العربيه بتسخن

**Dr_Ophth2008** · 15-08-2010 09:18 AM

عربيتى لادا 2107 موديل 2007 بالتكييف

المشكله ان العربيه بتسخن جدا لوحدها وبتسخن زياده لما باشغل التكييف وبالتالى مش بأقدر أشغله لفترات طويلة يادوب خمس دقايق بالكتير

وياسلام بأه لو الدنيا حر زياده شويه

مش عارف المشكله فين ؟؟

مع العلم انى لغيت المروحة الكهريا بتاعت العربيه وخليتها دايركت بسير ع الموتور .. والميكانيكى لما عمل كده رجع الرادياتير لورا شويه عشان يقرب من المروحه

وشال الثرموستات

والعربيه فيها الرادياتير الألمونيوم بتاعها

هل الرادياتير ضعيف .. ولا المشكله فى المروحه ؟ ولا العربيه أصلا مش مصممه للتكييف ؟؟

أرجو الافادة وكل سنة وانتم طيبين

ولو تعرفوا حد بتاع رادياتيرات كويس فى اسكندرية يبقى

ورمضان كرييييييييييم

**elewey** · 16-08-2010 06:15 AM

مع احترامى يا استاذى اعتقد التعديل اللى عملته دة هو السبب مكنش ليه لازمة العربيه نازله فابريقة كدة مش معقول يعنى الميكانيكى بيفهم احسن من اللى صنعها ولا رايك ايه

**ghaith_peogeut** · 16-08-2010 06:34 AM

عادة لا تكون سرعة المروحة الميكانيكية بمثل سرعة الكهربائية لانها تعتمد على rpm المحرك قتكون بطيئة عند الوقوف وتتسارع مع ال rpm لذلك من الخطأ استبدال المروحة الميكانيكية بالكهربائية .

**Dr_Ophth2008** · 16-08-2010 06:48 AM

هو اللى حصل انى بعد ما اشتريت العربيه بخمس أيام المروحة الكهرباء علقت يعنى أبطل العربيه وتفضل شغاله
رحت للكهربائى جنبى قالى الترموستات باظ وغيره اللى بيخليها تفصل

بعدها باسبوعين لقيت صوت المروحه غريب زى ما يكون تبقى بطيئه وبعدين سريعه و5 دقايق كده وراحت عامله صوت شخلله كده غريبه ووقفت

لما روحت للميكانيكى قالى الموتور بتاعها قفش
وقالى يا إما تلف الموتور يإما تجيب موتور جديد أو تعمل التعديل وقعد يقولى التاكسيات كلها بتعمله
وعلى فكرة كانت بتسخن برده

وطبعا استغل انى كنت قرفان منها بسبب العيوب اللى ورا بعض ديه ولأنه عارف انى كان عندى قبلها 2105 وكانت بسير دايركت ع الموتور

قالى أعملهالك زى ال 2105 وكل التاكسيات بتعمل كده وبكده المروحة حتفضل شغاله طووول مانت مدور مش حتفصل

فقلت له اعملها وشال الترموستات

والعربيه اشتغلت كويس فترة بس مع التكييف بأه وكمان الحر اليومين دول بقت بتسخن عمال على بطال نهار أوليل
ودلوقتى كمان بتسخن من غير حتى تكييف

**Dr_Ophth2008** · 16-08-2010 06:58 AM

عشان بافكر جديا أرجع المروحه الكهرباء وأرجع كل حاجه لأصلها

وأظبط تاكيهات وأشووووف

فى ناس قالولى الرادياتير ده 2 ماشورة وممكن تركب واحد أكبر 3 ماسورة أو حاجه كده
الكلام ده صحيح ؟؟

**khaled_sabry** · 16-08-2010 02:05 PM

المشاركة الأصلية كتبت بواسطة dr_ophth2008

مع العلم انى لغيت المروحة الكهريا بتاعت العربيه وخليتها دايركت بسير ع الموتور .. والميكانيكى لما عمل كده رجع الرادياتير لورا شويه عشان يقرب من المروحه

وشال الثرموستات

يارااااااااااااااجل
فيه حد بيعمل كده برضه
زى ماقالو الاعضاء ان المروحه حتبقى معتمده على rpm بتاع العربيه و بالتالى فى الاشارات حتبقى اقل من المروحه الكهرباء و حتبقى تقريبا من غير لازمه لأن غالبا الميكانيكي ماركبلهاش قميص مناسب للمروحه ... ده لو كان ركبلها قميص من اصله
و كمان مع التكييف الدنيا حتخرب خالص
انا اصلا عملت عكسك عربيتي كانت بمروحه على السير و لما ركبت التكييف كانت بتسخن فى الزحمه فركبت مروحه كهرباء و الدنيا اتظبطت

انتا مشكلتك كلها كانت فى المروحه غيرها ب 150 جنيه و حتلاقى الدنيا كانت اتظبطت معاك
بدل اللف اللى انتا عملته ده

و ماتغيرشى اى حاجه تانى ... رجع الدنيا لأصلها و شوف ولو ماعجبكشى الوضع ابقى غير الريداتير براحتك بعد كده

**Dr_Ophth2008** · 17-08-2010 02:35 AM

شكرا ليك ياباشا .. فعلا انا حاعمل كده حارجع المروحه الكهرباء وأرجع كل شئ لأصله واغير مية الرادياتير وأحط مياه موبيل مثلا
وأظبط التاكيهات وأشوف .. لو لسه برده بتسخن ..

يبقى اشوف بأه موضوع الرادياتير ده