تــــــابع .... انقطاع الميــــاه

**MoHaMed HaMeD** · 20-08-2010 05:48 PM

حد من شباب التجمع رايح المقابله النهارده نطلع مع بعض انا رايح بعد الفطار ان شاء الله

ها لو حد رايح نتقابل نتجمع ف مكان ونطلع كلنا مع بعض ايه رايكو

**noni67** · 20-08-2010 06:41 PM

كده بانت اوى موضوع انقطاع الكهرباء علشان مرير التوقيع على عقد انشاء محطات توليد بالسلف
ايوه بقروض نفضل نسدد فيها طول عمرنا احنا وولادنا واحفادنا
ملياااااااااااااااااااااا ااااااااااااااااااااااااا اااااار يورو يا رجاله
ايوه مليار يورو تم الوقيع عليها امس بينا وبين الاتحاد الاروبى دين شوفوا يتسدد على كام قرن هو وفوايده
وطبعا الطبخه تمام ومسبوكة والبهارات بتاعتها متقنه جدا ولا شيفات التليفزيون
قطع النور بصفة مستمرة فى مصر كلها
الريس يسال ليه
يترد عليه اصله شعب مش متربى مش عايز يرشد الاستهلاك يا ريس
شعب قليل الادب مش عايز يطفى الانوار ويعيش على لمبة جاز
ولو فضلنا كده يا ريس مصر هتغرق فى الضلام
زى ما انقذوا السد العالى يا عينى وتربيناته من الغرق امس برضو لانهم جهابزة طبعا فتحو المايه على السد والحجه زيادة الكهرباء ده من يويمن
وامبارح الحقوا السد وتربيناتوا بيغرق يلا ننقذه
اه يل ولاد البوبى
اليوم اللى بعدوه نمضى عقد قرض بملايار يورو نبنى محطات كهربا يا ريس البلد هتضلم والسد هيغرق
طيب الديون يا جماعه
وايه يعنى يا ريس الشعب يسدد مش مرفه وبيولع نور وعنده تكييفات يدفع بقى هو وولاده واحفاده واللى جابوا امه كمان
فى سؤال فاضل
يا ترى السمسرة بتاعتكم كام فى المليار يورو دول يا ولاد ال..............
عارفين كده يبقى خلاص البلاد غرقت ومش هنرفع روسنا لفوق تانى لقرون ادام
وهما عادى يوم ما البلاد تفلس ولا تولع حتى طيارة خاصة من اللى فى مطار اكتوبر وعلى اوروبا الخميرة هناك ويولع الشعب باللى فيه
حسبى الله ونعم الوكيل فيكم
ادعى عليكم بايه
بس بجد ارفع ليكم القبعه
الطبخه مسبكة ومظبوطة تمام وملعوبه صح اوىىىىىىىىىىىىىىىى

**hazoom2006** · 20-08-2010 07:01 PM

مليار يورو مليار يورو علشان الكهربا حرام عليكو

كفاية بقا كفاية دى بداية النهاية الحكومة خايفة من اللى جاى والسرقة زادت عينى عينك كدة

ده احنا بقينا مديونين لطوب الارض حرام عليكو

منكم لله منكم لله وحسبى الله ونعم الوكيل

**just_humen** · 28-08-2010 02:40 AM

بالذمة مش لو دورو هنا على قول تعملهم المحولات و المولدات دى مش حيلاقة
والله لو المليار يووووورو دول اندفع 10% بس منهم لمهندسين من هنا حتلاقيهم نورولك بحر الرمال نفسه

بس برضة المكسب و العمولة مش و حشين ولا اية؟

**just_humen** · 28-08-2010 02:47 AM

اه بالمناسبة المياة تقطع بصفة مستمرة بالتجمع الخامس
فى اوقات متفرقة من اليوم
ولما نكلم المياه يقولوا فية عطل فى خط 900 واو علية ضغوط

هو مش خط 900 دة اللى بيروح امبابة؟

**Dr Ahmed** · 28-08-2010 02:52 AM

هى دى البنية التحتية اللى خوتوا دماغنا بيها من سنة 80؟

فيه بنية تحتية عمرها الافتراضى أقل من 30 سنة؟

**hazoom2006** · 28-08-2010 03:54 AM

المشاركة الأصلية كتبت بواسطة just_humen

اه بالمناسبة المياة تقطع بصفة مستمرة بالتجمع الخامس
فى اوقات متفرقة من اليوم
ولما نكلم المياه يقولوا فية عطل فى خط 900 واو علية ضغوط

هو مش خط 900 دة اللى بيروح امبابة؟

واضح انهم يقصدو خط 0900 وانه مشغول وعليه ضغط مكالمات وكل ماتتصل اكتر ......