تسعير لانسر 2008 سوببر أكشن

السلام عليكم
رجاى تسعير لانسر بالمواصفات الاتيه

1- سوبر أكشن 1600
2- فابريكه بالكامب بره وجوه
3- عداد 20 ألف كيلو
4- الحاله العامه ممتازه


برجاء تسعيرها ولو حد عنده حاجه يحب يضيفها او ينصحنى بيها ياريت وابقى شاكر أوى

لو هي فرش جلد يبقي لغايه 92 تمام وممكن توصل ل 95 كله حسب الحاله بس اتاكد انها سوبر اكشن من سبورت يعني يكون فرض الجلد بتاعها الاصلي مش راكب.

ليييييييييييييييه؟؟؟اخرها 92 بلكتير اوى اوى اوى انما 95 ليييييييييييييييييه؟؟؟

هوا ماسك فى 90 وسألت كم تاجر أمين قالى اخرها 87

مش عارف اعمل ايه ياحماعه وفى كمان نقطه انا مش بحب الون النبيتى فى الانسر
فلو مش هايتساهل معايا أكمل ولا اعمل ايه ؟

والله ياباشا الانسر سعرها شادد اليومين دول وفي ناس بتطلب فيها 100 لو حاله شاذه عموما ال90 دي سعرها لقطه جدا بس اكيد فيها حتت رشه او هي مش سوبر اكشن.

بيقللك التجار سعروهاله ب87؟؟؟

اقتباس:

---

المشاركة الأصلية كتبت بواسطة hardman20060

والله ياباشا الانسر سعرها شادد اليومين دول وفي ناس بتطلب فيها 100 لو حاله شاذه عموما ال90 دي سعرها لقطه جدا بس اكيد فيها حتت رشه او هي مش سوبر اكشن.

---

مفيش غير الاشكالدى اللى بوظت السوق يطلب 100 الفليه دى لو رقصت متجبش ال 90 الف اصلا

اقتباس:

---

المشاركة الأصلية كتبت بواسطة hardman20060

والله ياباشا الانسر سعرها شادد اليومين دول وفي ناس بتطلب فيها 100 لو حاله شاذه عموما ال90 دي سعرها لقطه جدا بس اكيد فيها حتت رشه او هي مش سوبر اكشن.

---

مفيش غير الاشكالدى اللى بوظت السوق يطلب 100 الفليه دى لو رقصت متجبش ال 90 الف اصلا ومتنساش ان السوق خلاااااااص نام خالص عقبال الصيف الجاى يعنى اللى هيشترى دلوقتى هيلبس

عموما ياباشا انا واحد صحبي بيدور علي وحده 2008 سوبر اكشن لو قدامك حاله شاذه لغايه 92 انا شاري

واناكمان شارى بس ياريت لو الراجل مش عاوزها يسبهالنا بقى

انا خلاص خلصتها على 87 بعد الفحس فى التوكيل
متشكر اوى ياجماعه على مشاركاتكم

مبروك عليك العربية
ربنا يديك خيرها ويكفيك شرها

سؤال لو سمحت

هي دهان المصنع ولا لأ؟
كمان متأكد إن العداد 20 ألف بس
بعد الفحص في التوكيل؟

اه فابريكه ماشاءالله بره وجوه حتى الاكصدامات هيا صاحبتها مش بتطلع بيها كتير وفى الغالب كانت بتبقى مركونه ماعدا السفريات

هيا بتاعت مرات اخو واحد صاحبى وعشان كده الدنيا كانت سهله الحمد لله وبدايه الكلام كان 90

لو تحب ابقى ارفع لحضرتك الصور

انا مستعد اديك 92 الف ج يعنى مكسب 5 الاف ج لو عاوز بشرط تكون فبريكه
بس مظنش ابداان بلسعر دا وفبريكه او عداد متلعبش فيه

انا كشفت عليها عند مركز صيانه فى عبد الخالق
سؤال هوا ممكن يبقى فى حاجه مش مظبوطه ولا السعر كده شويه على العربيه ؟
بصراحه العربيه ماشاء الله انا شايف انها كويسه وانا هاصورها وارفعها ليكم على المنتدى

انت خدتها بسعر لقطه اوي لو هي بالحاله اللي انت وصفتها وربنا يباركلك فيها ويديك خيرها ويكفيك شرها

انا معايا 2008 برضو بس هاف سبورت فابريقه بره وجوه وماشيه 27 الف كم واحد صحبى والله العظيم كان عايز يخدها على 89 الف

اقتباس:

---

المشاركة الأصلية كتبت بواسطة hardman20060

لو هي فرش جلد يبقي لغايه 92 تمام وممكن توصل ل 95 كله حسب الحاله بس اتاكد انها سوبر اكشن من سبورت يعني يكون فرض الجلد بتاعها الاصلي مش راكب.

