استفسار بخصوص سيارة حوادث...

**kisho55555** · 21-08-2010 03:32 AM

بس بجد والله سعات بتعصب ومن ضمن الي بيعصبني خش علي موقع كونتكت
وبص علي الاسعار المستعمله تلقي واحد عارض عربيه علي 50 الف وهيا متجبش 30 وتلقي ناس كتير هنا بيكلمه في سعر وحده زيرو او حاجه موديل 90 بيسمعونا اسعار خرافيه فا دي بتضايق شويه

اكيد طبعا .... زى اللى يكتب بيجو 504 ب 50 الف عشان متجددة ....
وهى المفروض متزدش عن رقم معين ( الرينج الطبيعى ) ..

الله ينور عليك تسلم ايدك ياباشا بجد قولت الي ماجاش علي بالي فيه
تحياتي لي شخصك المحترم

ربنا يخليك ... انا عارف انك انسان محترم ولكن ساعة الغضب وحشة ...

وكلنا مستين الصور عشان نقدر نساعدك ...

**mahmoud_anwar** · 21-08-2010 01:14 PM

المشاركة الأصلية كتبت بواسطة kisho55555

اكيد طبعا .... زى اللى يكتب بيجو 504 ب 50 الف عشان متجددة ....
وهى المفروض متزدش عن رقم معين ( الرينج الطبيعى ) ..

ربنا يخليك ... انا عارف انك انسان محترم ولكن ساعة الغضب وحشة ...

وكلنا مستين الصور عشان نقدر نساعدك ...

ايه بيجو 504 بي 50 الف ليه مركب فيها ايه دي عربيه عجوزه حتا
دي لما بتتمغطر بتعمل 20 الف بي العفيه في الوقت ده
والله كانت مع واحد قربنا لسه بيعها من سنه ولا سنتين والي خدها منه هو تاني يد
وبيعها بي 22 وايه مكنش بيتحرك بيها كتير كان اخره شغله وخلاص والماتور لسه بشوكه
وكل حاجه فيها بشوكها ياباشا المشكله ان الناس اغلبيتهم بيتفرجه علي افلام زي اندر جروند والافلام دي وبيشفوهم بيسقطه متور ومش عارف ايه وكراسي ايه وكل ده فكرهم ان ده بيزود من تمن العربيه ميعرفوش ان الحاجه دي ليهم مش لي المشتري يعني اصرف زي ما انتا عايز علي العربيه بس ليها سقف معين لن تزيد عنه
يعني كنت في السوق في مره وعيل واقف بي عربيه 28 الي هيا اتنين فنوس مدور من الأمام و هتش باك وباب واحد معرفش اسمها ايه المهم انها موديل ال 70 موضبها مقولناش حاجه ومجنط بسئله كام يارايس بيقولي 25 تصدق ده اعمل معاه ايه والعربيه شكلها كمان راشش

**kisho55555** · 21-08-2010 08:21 PM

ايه بيجو 504 بي 50 الف ليه مركب فيها ايه دي عربيه عجوزه

لما تكون عربية فابريكة بره وجوه ... ممكن توصل ل 50 ...

دي لما بتتمغطر بتعمل 20 الف بي العفيه في الوقت ده

عندك حق ..

والله كانت مع واحد قربنا لسه بيعها من سنه ولا سنتين والي خدها منه هو تاني يد
وبيعها بي 22 وايه مكنش بيتحرك بيها كتير كان اخره شغله وخلاص والماتور لسه بشوكه
وكل حاجه فيها بشوكها ياباشا

لو على كلام حضرتك ... يبقى حرام تتباع بالسعر ده ...

المشكله ان الناس اغلبيتهم بيتفرجه علي افلام زي اندر جروند والافلام دي وبيشفوهم بيسقطه متور ومش عارف ايه وكراسي ايه وكل ده فكرهم ان ده بيزود من تمن العربيه ميعرفوش ان الحاجه دي ليهم مش لي المشتري يعني اصرف زي ما انتا عايز علي العربيه بس ليها سقف معين لن تزيد عنه

تمام كدا

يعني كنت في السوق في مره وعيل واقف بي عربيه 28 الي هيا اتنين فنوس مدور من الأمام و هتش باك وباب واحد معرفش اسمها ايه المهم انها موديل ال 70 موضبها مقولناش حاجه ومجنط بسئله كام يارايس بيقولي 25 تصدق ده اعمل معاه ايه والعربيه شكلها كمان راشش

متستهالش طبعا ... لكت فى ناس غاوية وتحب تجيب العربيات المعدلة ...

وبالذات فى سوق الجمعة هشوف وتسمع اسعار لا تصدق ....

**NiceGoodFair** · 24-08-2010 03:08 PM

أخيرا جبتولكوا الصور ،
معلش والله اللي أخرني إني كنت بدور على موقع يرفع الصور دي عشان هي كبيرة شوية....

Crashed car pictures by nicegoodfair - Photobucket

ولا يهمك يا وسوف ، أنا فاهم وجهة نظرك ، بس هي ما تنطبقش عليا لأني مش أصدي أستهبل في سعر العربية

وشكرا ليك يا كيشو على تقريب وجهات النظر

بالنسبة لحالة العربية:
والله ما عنديش معلومات كاملة عنها لأن إحنا شريينها من 6 سنين ، وفي الوقت ده ما كنش عندي خلفية خالص عن العربيات ، وما كنتش حتى فاهم يعني إيه فابريكة!

