ازاى اروح دجله المعادى

**Ros** · 15-08-2010 03:03 AM

اكون شاكر ليكم اوى لو وصفتولى ازاى اروحه من العباسيه ومن الهرم انا معرفش حاجه فى المعادى غير شارع 9 المعادى الجديده

**abdo_general** · 15-08-2010 03:54 AM

بص ياباشا اعتقد ان انت قصدك علي نادي وادي دجلة الي في المعادي

انا هوصفلك الطريق

بس مش متأكد انه اقصر طريق

اولا من العباسية

هتروح لحد مسجد السلام في مدينة نصر الي قبل الحي العاشر

وتدخل من جنبه يمين وتفضل ماشي علي طوول لحد ما هيقابلك تقاطع تعديه وتكمل علي طول برضه

والطريق هيلف بيك يمين وفي وشك الناحية التانية بنزينة وطنية

هتنزل علي الطريق وتاخد او يوترن شمال وتعدي من جنب البنزينة وتبقي هي علي يمينك وتكمل علي طوووووول

وهتلاقي الطريق مطلع وبعد كده بيلف يمين خليك معاه وامسك اليمين علشان هيقابللك نفق

ماتنزلوش وتعدي يمين وبقيت انت كده علي الدائري في اتجاه المعادي

هتفضل ماشي حوالي 10 دقايق او اقل لحد ما تلاقي كارفور المعادي علي شمالك الناحية التانية وانت تنزل المخرج اليمين الي قصاده علي يمينك علي طول

وهتاخد النفق وتطلع ويبقي كارفور علي يمينك وتكمل علي طوووووول بقي والطريق هيلف بيك وتخليك في اتجاهك لحد اخر الطريق هتلف يمين مع الطريق وتاخد اول يوترن شمال وهتلاقي في مسجد علي يمينك ادخل بعده يمين

والنادي كده في وشك عدل

اما بقي من الهرم

هتطلع الدائري من اقرب حته ليك

مش عارف الماريوطية ولا فين

وتاخد اتجاه المعادي برضه
وتفضل ماسك الدائري علي الشمال في اتجاه القطاميه ومدينة نصر وماتنزلش نزلة المعادي

لحد ما تلاقي كارفور علي يمينك وتخرج المخرج اليمين بتاعه

وهو تقريبا المخرج رقم ( 8 )

وتكمل علي طووول وكارفور علي يمينك زي الوصفة الي فاتت

وتول بالسلامة ياباشا