---

هى بفتحه سقف وفرش جلد
هل كده ممكن ماتبقاش سوبر أكشن وهل دا مثبت فين ؟؟؟
ربنا يستر

اقتباس:

---

المشاركة الأصلية كتبت بواسطة meteosat101

هى بفتحه سقف وفرش جلد
هل كده ممكن ماتبقاش سوبر أكشن وهل دا مثبت فين ؟؟؟
ربنا يستر

---

لو فرش جلد اصلي تبقي سوبر اكشن لو معمول تبقي سبورت وعموما في كلا الحالتين انت واخدها بسعر كويس متقلقش.

اقتباس:

---

المشاركة الأصلية كتبت بواسطة meteosat101

هى بفتحه سقف وفرش جلد
هل كده ممكن ماتبقاش سوبر أكشن وهل دا مثبت فين ؟؟؟
ربنا يستر

---

لو الفوانيس اللى قدام غامقه تبقى سبورت والفرش الجلد ده متركب

ولو الفوانيس شفافه تبقى سوبر اكشن

وألف مبروك

اقتباس:

---

المشاركة الأصلية كتبت بواسطة هشام حمزه

لو الفوانيس اللى قدام غامقه تبقى سبورت والفرش الجلد ده متركب

ولو الفوانيس شفافه تبقى سوبر اكشن

وألف مبروك

---

مش شرط الفوانيس غامقة او شفافة لان العكس فالخليجي
يعني الخليجي السوبر اكشن بتبقي الفوانيس القدام غامقة والخلفية شفافة

اولا يا باشا مبروك العربيه و ربنا يديك خيرها و يكفيك شرها ان شاء الله
و عموما هو فى حل واحد عشان تعرف ان كانت سوبر اكشن و لا لا سيان بقى خليجي و لا مصري و لا حتى من مدغشقر
بص على عدد السيسيهات فى رخصه العربيه لو كانت 1600 تبقى سوبر اكشن
لو كانت 1584 تبقى سبورت
و ده سر بس ما تقولش لحد عليه
ده بس عشان خاطر الناس الحلوه اللى فى المنتدى

اللون الاحمر مخصص للمداخلات الادارية لذا تم تغيير اللون
يرجى مراجعة قواعد المنتدى
1:56pm 23/8/2010
المشرف العام 5

اقتباس:

---

المشاركة الأصلية كتبت بواسطة hamada_amg

اولا يا باشا مبروك العربيه و ربنا يديك خيرها و يكفيك شرها ان شاء الله
و عموما هو فى حل واحد عشان تعرف ان كانت سوبر اكشن و لا لا سيان بقى خليجي و لا مصري و لا حتى من مدغشقر
بص على عدد السيسيهات فى رخصه العربيه لو كانت 1600 تبقى سوبر اكشن
لو كانت 1584 تبقى سبورت
و ده سر بس ما تقولش لحد عليه
ده بس عشان خاطر الناس الحلوه اللى فى المنتدى

---

طب وأيه الحكمه فى كده

هو حضرتك عرفت منين ؟؟!!

اقتباس:

---

المشاركة الأصلية كتبت بواسطة هشام حمزه

طب وأيه الحكمه فى كده

هو حضرتك عرفت منين ؟؟!!

---

بص يا فندم الحكمه فى كده هو سبب بسيط جدا اللى هو فرق الباور هورس
حضرتك العربيه السوبر اكشن بتكون 122 حصان ده اكيد عشان كده بيكون سيسيهاتها مقفوله 1600 و استحاله تكون اقل
لكن الاسبورت بتكون اقل و ده عمليا بيقلل من قدره الماتور عشان كده بيكون 1584
و طبعا الكلام ده بيتعرف من الافراج الجمركى للعربيه اللى هو باختصار بيوصل لحضرتك بياناته فى الرخصه

و للعلم فى عربيات كلاسيك ممكن تكون 1600 مش 1584 و برده نفس ال 122 باور هورس
لكن طبعا الكمالايات زي العتب و الفوج و الصن روف هى اللى بتقول ان العربيه كلاسيك و لا رياضي و لا سوبر اكشن

اما بقى موضوع انا عرفت منين فحضرتك انا عاشق للانسر من ايام الكريستاله 99 ثم بومه 2004 ثم سبورت 2006 خليجي بتعديلات خاصه و قريبا ان شاء الرحمن بومه 2008 سوبر اكشن بس ادعيلى الاقى حاله شاذه
و اى استفسار انا معاك اسألنى و اجاوبك

اقتباس:

---

المشاركة الأصلية كتبت بواسطة hamada_amg

بص يا فندم الحكمه فى كده هو سبب بسيط جدا اللى هو فرق الباور هورس
حضرتك العربيه السوبر اكشن بتكون 122 حصان ده اكيد عشان كده بيكون سيسيهاتها مقفوله 1600 و استحاله تكون اقل
لكن الاسبورت بتكون اقل و ده عمليا بيقلل من قدره الماتور عشان كده بيكون 1584
و طبعا الكلام ده بيتعرف من الافراج الجمركى للعربيه اللى هو باختصار بيوصل لحضرتك بياناته فى الرخصه

