تعليق على مسلسل الجماعة

**Samir Elshahawy** · 15-08-2010 02:59 PM

الاخ مزاجانجي ...

كل عام و انت بخير ..

أحب أشكرك جدا علي الموضوع ده لأنه جه في وقته و فعلا انا متابع للمسلسل بشغف و أستفدت جدا لأنه كان السبب في أني أبدأ أقرأ عن الاخوان و تاريخهم و كيفية تأسيس جماعة الاخوان المسلمين

في الحقيقة أنا لا مع الحزب الوطني او غيره من الاحزاب و لا الاخوان بل علي العكس أنا أري أن كلا منهم يسعي لتحقيق أغراضه و أهدافه هو و ليس تحقيق مصلحة هذا البلد او هذا الشعب أو حتي الاسلام كما يدعي البعض من الاخوان

المهم .. هذا المسلسل في أعتقادي تم اختيار موعد أذاعته بعناية فائقة نظرا لأقترابنا من أهم و أخطر أنتخابات تشريعية يعقبها أنتخابات رئاسة يدور حولها جدل واسع و الحكومة هنا تستخدم كل الوسائل الممكنة و الغير ممكنة الان لضرب الاخوان و التأثير في الرأي العام كي ينفض من حولهم و هو ماذكره أحد أبطال المسلسل عندما قال بالنص "تقلق لما الناس يبتدوا ينفضوا من حواليك"

عموما انا لم و لن أبني رأيي النهائي ألا بعد أنتهاء أحداث المسلسل و بعد أن أكون قد كونت فكرة و تصور واضح من خلال قرائتي التي بداتها عن هذا الموضوع

مع خالص تحياتي
م/ سمير الشهاوي

**MaZaGAngeE** · 15-08-2010 04:58 PM

في رأيي الشخصي و زي ما م سمير قال المسلسل ده الحكومة هيه اللي عاملاه و موعد العرض متحدد بدقة لأن ده أسلوب أمني اسمه الإعلام الموجه و الغرض منه اظهار كل المعارضين للحزب الوطني و الاخوان بالذات في شكل المتطرفين أو الارهابيين أو النفعيين المهم يطلعوا في أي شكل سلببي و خلاص

**Abo_Lina** · 15-08-2010 05:35 PM

وحيد حامد بيكتب عن الإخوان
على أساس إيه يعني
معروف توجهات وحيد حامد

**hamdy** · 15-08-2010 05:56 PM

من اكتر الحاجت اللي ضحكتني من جوايا
المشهد اللي الجماعة بتصلي فيه و الجماعة ورا الامام بتاعهم لأ بقا ووالامام بيقرا التشهد بصوت عالي اكنه بيقرا الفاتحة في صلاة المغرب مثلا
حتي خايبنين في التقليد

**mr_sameh** · 15-08-2010 06:07 PM

اعتقد ان الموضوع ده مخالف لقوانين المنتدي لان الموضوع ده سياسي صرف وهيطلع في اراء مخالفه للاخوان واخري مؤيده وده مش مكانها هنا ومع كامل احترامي لكاتب الموضوع وتقبلوا مروري

**Ahmed Anwer** · 15-08-2010 06:10 PM

أكبر دعاية مجانية للأخوان ،،،

سبحان الله ضباط أمن الدولة و وكلاء النيابة بقوا مثقفين و محترمين و بيتكلموا مع الناس كأنهم إخواتهم و يعزموا عليهم بشاي

و كأنهم بيتصرفوا من دماغهم من واقع حرصهم علي البلد

و قيادات الأخوان اللي كلهم دكاترة جامعة و مهندسين و أطباء و رجال أعمالهم اللي البيزنس بتاعهم بيقع في السنة تلت مرات و يقوموه تاني

بقوا هما اللي جهلة و مش عارفين يتكلموا كلمتين علي بعض ،، و اجتماعتهم زي اجتماعات عصابة علي بابا

الفكرة إن الأغبياء مش فاهمين إن الطريقة الإعلامية العبيطة دي ،،، بتجيب نتيجة عكسية تماما مع الناس و بالعكس تماما

يمكن لو كانوا عملوا مسلسل بيمجدوا فيه الإخوان و يظهروهم بلا أخطاء و قديسين كان أفضلهم

**MaZaGAngeE** · 15-08-2010 06:44 PM

المشاركة الأصلية كتبت بواسطة mr_sameh

اعتقد ان الموضوع ده مخالف لقوانين المنتدي لان الموضوع ده سياسي صرف وهيطلع في اراء مخالفه للاخوان واخري مؤيده وده مش مكانها هنا ومع كامل احترامي لكاتب الموضوع وتقبلوا مروري

أختلف مع سيادتك الموضوع مش سياسي خالص , انا مش بناقش فكر الاخوان و لا توجهاتهم أنا بناقش طريقة عرض المسلسل للاخوان بطريقة سطحية أمنية و بناقش كمان الصورة اللي الحكومة عايزة تفرضها لرجل الأمن بشكل عكس الحقيقة تماما

**بحري** · 15-08-2010 07:44 PM

نقدر نعتبره نوع من عمى البصيرة..نفس السيناريو تم انتهاجه أكثر من مرة قبل ذلك والنتيجة دائما عكسية..أنا لا أنتمي لجماعة الإخوان..لكن بفرض أنني معاد لهم-وهذا ليس بصحيح- ولكن مجرد فرض..فالنتيجة التي ستعود علي من مشاهدة هذا الكم من المبالغات ستدفعني للبحث ومحاولة تقييم الصورة عن قرب..وبمجرد اطلاعي على أدبيات الإخوان واحتكاكي الواقعي بهم..بالإضافة إلى رؤيتي لما تفعله الحكومة والجهات الأمنية..سيكون من السهل جدا أن أقف على وجه الحقيقة
المفترض إن وحيد حامد كارت محروق تماما..فاستخدامه في مثل ذلك هو أمر غاية في السذاجة
عموما الإخوان لم يحصلوا على كل هذا التأييد لهم من فراغ...ولا حصلت الحكومة وأعوانها على كل هذا السخط من فراغ

هذا المسلسل وأشباهه هو قذيفة انطلقت من مدفع الحكومة.....إلى صدرها مباشرة...والنتيجة قاتلة لا محالة

**Ahmed_Elkhateb** · 15-08-2010 08:21 PM

على فكرة المسلسل ده خاد وقت موجهود غير متوقع ولحد دلوقتى بيصورو فى اخر كام حلقة وانا كل طقم مساعدين الأخراج صحابى فا فعلا خد معهم وقت كبير والأستاذ وحيد حامد معروف طبعا بتألفياتو وكان ممن اهم افلامو طيور الظلام

**MaZaGAngeE** · 15-08-2010 08:40 PM

المشاركة الأصلية كتبت بواسطة بحري

عموما الإخوان لم يحصلوا على كل هذا التأييد لهم من فراغ...ولا حصلت الحكومة وأعوانها على كل هذا السخط من فراغ

هذا المسلسل وأشباهه هو قذيفة انطلقت من مدفع الحكومة.....إلى صدرها مباشرة...والنتيجة قاتلة لا محالة

كلام من الآخر و مظبوط

الموضوع: تعليق على مسلسل الجماعة

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

هل مسلسل الجماعة حقق الهدف منه؟

الكلمات الدلالية لهذا الموضوع

المفضلات

المفضلات

ضوابط المشاركة