حاجة غريبة جدا

**KHALED2010** · 15-08-2010 12:07 AM

ياجماعه انا بتحصلى حاجة غريبة من اول يوم رمضان ومش عارف ابطلها
كل يوم باخد البايك واطلع من البيت الساعه 12 ظهرا واروح السخنة بكون هناك تقر يبا الساعه 1.5 ظهرا ....
انزل المياه لحد الساعه 4 عصرا واخرج اخد المكنة واروح على الساعه 5.5 اكون فى البيت ...اخد دش بارد ...
واخرج انام نصف ساعه قبل الفطار ....واصحى افطر وانام تانى الى تانى يوم ..........
ياترا دى طاقة زيادة .....ولا انا كان عندى شعور بالحرمان من النوع ده بسبب الشغل ....ولا حب استطلاع .....
ولا ايه بالضبط ...........ارجو الافادة فى الموضوع ده يا جماعه

**KHALED2010** · 15-08-2010 12:33 AM

والاغرب فى الموضوع كله ........ان انا بروح نفس المكان ......مبغيرش يعنى اول يوم رمضان ال كل الناس بتفطر فيه مع بعض انا بجنانى روحت بين الجبال افطر لوحدى وعلى رنه تليفون من والدتى لحظة الاذان ....جيت الساعه 3 عصرا كلمت واحد صاحبى قولتله تيجى نطلع السخنه نفطر هناك ونيجى بعد الفطار ....قالى ماشي علطول فى ظرف 1/4 ساعه كنا ماشيين روحنا ونزلت المياه على الساعه 5 لحد الساعه 6 وروحت الريست جبت مياه ولوازم الافطار وفطرت ومشينا بعد الفطار علطول وواحنا راجعيين كان الطريق ليل وانا ماشي على الكشاف لان الطريق ضلمه جدا المهم لاقيت عربيه مشغل الانتظار وشاورلى وانا كنت ماشي تقريبا 140 لما عديت من جمبه فكرنى مش هقف بس زهل لما لقانى اديت اشارة يمين ووقفت ورجعت وانا راجع زميلى بيقولى ياعم لايكونا حراميه وانا مش عارف حاجة كده خلتنى اقف وارجعله المهم طلعت عربيته موتورها قفش لان مافيش زيت .....المهم روحت اجيبله زيت واضحكوا بقى نزلت فى الحراء علشان اعدى الجمب التناى كانى راجع على السخنة والطريق ضلمه وانا عمال احاول اعدى البايك ومش عارف اعديه المهم عديت المبايك ورجعت حوالى 10 كيلوا جبت الزيت وراجع عن طريق نفق علشان يوصلنى للطريق ال انا كنت فيه لشان ارجع للراجل تانى والنفق عامل زى المقبرة والله ضلمه ومافيهوش صوت غير صوت نفسي وصوت الموتور جيت بطلت المكنة ووقفت وطفيت الانوار كلها حسيت ان انا فى كهف .......المهم سمعت صوت اتاريه كلب جاى عليا وانا مطفى كل حاجة المكنة والانوار يعنى مش شايف اى حاجة اول لما نورت النور فوجئت بكلب ......لا مش كلب ده عامل شبه الغوريلا ال فى جنينه الحيوانات .....كلب كبير جدا .......مش عارف فجاة لاقيت جسمى اشعر والادرينالين اشتغل ................بصوا بقى فى لحظ انا واقف جمب المكنة بتامل المنظر .......فى حوالى 3 ثوانى كنت راكب المكنة ومدور ومعشق اول وطيرت ........ازاى انا لمحت الكلب جاى من بعيد حاجة سودا جاية عليا فى الظلمه ركبت البايك وايدى راحة بالمفتاح على الكونتاك وفى لحظة دورت مع تعشيق الاول وقمت طاله عكس والكلب جرى ورايا قمت واخد الملف من ورا والكلب طاير جمبى وقمت طالع على الطريق .........بس طول ما انا بجرى حاسس ان الكلب هيحصلنى اول لما طلعت على الطريق اطمنت شوية كنت طالع على التانى قمت حارقه فى الثالث بقيت ماشي 100 وروحت لصاحبنا وزود الزيت ومشيت وفضلت احكى لصاحبى على ال حصلى قالى يا قلبك ميت يا مجنون .........فانا مش عارف واحد يقف لواحد فى الصحراء من غير مايعرفه بالليل ونزل بالبيك بتاعته فى الصحراء علشان يلف وينزل نفق عامل شبه المقبره وكمان يبطل المكنة بتاعته .........فانا مش عارف
يوميا بقطع حوالى 290 كيلوا ذهاب وعوده ........بغير الزيت كل اربع ايام .........مش عارف اعمل ايه ..........قولولى اعمل ايه؟؟؟؟؟؟؟
ويوميا على هذا الحالى ........اروح السخنه واجى

**KHALED2010** · 15-08-2010 12:48 AM

بجد شعور غريب اول مرة كنت راجع بعد الفطار وعادى
تانى مرة روحت وجيت قبل الفطار كنت مش قادر حتى اسوق وانا راجع كنت داخل الكارته والله العظيم كنت ماشي 160 فجاة لاقيتنى مش قادر اسوق خالص قمت راكن فى مكان كده فى ظل وقمت فارد جسمى حوالى 10 دقايق لحد ما تملكت نفسي ومشيت تانى ....بس قليت فى السرعه تقريبا كنت ماشي 120 الى 130 ....
النهارده روحت انا واخويا بس رجعت ديركت متعبتش المره ديه مع انى مكنتش بجرى كنت يادوب 120 الى 130 علشان اخويا كان بيخاف بس حسيت انى اتعودت على الجلوس على البايك لفترات طويله .......مش عارف اعمل ايه بجد فعلا ....انا مش عارف مالى..........