و للعلم فى عربيات كلاسيك ممكن تكون 1600 مش 1584 و برده نفس ال 122 باور هورس
لكن طبعا الكمالايات زي العتب و الفوج و الصن روف هى اللى بتقول ان العربيه كلاسيك و لا رياضي و لا سوبر اكشن

اما بقى موضوع انا عرفت منين فحضرتك انا عاشق للانسر من ايام الكريستاله 99 ثم بومه 2004 ثم سبورت 2006 خليجي بتعديلات خاصه و قريبا ان شاء الرحمن بومه 2008 سوبر اكشن بس ادعيلى الاقى حاله شاذه
و اى استفسار انا معاك اسألنى و اجاوبك

---

حضرتك تقصد ان ال 1600 فالرخصة يعني 1600 بالتمام ولا 1598 اصلها فالرخصة عندي 1598 مش مكتوب 1600 خالص والعربية كويتي سوبر اكشن؟؟؟

اقتباس:

---

المشاركة الأصلية كتبت بواسطة khaledmekawy2008

حضرتك تقصد ان ال 1600 فالرخصة يعني 1600 بالتمام ولا 1598 اصلها فالرخصة عندي 1598 مش مكتوب 1600 خالص والعربية كويتي سوبر اكشن؟؟؟

---

بصراحه انا اول مره اشوف 1598 ده جديده عليا
لكن طالما كويتي ممكن الموضوع يكون فارق
عموما لو فيها باقى مواصفات الاكشن تبقى تمام
زي الفوانيس الفاتحه من قدام و الحمرا الخلفيه
و الفرش الجلد

اقتباس:

---

المشاركة الأصلية كتبت بواسطة hamada_amg

بصراحه انا اول مره اشوف 1598 ده جديده عليا
لكن طالما كويتي ممكن الموضوع يكون فارق
عموما لو فيها باقى مواصفات الاكشن تبقى تمام
زي الفوانيس الفاتحه من قدام و الحمرا الخلفيه
و الفرش الجلد

---

انا الصراحة مش فاكر الرقم لان الرخصة فالعربية بس اللي متاكد منه 100 % انها مش مكتوبة 1600 فالرخصة واللي متاكد منه برضه انها كويتي سوبر اكشن والفرش الجلد والفوانيس القدام غامقة والخلفية شفافة عكس السوبر الاكشن المصري....

اقتباس:

---

المشاركة الأصلية كتبت بواسطة khaledmekawy2008

انا الصراحة مش فاكر الرقم لان الرخصة فالعربية بس اللي متاكد منه 100 % انها مش مكتوبة 1600 فالرخصة واللي متاكد منه برضه انها كويتي سوبر اكشن والفرش الجلد والفوانيس القدام غامقة والخلفية شفافة عكس السوبر الاكشن المصري....

---

ماهو يافندم معنى 1600 يعني 122 حصان و معنى الاقل يعني الاقل فى عدد الاحصنه
و ال122 حصان ده الماكنه السوبر اكشن اللى بتنزل مصر
وصلت كده

اقتباس:

---

المشاركة الأصلية كتبت بواسطة hamada_amg

ماهو يافندم معنى 1600 يعني 122 حصان و معنى الاقل يعني الاقل فى عدد الاحصنه
و ال122 حصان ده الماكنه السوبر اكشن اللى بتنزل مصر
وصلت كده

---

معلش افهم من كلام حضرتك ان السوبر اكشن الكويتي علي كده اقل في عدد الاحصنة من السوبر اكشن المصري وبكده تكون المكنة الخليجي اضعف من المصري ..... اعذرني لا اتفق مع حضرتك تماما...حضرتك ممكن تعرف المعلومة بتاعت الخليجي بتفرق عن المصري من كلام المهندسين فالتوكيل وكلام الباشمهندس طارق وحتي افتح كبوت المصري وشوف ماسورة واحدة للانجكشن في حين الخليجي 3 مواسير انجكشن وقدرة الخليجي هي الاعلي من المصري حتي فالسوبر اكشن هتلاقيها هي هي .....

اقتباس:

---

المشاركة الأصلية كتبت بواسطة khaledmekawy2008

معلش افهم من كلام حضرتك ان السوبر اكشن الكويتي علي كده اقل في عدد الاحصنة من السوبر اكشن المصري وبكده تكون المكنة الخليجي اضعف من المصري ..... اعذرني لا اتفق مع حضرتك تماما...حضرتك ممكن تعرف المعلومة بتاعت الخليجي بتفرق عن المصري من كلام المهندسين فالتوكيل وكلام الباشمهندس طارق وحتي افتح كبوت المصري وشوف ماسورة واحدة للانجكشن في حين الخليجي 3 مواسير انجكشن وقدرة الخليجي هي الاعلي من المصري حتي فالسوبر اكشن هتلاقيها هي هي .....