فيها باور وسنتر
إزاز يدوي ، مفيش فتحة سقف ، جنط عادي مش رياضي...

الموتور ممتاز فعلا ، ومعملوا عمرة قريب

الدواخل مش عارف هيا فابريكة ولا لأ بس حالتها كويسة

العربية كانت دايرة بعد الحادثة ،
والشكمان وقع بعد الحادثة

أي استفسار تاني أنا جاهز

**kisho55555** · 25-08-2010 12:21 AM

شكرا على الصور ...

بس ياريت تجيب لنا صورة للعربية باكملها .... وحالة الصالون وكمان فيها تكييف ولا مفهاش ....

انا نفسى صاحبى ياخدها منك .... ونفسى حضرتك تبيعها لانها كلما قعدك كلما نزل فى سعرها ...

وكمان عايز اعرف العربية كام سى سى ....

**kisho55555** · 25-08-2010 12:30 AM

حاجة تانية كنت عايز اسال عليها ....

حضرتك قولت ان الموتور شغال بعد الحدثة .... معنى كلامك انها ممكن تحتاح ريداتير وصدر فقط بخصوص الموتور ...

وسؤال اخير ... العربية اوتوماتيك ولا مانيوال ؟؟؟

**NiceGoodFair** · 25-08-2010 08:27 PM

المشاركة الأصلية كتبت بواسطة kisho55555

حاجة تانية كنت عايز اسال عليها ....

حضرتك قولت ان الموتور شغال بعد الحدثة .... معنى كلامك انها ممكن تحتاح ريداتير وصدر فقط بخصوص الموتور ...

وسؤال اخير ... العربية اوتوماتيك ولا مانيوال ؟؟؟

لأ العربية مش محتاجة رادياتير ولا صدر خالص ، والرادياتير لسه جديد ، والدي كان شريه جديد والله بأكتر من ألف جنيه...

بص يا باشا ، العربية مخبوطة بموتوسكل ناحية الرفرف الشمال زي ما باين في الصور ، والأزاز اتكسر عشان سواق الموتوسيكل الله يرحمه خبط فيه براسه ... (الله يرحمه بس هو اللي كان غلطان لأنه كان ماشي مخالف وهوا اللي خبط العربية مش بابا اللي خبطه)،

يعني الحادثة بسيطة جدا في عرف الحوادث
وعلى فكرة ، العربية فيها كاوتشات جديدة 4 فرد ماركة gt
والبطارية كانت جديدة بس نامت مع الركنة
العربية مركونة في جراج خاص مش متعرضة للشمس خالص

العربية مانيوال ، 2300 سي سي ، رخصتها نهايتها بتاريخ 16\8 \2010 يعني انتهت،
العربية مش مكيفة ،
وربنا يعمل اللي فيه الخير

وجزاك الله خيرا على اهتمامك

**mexmarine** · 26-08-2010 02:13 AM

انا شايف ان سعرك اللى انت كاتبه كويس و مناسب لحالة العربيه كما وصفتها .. اللى عاوز اقوله للأخ وسوف ن مش لازم كل العربيات تبقى سعر واحد او قريب لان مش كل صوابعك زى بعضها .. هقول لك مثل انا اشتريت اوبل استرا موديل 2000 1200 سى سى بـ 50 الف وواحد صاحبى جاب وااحد موديل 2006 و 1600 سى سى و بـ 55 ألف !!!! هى بتتباع معظمها من 60 الى 65 الف الحاله الكويسه قوى قوى .. الناس قالت لى شوف صاحبك شاطر و انت اتغلبت و هو كان صعبان عليا جدا لأنه غير فيها لحد دلوقتى حاجات بـ 12 ألف و انا صرفت حولى 1300 جنيه شوية حاجات انا عاوزها فى عربيتى (بمزاجى) خلاصة القول تسترخص تخسر

**kisho55555** · 26-08-2010 02:56 AM

mexmarine .... كلامك مظبوط 100 فى 100 ... بسلازم تلاحظ حاجة.... كلام حضرتك ينطبق على العربيات الجديدة ...

لكن اللى انا عايز اقوله .... هز ان العربيات الكبيرة سعرها نازل جدا ..... واللى عمل كدا حاجتين فى البلد الجميلة دى ... اولا البنزين اللى عمال يغلى ...والتانى غلو الضرايب على العربيات فوق ال 1600 سى سى ...

على فكرة محدش هيظلم الراجل هنا ..... وانا اعرف سعر العربية ورينج العربية لو حالتها كويسة او متوسطة او متبهدلة .. وطبعا اهم حاجة تفرق فى العربية هى رش الدواخل او الفابريكة .... ياريت تكون فاهمنى ....

وكمان العربيات دى حاجاتها بقت زى ال 504 وبقت غالية ونادرة وخصوصا انها 230 مش 200 ...

وفى الاول والاخر ... صاحب الموضوع من حقه انه يوافق او يرفض السعر اللى مناسب لكل واحد يعرض السعر ... والله الموفق ... وربنا يكرم الجميع