واضح ان الحكومه ربنا يخليهالنا بتتفنن فى اكسابنا المزيد من الحسنات فى شهر الصوم بمحاولة ازللنا كمان وكمان وتعذيبنا علشان تزود حسناتنا فى رمضان بقطع المياه او النور بالتبادل كما حصل امس والايام السابقة
يا ريت كلنا ندعى للحكومه الرشيدة اللى حتى فى الدينيات بتمدنا بالمزيد من الحسنات
الغريبه ان ما فيش حد سمعناه استقال او حس على دمه وطلع يقول احنا اسفين
كل المسؤلين ولله الحمد ططالعين يسببوا الاسباب مرة علشان التكييفات ومرة البيه بتاع المايه طالع يقول اللى ساكن فى ادوار بعد الدور التالت يججيب له موتور
تخيلوا بعد الدور التالت يعنى يا دوبك الحكومة بتنفخ فى المواسير لحد الدور التالت
حسبى الله ونعم الوكيل فى حكومتنا الرشيدة
انا باقترح تنظيم دعاء ساعه الافطار على اشاوسة الحكومه دول ان ربنا يعزلهم فى جزيرة بلا مياه او كهرباء علشان يدوقوا اللى بيعملوه فى الشعب الباءس او المرفه ززى ما البيه معالى وزير الكهربا بيوصفنا اللى مش دريان بحاجه غير عربيته المكيفه ومكتبه اللى ممكن يعيش فيه 10 عائلات كامله