---

هو حضرتك مين قال ان الماكنه الخليجي اقل من المصري؟
و مين قال ان الباور هورس اقل من المصرى فى الخليجي؟
هل انا قلت كده ؟
و لا كان كلامى رد على عربيه حضرتك؟
و ردى كان بيقول فرق السيسيهات جاي منين صح و لا ايه ؟
و بعدين سؤال صغير بس بعد ازنك هو فى الرخصه مكتوب سوبر اكشن؟
و لا فى اى حاجه فى العربيه مكتوب عليها سوبر اكشن او اسبورت او كلاسيك؟
ممكن عربيه حضرتك تكون سبورت مش سوبر اكشن و ممكن السوبر اكشن هناك بينزل فيها ماكنه السبورت و لا ده مش ممكن؟
و بعدين الخليجي بيفرق عن المصري اكتر فى المواصفات الكماليه و ليس نوع الماكنه و لا سيسيهاتها و لا احصنتها
و ده فى اللانسر البومه كله و اتحدى اى حد يقول غير كده
و للعلم بس انا شاري ليا و لناس صحابى حوالى 12 عربيه لانسر
و مدخل مصر من دبي 3 عربيات
و كان معايا فى الدوحه شخصيا لانسر بومه 2005
و اى استفسار انا تحت امر حضرتك

اقتباس:

---

المشاركة الأصلية كتبت بواسطة hamada_amg

هو حضرتك مين قال ان الماكنه الخليجي اقل من المصري؟
و مين قال ان الباور هورس اقل من المصرى فى الخليجي؟
هل انا قلت كده ؟
و لا كان كلامى رد على عربيه حضرتك؟
و ردى كان بيقول فرق السيسيهات جاي منين صح و لا ايه ؟
و بعدين سؤال صغير بس بعد ازنك هو فى الرخصه مكتوب سوبر اكشن؟
و لا فى اى حاجه فى العربيه مكتوب عليها سوبر اكشن او اسبورت او كلاسيك؟
ممكن عربيه حضرتك تكون سبورت مش سوبر اكشن و ممكن السوبر اكشن هناك بينزل فيها ماكنه السبورت و لا ده مش ممكن؟
و بعدين الخليجي بيفرق عن المصري اكتر فى المواصفات الكماليه و ليس نوع الماكنه و لا سيسيهاتها و لا احصنتها
و ده فى اللانسر البومه كله و اتحدى اى حد يقول غير كده
و للعلم بس انا شاري ليا و لناس صحابى حوالى 12 عربيه لانسر
و مدخل مصر من دبي 3 عربيات
و كان معايا فى الدوحه شخصيا لانسر بومه 2005
و اى استفسار انا تحت امر حضرتك

---

حضرتك ممكن تتاكد من كلامي كله عن طريق الباشمهندس طارق تبع توكيل مصرية وكمان حاجة انا عربيتي لما اشترتها انا اتاكدت قبل ما اشتريها انها سوبر اكشن الفرش الجلد بتاع الكراسي والفوانيس الغامقة الامااامية والخلفية الشفافة حضرتك ممكن تسال في معلومة الفوانيس فالخليجي وحضرتك هتعرف ان الخليجي السوبر اكشن بيبقي فيها الفوانيس الامامية غاااااامقة مش شفافة واللانسر السوبر اكشن المصري مع واحد صحبي معايا فالكلية ولما ساق العربية قال في فرق في السحب عندي اكتر من عنده ومش هوا بس والله كام واحد معاه مصري سوبر اكشن يركب عربيتي ويحس بالفرق انا مش بشكر فالعربية بس بتكلم علي مبدا القدرة الحصانية للخليجي اكتر من المصري ...

وزكرت لحضرتك ان الفرق حضرتك ممكن تعرفه افتح كبوت اللانسر المصري وشوف كام ماسورة انجكشن وافتح كبوت اي عربية خليجي وشوف كام ماسورة وده لوحدة بيأثر علي سحب العربية واستهلاك البنزين واركب عربية خليجي وواحدة مصري وشوف استجابة دواسة البنزين وعزم العربيتين ......واختلاف الراي لا يفسد للود قضية وفانتظار راي حضرتك:satelite:

اقتباس:

---

المشاركة الأصلية كتبت بواسطة khaledmekawy2008

حضرتك ممكن تتاكد من كلامي كله عن طريق الباشمهندس طارق تبع توكيل مصرية وكمان حاجة انا عربيتي لما اشترتها انا اتاكدت قبل ما اشتريها انها سوبر اكشن الفرش الجلد بتاع الكراسي والفوانيس الغامقة الامااامية والخلفية الشفافة حضرتك ممكن تسال في معلومة الفوانيس فالخليجي وحضرتك هتعرف ان الخليجي السوبر اكشن بيبقي فيها الفوانيس الامامية غاااااامقة مش شفافة واللانسر السوبر اكشن المصري مع واحد صحبي معايا فالكلية ولما ساق العربية قال في فرق في السحب عندي اكتر من عنده ومش هوا بس والله كام واحد معاه مصري سوبر اكشن يركب عربيتي ويحس بالفرق انا مش بشكر فالعربية بس بتكلم علي مبدا القدرة الحصانية للخليجي اكتر من المصري ...

