الموضوع: رابطة مالكي وعشاق التمبرا (الجزء الثاني)

المشاركة الأصلية كتبت بواسطة zagazigegypt

ازيكم ياتمبراويه, عاملين ايه.
انا رحت انبارح عزبه شلبى اشوف ايه الاخبار وكان معايا زى ماتقول كده واسطه :oc_sun1[1]: (واحد عارف الناس وليه علاقات وشغل من زمان), المهم رحت سالت على متور+تكييف كامل+باور+فتيس (حته واحده محدش قرب منها مفتاح او مفك) المهم طلع برده فى حدود سعر بورسعيد 4000 جنيه (من غير فصال او اى كلام مش بقول معايا واسطه) والراجل كمان كان عاوز يعمل اى واجب وقلى شوف اللى انت عاوزه وخده وسيب اللى مش عاوزه وكمان لو عاوز تاخد الانجيكشن تشغله مع المتور خده ولو عاوز ترجعه فى اى وقت رجعه.

وقالى انه هيديلى لوحه تكييف تاتش (فى التابلوه اصل انا عندى اكر)

وعرض عليا عفشه كامله (امامى وخلفى) فى حدود 1300 جنيه بيقلى لسه مفكوكه من عربيه زى الفل

[bor=#93f5c9]طبعا الكلام ده ياجماعه توب سيكرت[/bor]

ايه رايكم, عموما انا رتبت مع الميكانيكى بتاعى وقالى انه مش هيفضى قبل اسبوع, وكمان انا عارف واحد كان شغال فى صيانه غبور (تكييفات) بس من الاخر, ناقص كهربائى محترم وتكتمل اركان الجريمة

وانا خارج من العزبه سالت عن واحد بيصلح الراديراتيرات المهم الناس قالولى على واحد امام الثلاثى(عندى الرادياتير بينقط بس مش كتير نقطه كل دقيقه لما يسخن مع انى لسه جايبه من العزبه من شهر) رحت عنده الراجل من الاخر بس لازم تكون واقف معى الصبى بتاعه وهو بيحل وبيركب الرادياتير فى العربيه (ضيعلى مسمارين من بتوع المروحه وماكنش عارف يفك الرادياتير وكان هيقطع اسلاك الحساسات) المهم لما لقيته محتاس ساعدته وقلتله يفك ايه قبل ايه لحد ما ربنا ستر وركبت الرادياتير. وبعد ما مشيت شويه بضرب كلكس لقيت صوت فار مش صوت عربيتى رحت نازل وقعت ادور جنب الكلاكسات لقيت الواد فك كلاكس ونسى يركبه, والنهارده الصبح وانا بشوف ايه اخبار العربيه (على فكره الراجل قالى اسيب غطاء الرادياتير مفتوح شويه من ساعه مكنت عنده لحد ما اول البيت علشان الضغط ميبوظش اللحام قبل ما يمسك نفسه وابقى ازود الرادياتير لما اوصل) لقيت الباشا يادوب مشبط وش العربيه اللى امام الكلاكسات(والحمد لله انه مطارش وانا ماشى باليل كانت العربيه هيبقى شكلها وحش اوى) جبت مفك وركبت الوش.

سؤال هو التابلوه والعدادات فى 1600 زى 1400 ولا هيكون فى حجات اكتر, وشكرا يا هشام باشا على الرد عنى بخصوص تغيير السياره (بصراحه العربيه حلوه واساسها سليم ولما جيت ابيعها وصل بيها الحال ل26000 جنيه, ليه يعنى هى كانت 28 مع احترامى طبعا ل28 اعتبرت انى اشترتها انا وبشدها قول ب5000 جنيه يعنى 31000 وكده زى الفل)

باشا بعد التحيه انا لما قرات اللى كاتبه عجبتنى فكرتك اوى لان طبعا السعر دا فى الارض دا سعر الريجاتا وال 28 والتمبرا طبعا بالنسبه ليهم حاجه فله دا من خلال تجربتى الصغيره ليها ، توكل على بركة الله بس بعد استشاره الاخوه لانهم طبعا خيره اكتر منى انا لسه على قدى ياسيدى

المشاركة الأصلية كتبت بواسطة aliit

باشا بعد التحيه انا لما قرات اللى كاتبه عجبتنى فكرتك اوى لان طبعا السعر دا فى الارض دا سعر الريجاتا وال 28 والتمبرا طبعا بالنسبه ليهم حاجه فله دا من خلال تجربتى الصغيره ليها ، توكل على بركة الله بس بعد استشاره الاخوه لانهم طبعا خيره اكتر منى انا لسه على قدى ياسيدى

شكرا على المشاركه ياعلى باشا وان شاء الله يكون ديما بيننا عيش وتمبرا

المشاركة الأصلية كتبت بواسطة kdosoki

توكل على الله ومفيش داعى لبورسعيد الا اذا حبيت تتأكد من السعر تانى
ومعلش انا مبفهمش فى العدادات ومعرفش هما شكل بعض ولا فيه اختلاف

شكرا على المشاركه والدعم , وان شاء الله هعرفكم اخر التطورات اول باول.

صباح الفل ياهشام باشا انت ايه رايك فى الاسعار على فكره انا معرفش فى الاسعار اوى اسم المحل (شركه اولاد ابو رضا) انا كنت بتعامل مع محل اسمه الباز وده كان ليه 3 محلات متوزعه فى العزبه بس مش عارف الراجل ده عامل واجب معايا ولا لا.