاك وتعملها وتسوق مانوال بجد هتحس بالسحبة والجري وتتعامل وتتفاعل مع النقلات وتسقط غيار عكسي عشان تاخد غرزة وحركات ( بالعند فيك بقي يا shooter واطلعي علي طريق مفتوح بعربيتك الاوتوماتيك وعربيتي المانوال وهما زي بعض بالظبطططططططططط ونشوف مين اللي هيزعل التاني منه

**hatchy** · 15-08-2010 10:22 AM

( بالعند فيك بقي يا shooter واطلعي علي طريق مفتوح بعربيتك الاوتوماتيك وعربيتي المانوال وهما زي بعض بالظبطططططططططط ونشوف مين اللي هيزعل التاني منه[/QUOTE]
النتيجة معروفة طبعا

**magedtohami** · 15-08-2010 10:57 AM

طيب اوك انا عارف ايه المانيوال وكل حاجه بس انا عاوز معلومات عن الحاجات الي سئلت عنها انا كان نفسي اجيب الميفك بس الجيب غلااااااااااااب

**SkyBird** · 15-08-2010 08:46 PM

ميفك 1600 175 حصان

ده اوتوماتيك ستيبترونيك
معتقدش فيه منه مانيوال

وبدل ما تغيرالموتور ما تستغل فرق السعر وتبيع عربيتك وتجيب واحده نفس الموديل مانيوال هتبقى ارخص من الاوتوماتيك

**Ralliart** · 16-08-2010 04:16 AM

المايفيك في حدود 6000 جنيه بكل حاجته (كنترول-ضفيره-فتيس ستيب ترونيك-.......) وينفع تجيب عليه فتيس مانيوال بدل الستيب ترونيك
بس علشان يشتغل مظبوط لازم بنزين 95
وهو انجيكشن مش كربراتير
وبيحتاج تغير العفشه

الـ1500 اتنين كامه انجيكشن في حدود 3000 بكل حاجته ومش محتاج تغيير عفشه

**magedtohami** · 16-08-2010 05:07 AM

بس بيقولوا ال 1500 دي حاجتها مش موجوده وال 1600 احسن فايه رايكوا ال 1600 دي تعمل كام وعلى فكرة انا مش ناوي اسقط الميفك لان لسه في حاجات فالعربيه تتعمل فمش هصرف الفلوس كلها على الحوار ده وهل ال 1600 دي كاربرتير لو ال 1500 دي احسن خلاص نتكل على الله ونعملها بس ياريت لو تعرفوا حد كويس يديني مكنه حلوة لان المكن ده زي مانتوا عارفين زي البطيخ وربنا يستر

**Reri** · 16-08-2010 01:21 PM

على فكرة انا بتضايق جدا من الاوتوماتيك فى حاجه لان عربيتنا اوتوماتيك لما بتقف بتبقى ليلتها طويلة وبنجيب ونش وحوارات فعشان كده انا كمان عاوزة اغير عربيتى مانوال

وموضوع ان العربيه تتباع وييجى مكانها واحده مانوال زى ماعضو قال

انت هتبيع مستعمل واعتقد مش هتقدر تجيب نفس العربيه زيرو بنفس التمن وكمان لو جبت عربيه مستعمله اكيد مش هتكون عارف حالتها زى ماانت عارف عربيتك