وزكرت لحضرتك ان الفرق حضرتك ممكن تعرفه افتح كبوت اللانسر المصري وشوف كام ماسورة انجكشن وافتح كبوت اي عربية خليجي وشوف كام ماسورة وده لوحدة بيأثر علي سحب العربية واستهلاك البنزين واركب عربية خليجي وواحدة مصري وشوف استجابة دواسة البنزين وعزم العربيتين ......واختلاف الراي لا يفسد للود قضية وفانتظار راي حضرتك:satelite:

---

بص يا فندم هقولك على سر صغير اوي فى اللانسر بالذات
الخليج عموما كمالياته بتختلف عن مصر تماما
طيب خد ده انا منزل عربيه من دبي مره 1300 موديل 2008 فيها كاسيت ماتسوبيشي سي دي مش كين وود
و شفت لانسر كويتى 1600 كلاسيك فيها وحدتين رفع زجاج متسوبيشي
و ده كانت مع واحد صدبقى جدا
و لما سألت ازاى ؟ قالى بكل بساطه انك و انت فى الخليج ممكن تطلب ميزه معينه فى العربيه او اوبشن زياده
و لما كنت انا فى الدوحه كنت عايز لانسر فوق ال1600 الراجل قالى للاسف انا اغيرك اى حاجه فى العربيه او احطلك الكامليات اللى انت عايزها بس مقدرش اغير ماكنه
و ده وجهه نظرى ان الكماليات مش مقياس للعربيه السوبر اكشن او لا
اما بالنسبه لعربيتك ربنا يباركلك فيها يارب و يكفيك شرها ممكن تكون مكنتها اعفى و لكن مش اعلى
لان ببساطه الرخصه هتعكس الافراج الجمركى و الافراج هيعكس مواصفات ملف العربيه اللى هو طالع من متسوبيشي اساسا
و المكنه العفيه هى المكنه اللى مصانه تمام
و بالنسبه للعزم ده بيختلف من الباور هورس و ممكن ده بيختلف فى الكويتى الله اعلى و اعلم
لكن انا ركبت الاماراتى و القطرى و المصري و السعودي
و انا اؤكدلك ان فى لانسر مصري بتتباع على انها سوبر اكشن و هى فى الواقع سبورت و مغيرين الفوانيس و الفرش
و بعدين يا سيدي المهم ان العربيه تكون عاجباك مش اكتر و انت مبسوط و انت فيها
و للاسف اللى بيعمل كل النقاشات ده هى عدم الشفافيه بين البياعين فى مصر و كله بيمشي و السلام
صح و لا ايه ؟
و عموما بقى مابتبعش عربيتك و لا ايه ؟
عايز انا حته سوبر اكشن فابريكه 2008 او 2009
لو بياع قولى و انا هازودلك سعرها ب 75 قرش لو عايز
فكر كويس العرض مغري

اقتباس:

---

المشاركة الأصلية كتبت بواسطة hamada_amg

بص يا فندم هقولك على سر صغير اوي فى اللانسر بالذات
الخليج عموما كمالياته بتختلف عن مصر تماما
طيب خد ده انا منزل عربيه من دبي مره 1300 موديل 2008 فيها كاسيت ماتسوبيشي سي دي مش كين وود
و شفت لانسر كويتى 1600 كلاسيك فيها وحدتين رفع زجاج متسوبيشي
و ده كانت مع واحد صدبقى جدا
و لما سألت ازاى ؟ قالى بكل بساطه انك و انت فى الخليج ممكن تطلب ميزه معينه فى العربيه او اوبشن زياده
و لما كنت انا فى الدوحه كنت عايز لانسر فوق ال1600 الراجل قالى للاسف انا اغيرك اى حاجه فى العربيه او احطلك الكامليات اللى انت عايزها بس مقدرش اغير ماكنه
و ده وجهه نظرى ان الكماليات مش مقياس للعربيه السوبر اكشن او لا
اما بالنسبه لعربيتك ربنا يباركلك فيها يارب و يكفيك شرها ممكن تكون مكنتها اعفى و لكن مش اعلى
لان ببساطه الرخصه هتعكس الافراج الجمركى و الافراج هيعكس مواصفات ملف العربيه اللى هو طالع من متسوبيشي اساسا
و المكنه العفيه هى المكنه اللى مصانه تمام
و بالنسبه للعزم ده بيختلف من الباور هورس و ممكن ده بيختلف فى الكويتى الله اعلى و اعلم
لكن انا ركبت الاماراتى و القطرى و المصري و السعودي
و انا اؤكدلك ان فى لانسر مصري بتتباع على انها سوبر اكشن و هى فى الواقع سبورت و مغيرين الفوانيس و الفرش
و بعدين يا سيدي المهم ان العربيه تكون عاجباك مش اكتر و انت مبسوط و انت فيها
و للاسف اللى بيعمل كل النقاشات ده هى عدم الشفافيه بين البياعين فى مصر و كله بيمشي و السلام
صح و لا ايه ؟
و عموما بقى مابتبعش عربيتك و لا ايه ؟
عايز انا حته سوبر اكشن فابريكه 2008 او 2009
لو بياع قولى و انا هازودلك سعرها ب 75 قرش لو عايز
فكر كويس العرض مغري

