هما كويسين جدا في الصيانة بس أوقات بيحصل تأخير (بس هما يكادوا يكونوا ظبطوا الموضوع ده)
ومشكلتهم التانيه كانت إن ممكن متلاقيش قطعة غيار أو كده أو متلاقيش حجز غير بعد إسببوع من كتر الزحمة
رقم العضوية : 13830
تاريخ التسجيل : 29Jun2008
المشاركات : 12
النوع : ذكر
الاقامة : الجيزة
السيارة: toyota corolla
السيارة[2]: fiat grande punto 2009
دراجة بخارية: لا
الحالة :
دي تجربتي الشخصية في توكيل فيات (اماترا)م|محمد شنن
انا مصري عايش في الكويت ومقيم حليا في مصر
وطبعا لما قررت اشتري سيارة كلو قال اول حاجة لازم تشوف سعر قطع الغيار و اعادة البيع
المهم مش هطول عليكو بعد شهور من البحث انحصر الاختيار بين الامبريزا و الجراند
والجراند كسبت عشان فرق السعر (96 الف مقابل 140الف)
بس وبعد ما اشراتها بدأت اشباح التردد تظهر
بسبت كلام الناس على توكيلها انو مش تمام والي معظمكم عارفو
وجي موعد الصيانة الاولى ( 5000 كم)
وبل الصدفة كل زميلي جي موعد صيانة الاول للماتركس بتاعتو بس سألتو ايه النظام
قالي انو خد وقت كتير والناس عملتو وحش شويه والصيانة كلفت 600 جنبة (مع العلم انو كان رايح من غير معاد و ان التكاليف دي كانت بسبب عيوب في العربية عندو)
و بصراحة انا دي كانت القشة الي قطمت ظهر البعير
قلت بقي غبور الي الناس بتشكر فيه في كل حتة عامل كده امال اماترا الي الناس ما بتشكرش فيه هيكون عامل ازاي
قمت داخل هنا على النايل موترز عشان هو مرجعي الاول في اي حاجه تتعلق بالسيارات
فشفت موضوع (اذا كنت عايز تحجز موعد للصيانة ادخل هنا)
دخلت وسألت عن نصيحة اذا في مكان تاني اروحلو عشان اعمل فيه الصيانة عشان جسر السويس ده بسمع عنو كلام مش تمام
فردت عليا ممثلت فيات بأنو هيكون غي حسن ظني ان شاء الله
قمت متوكل على الله واتصلت عليها
فلتلي خمس دقايق و هتصلو عليا, وبما اني كنت قلقان فكنت اعد بعد بالدقيقة , وبظبط بعد 3:45 دقيقة اتصلت
بس حجزت معاد للصيانة بعد اسبوع , قلتلي هيكون في رمضان بعد الفطار, قلت مفيش مشكلة
حجزت على الساعة 8:45 يوم السبت (يوم 13|8) وادتها البيانات المطلوبة وبس
اتصل بيا بعدها بيوم ( الاتنين) واحد مش شركة اماترا يأكد الحجز
وبعدها بيومين ( الخميس) اتصل واحد تاني يأكد عليا الحجز مرة تانية وبصارحة بدأت احس براحة نفسة
جي يوم السبت ونزلة بعد الفطار بشويه طبعا قبل المعاد بكتير عشان عملت حساب التوهان وكده
والحمد لله وصلت بزبط في المعاد لانو كان في حتى كده زحمة في شارع جسر السويس في الاول
بس دخلت على مهندس الاستقبال (محمد) معرفتش اسمو بالكامل
راجل في قمة الذوق والاحترام قالي دخل العربية , وتفضل عندي في المكتب
دخلت ادتو الرخصة زي ما طلب وقلي عشر دقايق وهيجي المهندس (ايمن) من خدمة العملاء دلوقتي
استنيت عندو في المكتب وكنت متابع ساعة الموبايل وزي ما قال جي في عشر دقايق
جي المهندس ايمن (بردو راجل قمة في الاحترام) اخدني مكتبو وادتو البيانات وهو كمل البيانات من الرخصة وقلي ايه المشكلة قلتلو صيانة 5000
وستفسرت عن بعد التفاصيل عن الصيانات المقبلة وخلصت قالي الصيانة الي جاية بعد5000 كم تانية وبعد كده هنعمل كل عشرة, وطبعا قلتلو اني لما اشتريت السيارة قالو ان الصيانة الاولى مجانا هل ده صحيح قلي اه ما انا شاطب على الثمن اهو, وقلي استني في الاستراحة لغايت ما يخلصو
طلعت فوق في الاستراحة ولقيت انها بطل على مكان الشغل
اعدت اتفرج على الراحل وهو بيعمل الصيانة وطبعا جي راجل يسأل الناس الي قاعدين في غرفة الاستراحة عن اذا كانو عايزين يشربو حاجه بس اعد وشربت شاي ولقيت السيارة خلصت وراكنت في الاخر كده في ممر (الموضوع ده في خلال 45 دقيقة+ او- 5 دقائق )
