تــــــابع .... انقطاع الميــــاه

**ahmedaliaeg** · 15-08-2010 02:29 PM

المياه مقطوعه فى القاهره الجديده من يوم الجمعه
وتم تشغيل مسوره بديله للجولف لان سكان الجولف مواطنين مصريين
اما نحن فدخلاء على هذه الوطن فشكرا لحكومه رجال الاعمال على عدم طردنا من بلادهم
وشكرا للحزب الحاكم حزب الشعارات والتغيير فنحن نهان صباحا ومساء
وعلى فكره كتب فى جريده الدستور ان الاردن استوردت من بلاد الحكومه مصر كهرباء وده سبب تخفيض وقطع الكهرباء
عن المغتربين المصريين فى مصر
حسبى الله ونعم الوكيل

#007bff

**Samir Elshahawy** · 15-08-2010 02:42 PM

فعلا المياه مقطوعة عن الرحاب لأكثر من أسبوعين مش يومين

**hazoom2006** · 15-08-2010 03:17 PM

اشكر جميع الاعضاء على الرد

لقد تم تاكيد الخبر اذن فاننا نطالب الحكومة بصرف عدد 1 جركن مياه وعدد 1 قله للشرب لكل 1 مواطن مصرى

ولانقطاع الكهرباء نطالب ايضا بصرف عدد 1 لمبه جاز او فانوس بشمعه لكل مواطن مصرى علشان تبقى مصر منوره باهلها

وسيتم اضافة جركن المياه والقلة ولمبة الجاز والفانوس بشمعه على البطاقه التموينية هذا وقد صرح مصدر مسئول ان السلع ستكون متوفره فى جميع انحاء البلاد ابتداء من يوم 1/1/2011 حتى يعيش الشعب فى رفاهيه وسعاده دائمة

وتابـــــعونا مع كل جديد مع حالات الانقطاع ........... اللى هتودينا فى الحضيض

**MoHaMed HaMeD** · 15-08-2010 03:42 PM

بالفعل مياه المقطوعه بالتجمع الخامس من يوم الجمعه
ولسه مجتش انا ساكن جنب الجولف قريب منه جدا والجهاز ايضا لكن المسهل موضوع انا لسه مركبين حزان فوق ف الحمد الله بس برده الحياه غير مياه وف وقت صيام فشل زريع من قبل شركه المياه
الجانب الايجابى الى فى موضوع انى اكتشفت ان فيه اعضاء كثير ف التجمع عايزين نتعرف ع بعض ياجدعان نتاقبل مره بعد صلاه الفجر ف مسجد الحمد اكيد عارفينه وجنبيه باركن كبير

**age** · 15-08-2010 03:42 PM

بجد كفايه كده على الحكومه دي لازم تستقيل

**thedeveloper87** · 15-08-2010 03:59 PM

المشاركة الأصلية كتبت بواسطة hazoom2006

وتابـــــعونا مع كل جديد مع حالات الانقطاع ........... اللى هتودينا فى الحضيض

إلا هي دي الحلقة رقم كام؟ أصل للأسف مش متابع المسلسل من أوله

**masryxt** · 15-08-2010 04:04 PM

المشاركة الأصلية كتبت بواسطة hamed_73

بالفعل مياه المقطوعه بالتجمع الخامس من يوم الجمعه
ولسه مجتش انا ساكن جنب الجولف قريب منه جدا والجهاز ايضا لكن المسهل موضوع انا لسه مركبين حزان فوق ف الحمد الله بس برده الحياه غير مياه وف وقت صيام فشل زريع من قبل شركه المياه
الجانب الايجابى الى فى موضوع انى اكتشفت ان فيه اعضاء كثير ف التجمع عايزين نتعرف ع بعض ياجدعان نتاقبل مره بعد صلاه الفجر ف مسجد الحمد اكيد عارفينه وجنبيه باركن كبير

انا كمان ساكن في نفس المنطقة بالضبط ومافيس نقطة مية شفتها من ساعت ما قطعت فجر الجمعة

موضوع الخزان بفكر فية جديا بعد المهانة اللي شفتها اليومين دول

كل املي في الدنيا حاليا المية تيجي قووووووووووول يااااااااااااااااااااارب

طبعا يزيدني شرف ان يكون فية حد جاري ونخلص بس من المشكلة اللي احنا فيها واسمحلي نتقابل ونتعرف

**MoHaMed HaMeD** · 15-08-2010 04:51 PM

اكيد يمان انت ساكن فين هنا بالظبط وان شاء الله المياه هتيجى النهارده

**hazoom2006** · 15-08-2010 05:06 PM

القاهرة - تعرض احد الوزراء لموقف طريف بسبب انقطاع المياه فى القاهرة الجديدة التى يسكن بها عدد كبير من رجال الحكومة.

وقال مصدر رفض ذكر أسمه في تصريحات صحفية لصحيفة "الشروق" إنه أجرى اتصالا هاتفيا بالوزير ليؤكد عليه الاستعداد للقاء مع رئيس الجمهورية، فاشتكى له الوزير من أنه لم يحلق ذقنه بعد، رغم اقتراب ميعاد الاجتماع بسبب انقطاع المياه لأكثر من يومين، وهو ما أخبره الوزير لرئيس الجمهورية.

ولم تقف مواقف المسئولين الطريفة مع أزمة قطع المياه عند هذا الحد، حيث تعرض الدكتور مفيد شهاب، وزير الدولة لشئون مجلس الشورى، لموقف مشابه، عندما ضطر لملء جراكن المياه من سيارة المياه التى علم الوزير أنها تقف فى أحد الميادين بالتجمع الخامس، فأرسل البواب "بالجراكن".

وأكد شهاب أنه حرص على وضع الجراكن بعد ملئها بالماء فى كل الأماكن التى يحتاج المياه فيها.

وأضاف أنه أجرى اتصالا هاتفيا مع الدكتور عبدالقوى خليفة رئيس الشركة القابضة لمياه الشرب لمتابعة تطورات تصليح المواسير التى تعرضت للكسر وطالبه شهاب بسرعة إنهاء عمليات التصليح خاصة أن هذه الإصلاحات تتم فى رمضان.

وكانت مياه الشرب قد انقطعت عن التجمعين الأول والثالث وبعض المناطق فى التجمع الخامس، فضلا عن مدن الرحاب و"مدينتى" ومنطقة القطامية، بعد انفجار ماسورة رئيسية بقطر 1200 ملم أمام أكاديمية الشرطة.

المصدر: مصراوى