---

انا سعيد باالحوار ده مع حضرتك صراحة وهدفنا ان احنا نقدم معلومات لاي حد ناوي علي شراء اي عربية مستعملة لان الناس اللي بتيبع الايام دي بتكبرلك فالعربية بتاعتها ولا كانها عربية ملهاش مثيل والناس بتصدق ويضحك عليها وهي متعرفش للاسف......:Oc_sun1[1]:
هدي مثال لحضرتك : واحد صاحبي كان ناوي يشتري عربية مستعمله ومكنش ليه اوي فالعربيات فلما رحنا لواحد معرفة تخيل بيقولك علي عربيته كاملة كله من مجاميعه والعربية مافيهاش اي حاجة اساسا لا كماليات ولا اي حاجة وقعدت اضحك علي كلامة وقلت لصحبي بلاش يشتريها لانه اتخدع بس بمنظرها من بره لانه كان مفيم وموطيها واشتراها غصب عني وده براحته طبعا لانها عربيته بس مكنتش راضيهاله تماما ودلوقتي بيضرب كف علي كف انه مسمعش كلامي فانا ليا تجارب كتير جدا مع التجار ومحدش يقدر يضحك عليا واللي بيفكر يحور عليا ويقولي العربية فيها وفيها واكتشف انه مفيهاش حاجة بكسفه في ساعتها ومبيقدرش يتكلم لانه مبيكلمش افندي :Oc_sun1[1]:

تخيل حضرتك واحد قريبي من كام يوم كان هيلبس لانسر موديل 2006 هاف سبورت سودا مخبوطة فالاكصدام والكبوت وعاملة 60 الف وكان هيشيلها ب 85 الف شفت النصب بتاع التجار وصل لغاية فيييييييين؟؟؟؟؟؟؟ بس الحمد لله انا لحقته وعدلته عن قراره وجبتله عربية كورولا 2007 1300 سي سي عاملة 20 الف بس ب 95 الف فابريقة جوه وبره و2 ايرباج واتوماتيك وفيها زينون كانها زيرو بالظبط والله........

اما بالنسبة لعربيتي فهي متغلاش علي حضرتك .....والحمد لله انا عامل صيانات العربية كلها فالتوكيل من اول الالف كيلو لغاية دلوقتي بس انا مبفكرش فالبيع لانها معايا بحالة الزيرو الحمد لله والمكنة زي ما هي زيرو واي حد بيسوقها مقولش لحضرتك بيستغرب والله من نعومة المكنة وعزمها ومن غير مجاملة والله انا كسرت حاجز ال 200 بعربيتي كام مره وبعدي اي عربية 1600 في فئتها عدا السيفيك(رحم الله امرئ عرف قدر نفسه):B4_611:
واسف علي الاطالة

اقتباس:

---

المشاركة الأصلية كتبت بواسطة khaledmekawy2008

انا سعيد باالحوار ده مع حضرتك صراحة وهدفنا ان احنا نقدم معلومات لاي حد ناوي علي شراء اي عربية مستعملة لان الناس اللي بتيبع الايام دي بتكبرلك فالعربية بتاعتها ولا كانها عربية ملهاش مثيل والناس بتصدق ويضحك عليها وهي متعرفش للاسف......:oc_sun1[1]:
هدي مثال لحضرتك : واحد صاحبي كان ناوي يشتري عربية مستعمله ومكنش ليه اوي فالعربيات فلما رحنا لواحد معرفة تخيل بيقولك علي عربيته كاملة كله من مجاميعه والعربية مافيهاش اي حاجة اساسا لا كماليات ولا اي حاجة وقعدت اضحك علي كلامة وقلت لصحبي بلاش يشتريها لانه اتخدع بس بمنظرها من بره لانه كان مفيم وموطيها واشتراها غصب عني وده براحته طبعا لانها عربيته بس مكنتش راضيهاله تماما ودلوقتي بيضرب كف علي كف انه مسمعش كلامي فانا ليا تجارب كتير جدا مع التجار ومحدش يقدر يضحك عليا واللي بيفكر يحور عليا ويقولي العربية فيها وفيها واكتشف انه مفيهاش حاجة بكسفه في ساعتها ومبيقدرش يتكلم لانه مبيكلمش افندي :oc_sun1[1]:

تخيل حضرتك واحد قريبي من كام يوم كان هيلبس لانسر موديل 2006 هاف سبورت سودا مخبوطة فالاكصدام والكبوت وعاملة 60 الف وكان هيشيلها ب 85 الف شفت النصب بتاع التجار وصل لغاية فيييييييين؟؟؟؟؟؟؟ بس الحمد لله انا لحقته وعدلته عن قراره وجبتله عربية كورولا 2007 1300 سي سي عاملة 20 الف بس ب 95 الف فابريقة جوه وبره و2 ايرباج واتوماتيك وفيها زينون كانها زيرو بالظبط والله........