بس بعدها اتصل عليا المهندس من تحت بيقلي اني انزل استلم السيارة نزلة وقعت على وصل الاستلام وسلمت على المهندسين وسألت عن اساميهم عشان اعرف اسمهم وانا بكتب الموضوع ده وانا بصراحة من و انا اعد فوق في الاستراحة وانا فكرة اكتب الموضوع ده عشان اشكرهم
بس استلمت السيارة ومشيت
وبصراحة انا كاتب الموضوع ده عشان اقل للناس ان توكيل اماترا كويس ( انا معرفش هو كان ايه قبل كده او الناس التانية حصلها ايه ) بس هو حاليا رائع وفي نظري زيو زي اي توكيل انا رحتو في الكويت
انا كنت بعمل صيانة التويوتا مع والدي في الكويت في (الساير) وبردو نفس المعامل المحترمة مع بعض الملاحظات الي ممكن تكون صغيرة بس مريحة للعميل من وجهة نظري, زي التليفون الي بعد الصيانة عشان يقلك انك تنزل تستلم السيارة, هناك لازم تسال كل عشر دقائق ,ده زائد ان هناك مفيش حد جي وقلنا تشربو حاجه , عايز حاجه في مشينز كتيرا بتاعت كل انوع المشروبات الباردة والسخنة وساعد نفسك
انا كتبت كل كبيرة وصغيرة عشان لو حد عدا على نفس الي انا عديت فيه يستفيد من الي انا مريت فيه
تقيمي الشخصي للتوكيل رائع وان شاء الله يستمرو في التميز ده بعد كده
رقم العضوية : 33656
تاريخ التسجيل : 22Feb2009
المشاركات : 20,472
النوع : ذكر
الاقامة : مصر الجديدة
السيارة: Fiat 128
السيارة[2]: Fiat Linea
دراجة بخارية: no
الحالة :
هما كويسين جدا في الصيانة بس أوقات بيحصل تأخير (بس هما يكادوا يكونوا ظبطوا الموضوع ده)
ومشكلتهم التانيه كانت إن ممكن متلاقيش قطعة غيار أو كده أو متلاقيش حجز غير بعد إسببوع من كتر الزحمة
[img3]http://img21.imageshack.us/img21/3957/28138510150332809507433.jpg[/img3]
رقم العضوية : 13830
تاريخ التسجيل : 29Jun2008
المشاركات : 12
النوع : ذكر
الاقامة : الجيزة
السيارة: toyota corolla
السيارة[2]: fiat grande punto 2009
دراجة بخارية: لا
الحالة :
والله انا حجزت بعدها بأسبوع عشان السبت ده يوم اجازتي والصراحة اريح اخترت المعاد الي يناسبني ويناسبهم ومش مشكلة بعد اسبوع مش لازم ازنق نفسي
بالنسبة لقطع الغيار انا لسة مجربتش الحمدلله بس ان شاء الله لما يحصل حاجه هشوف هيعملو ايه في الموضوع ده
رقم العضوية : 21490
تاريخ التسجيل : 08Oct2008
المشاركات : 2,792
النوع : ذكر
الاقامة : new damietta
السيارة: chevorlet Aveo 2010
السيارة[2]: Fiat Palio 1.0 8v FIRE
دراجة بخارية: ..
الحالة :
رقم العضوية : 63884
تاريخ التسجيل : 02Mar2010
المشاركات : 2,270
النوع : ذكر
الاقامة : cairo
السيارة: بارك الله فيما رزق
السيارة[2]: نيسان تيدا بلس 2010
دراجة بخارية: no
الحالة :
مجهود رائع ......شكرا
*اللهم اصلح احوال مصر واصرف عنها الفتن*
رقم العضوية : 13830
تاريخ التسجيل : 29Jun2008
المشاركات : 12
النوع : ذكر
الاقامة : الجيزة
السيارة: toyota corolla
السيارة[2]: fiat grande punto 2009
دراجة بخارية: لا
الحالة :
رقم العضوية : 21490
تاريخ التسجيل : 08Oct2008
المشاركات : 2,792
النوع : ذكر
الاقامة : new damietta
السيارة: chevorlet Aveo 2010
السيارة[2]: Fiat Palio 1.0 8v FIRE
دراجة بخارية: ..
الحالة :
بص ياباشا هما في الصيانة عشرة على عشرة وفي المقابلة هناااك بردو مشكلتي الي حصلت معاهم كانت في الحجز
[aldl]http://store2.up-00.com/Jan12/l6z75685.png[/aldl]
رقم العضوية : 72139
تاريخ التسجيل : 02Jun2010
المشاركات : 1,178
النوع : ذكر
الاقامة : cairo
السيارة: ToYoTa CoRoLLa ..97
السيارة[2]: FIAT Tempra ..Regata
دراجة بخارية: لا يوجد
الحالة :
مشكله اوماترا فقط قله مراكز الصيانه وبتبقى زحمه بس بس لما بيعملوا حاجه بيعملوها صح
[marq="3;right;3;scroll"]فياتاوى و اعتز ... زملكاوى و افتخر والى مش عاجبه ينتحر[/marq]
المفضلات