الموضوع: السلام عليكم نوبيرا 1 واستهلاك البنزين

انا معايا نوبيرا وان مو97 واستهلاكها جوة البلد زبالة لدرجة لا تتخيلها (تقريبا بتعمل 6.5 كيلو فى الليتر الواحد)- مع العلم ان الشيروكى الجديدة بتعمل 9 كيلو فى الليتر-يعنى الواحد يجيب شيروكى اوفر
بس على الطرق السريعة وهمية ومش هتصدقنى لو قلت لك انها بتعمل فى الليتر 14 كيلو وكسور-مع اكثر من تجربة- يعنى بتضرب اجدع عربية فى فئتها بالجنط
ويظهر ان دا عيب فى النوبيرا 1..مش عارف ايه حكاية نوبيرا 2
وعشان كدة بنصح اى حد بيستخدم العربية جوة البلد(زيى) يبعد عن النوبيرا خالص...جبارة فى البنزين بنت المفترية دى
بس كله يهون قصاد منظرها من قدام وراحتها من جوة

والله يا استاذ محمود حموده انا شايف ان استهلاك البنزين مرتبط بشكل مباشر بطريقه السواقه , لكن مش حكايه نوع عربيه او موديل

انا واحد من الناس اللي احيانا بخلي العربيه حوووت بنزين واحيانا بخليها اكتر عربيه اقتصاديه في الدنيا , بطريقه سواقتي انا مش بنوعها هي

وكل سنه وحضرتك طيب :-)

انا معايا نوبيرا2 و بتعمل جوة البلد بالتكييف طول الوقت وهى اتوماتيك حوالى 150-160 كم فى الصفيحة
و فى الصحراوى لو ماشى بسرعة 120-140 حوالى 200كم فى الصفيحة
و انا مغير الرشاشات برشاشات بى ام غير كدة مفيش اى تعديل حتى الفلتر الاسبور شيلته فى الصيف

المشاركة الأصلية كتبت بواسطة محمد الشامي

والله يا استاذ محمود حموده انا شايف ان استهلاك البنزين مرتبط بشكل مباشر بطريقه السواقه , لكن مش حكايه نوع عربيه او موديل

انا واحد من الناس اللي احيانا بخلي العربيه حوووت بنزين واحيانا بخليها اكتر عربيه اقتصاديه في الدنيا , بطريقه سواقتي انا مش بنوعها هي

وكل سنه وحضرتك طيب :-)

الحقيقة انا عرفت المعلومة دى من اعضاء المنتدى وبقيت هادى جدا فى سواقتى وبحاول ماضغطش على دواسة البنزين للاخر ومريحها جدا جدا جدا ... كنت باقول ان مشكلة الاستهلاك دى مشكلة استثنائية(لأنى تقريبا مغيرتش حاجة فى العربية من 3 سنين غير الزيت وفلتره وحساس سرعة..غير كدة كل حاجة زى ماجت حتى المية ماتغيرتش او اتزودت) لكن لما لاقيت معظم الناس اشتكت منها جوة البلد فهمت انها مشكلة عامة فى النوبيرا1-معظم الشكاوى من ملاكها-...مهما كانت طريقة السواقة جوة البلد...ومافيش حد شفته قال انه حل المشكلة دى فى ال1 لغاية دلوقتى

وكل سنة وحضرتك بخير ورمضان كريم عليكم جميعا ان شاء الله