اما بالنسبة لعربيتي فهي متغلاش علي حضرتك .....والحمد لله انا عامل صيانات العربية كلها فالتوكيل من اول الالف كيلو لغاية دلوقتي بس انا مبفكرش فالبيع لانها معايا بحالة الزيرو الحمد لله والمكنة زي ما هي زيرو واي حد بيسوقها مقولش لحضرتك بيستغرب والله من نعومة المكنة وعزمها ومن غير مجاملة والله انا كسرت حاجز ال 200 بعربيتي كام مره وبعدي اي عربية 1600 في فئتها عدا السيفيك(رحم الله امرئ عرف قدر نفسه):b4_611:
واسف علي الاطالة

---

يا باشا اطاله ايه بس و لا يهمك
انا اللى سعيد ان الناس و الله تحب تتناقش و تفهم ده حاجه بقت نادره النهارده
و بالمناسبه ده احكيلك على موقف ظريف اوي
رحت لتاجر عنده عربيه المفروض انه قالى فى التليفون 2008 سوبر اكشن و الكلام ده كان من جوالى اسبوعه تقريبا
المهم رحت ببص على العربيه قلتله هى سوبر اكشن و لا اسبورت
قالى لا سوبر اكشن
قلتله اشوف الرخصه
قلتله يا حج العربيه ده سبورت مش اكشن ده اولا
ثانتيا مغيره جوز فوانيس ادام
و ملونه فوانيس ورا
فيها بويه يا حج ؟
قالى لا زي الفل الكماليات ده ترويش بس لكن الحاج 000000 مايشتريش عربيه فيها بويه ابدا
قلتله خلاص بسم الله توكلنا على الله و نتفرج
هما 10 دقايق بالظبط و قلتله بقول ايه يا حج العربيه ده ما تلزمنيش اصلا هى مطلوب فيها كام قالى 93 الف جنيه
قلتله و لا 3 الاف جنيه
قالى ليه بس و الحكايه و الروايه طب ده حتى فى زبون فى المكتب عايزها على 92 لو انت مش شاري
قلتله فين ده يا حج قالى اللى قاعد جوه ده
دخلت المكتب قلتله انت عايز تشتري اللانسر ده قالى اه
قلتله على كام قالك قالى على 93 و هى ماشاء الله شكلها تحفه
قلتله اه فعلا تحفه بس مغيره فانوسين قدام و بيقول عليها اكشن و هي اسبورت و فيها خبطه فى الشنطه ورا جايبه نص الشنطه يمين و الاكصدام
و الشنطه مشدوده بزرجينه واضحه اوي من الحوض و باينه فى الفلتو بتاع الشنطه من تحت النمر
و الاكصدام ورا مرشوش كله و للاسف اللى رشه غرقه معجون عشان كده البويا عاليه اوي
و فى الرفرف الامامي بقى شمال ده متغير تماما و اللى راكب ده التيوانى مش اليابانى
بس هى كبوت سليمه لكن السربنتينه من قدام واخده خابطه بس ربنا تقريبا ستر فيها
عموما الف مبروك عليك
و سلامو عليكم
ده الشعب المصرى اجدع شعب يلبس الزبون
و عموما فكر فى عربيتك هازودك جنيه وربع ههههههههههههه
انا بهزر على فكره و عموما لو لقيتلى حته اكشن ابقى قولى انت من الزقازيق يعني جنبي لانى انا من طنطا

اقتباس:

---

المشاركة الأصلية كتبت بواسطة hamada_amg

يا باشا اطاله ايه بس و لا يهمك
انا اللى سعيد ان الناس و الله تحب تتناقش و تفهم ده حاجه بقت نادره النهارده
و بالمناسبه ده احكيلك على موقف ظريف اوي
رحت لتاجر عنده عربيه المفروض انه قالى فى التليفون 2008 سوبر اكشن و الكلام ده كان من جوالى اسبوعه تقريبا
المهم رحت ببص على العربيه قلتله هى سوبر اكشن و لا اسبورت
قالى لا سوبر اكشن
قلتله اشوف الرخصه
قلتله يا حج العربيه ده سبورت مش اكشن ده اولا
ثانتيا مغيره جوز فوانيس ادام
و ملونه فوانيس ورا
فيها بويه يا حج ؟
قالى لا زي الفل الكماليات ده ترويش بس لكن الحاج 000000 مايشتريش عربيه فيها بويه ابدا
قلتله خلاص بسم الله توكلنا على الله و نتفرج
هما 10 دقايق بالظبط و قلتله بقول ايه يا حج العربيه ده ما تلزمنيش اصلا هى مطلوب فيها كام قالى 93 الف جنيه
قلتله و لا 3 الاف جنيه
قالى ليه بس و الحكايه و الروايه طب ده حتى فى زبون فى المكتب عايزها على 92 لو انت مش شاري
قلتله فين ده يا حج قالى اللى قاعد جوه ده
دخلت المكتب قلتله انت عايز تشتري اللانسر ده قالى اه
قلتله على كام قالك قالى على 93 و هى ماشاء الله شكلها تحفه
قلتله اه فعلا تحفه بس مغيره فانوسين قدام و بيقول عليها اكشن و هي اسبورت و فيها خبطه فى الشنطه ورا جايبه نص الشنطه يمين و الاكصدام
و الشنطه مشدوده بزرجينه واضحه اوي من الحوض و باينه فى الفلتو بتاع الشنطه من تحت النمر
و الاكصدام ورا مرشوش كله و للاسف اللى رشه غرقه معجون عشان كده البويا عاليه اوي
و فى الرفرف الامامي بقى شمال ده متغير تماما و اللى راكب ده التيوانى مش اليابانى
بس هى كبوت سليمه لكن السربنتينه من قدام واخده خابطه بس ربنا تقريبا ستر فيها
عموما الف مبروك عليك
و سلامو عليكم
ده الشعب المصرى اجدع شعب يلبس الزبون
و عموما فكر فى عربيتك هازودك جنيه وربع ههههههههههههه
انا بهزر على فكره و عموما لو لقيتلى حته اكشن ابقى قولى انت من الزقازيق يعني جنبي لانى انا من طنطا

---

تشرفت بمعرفة حضرتك واهلا بحضرتك وبكل اهل طنطا وان شاء الله لو لقيتلك حته سوبر اكشن هقولك علطول بس انت هل هيفرق معاك عدد الكيلوهات وهل يفرق معاك وكيل او خليجي ؟؟؟عشان ابقي عارف لو لقتلك حاجة؟؟؟

اقتباس:

---

المشاركة الأصلية كتبت بواسطة khaledmekawy2008

تشرفت بمعرفة حضرتك واهلا بحضرتك وبكل اهل طنطا وان شاء الله لو لقيتلك حته سوبر اكشن هقولك علطول بس انت هل هيفرق معاك عدد الكيلوهات وهل يفرق معاك وكيل او خليجي ؟؟؟عشان ابقي عارف لو لقتلك حاجة؟؟؟

---

يا فندم انا اللى تشرفت بيك جدا
بص انا عايز حاجه 2008 او 2009 يستحسن لون فاتح فضي او شامبين و ده يستحسن يعني مش شرط اكيد
و طبعا كيلوات معقوله يعني مش هاقولك 1000 كيلو و لا هاقولك 80 الف كيلو مثلا بس فى الوسط اللى هو يعني تكون عربيه جديده لسه من الاخر عايز عربيه كسر زيرو اما بقى وكيل او خليجي فايهما مش فارقه المهم اكشن كسر زيرو و بس على كده

اقتباس:

---

المشاركة الأصلية كتبت بواسطة hamada_amg

يا فندم انا اللى تشرفت بيك جدا
بص انا عايز حاجه 2008 او 2009 يستحسن لون فاتح فضي او شامبين و ده يستحسن يعني مش شرط اكيد
و طبعا كيلوات معقوله يعني مش هاقولك 1000 كيلو و لا هاقولك 80 الف كيلو مثلا بس فى الوسط اللى هو يعني تكون عربيه جديده لسه من الاخر عايز عربيه كسر زيرو اما بقى وكيل او خليجي فايهما مش فارقه المهم اكشن كسر زيرو و بس على كده

---

تمام حضرتك كده وان شاء الله هدورلك واشوفلك عربية تكون تمام وصاحبها يكون محافظ عليها واي جديد هقول لحضرتك علطول ان شاء الله

اقتباس:

---

المشاركة الأصلية كتبت بواسطة khaledmekawy2008

تمام حضرتك كده وان شاء الله هدورلك واشوفلك عربية تكون تمام وصاحبها يكون محافظ عليها واي جديد هقول لحضرتك علطول ان شاء الله

---

تسلم يا فندم جدا و اى سؤال برده انا موجود

انا عارف ان ده مش مكان النقاش ده لكن من الواضح ان الشباب فاهمه جدا
ايه الفرق بين الهاف سبورت والسبورت والسوبر اكشن من حيث العفشه والموتور
وفى رأيكم يا جماعه ايهما احسن لانسر 1600 ولا كيا نيو سيراتو