الموضوع: اشترى افيو ولا لانوس الرجاء المساعدة

المشاركة الأصلية كتبت بواسطة assoma79

عن تجربة , الأفيو فيها مميزات أكتر عن الانوس :

1-) الأفيو عالية عن الأرض بكتييير عن الانوس و ده بيحمى عربيتك من التخييش فى المطبات العالية خاصة لو مركب ناس معاك.

2-) الصالون أوسع و تابلوه الأفيو أفخم بكتيير.

3-) ثبات الأفيو ممتاز حتى 120 و بيقل شوية من 120 - 140 و بيضيع خالص بعد كده الا لو ركبت جنط 15 .. (أنا عن نفسى ما بعديش 140 ):e_braces[1]:
4) شكل خارجى أحسن و مش شغالة تاكسى زى الانوس.


مميزات اللانوس عن الأفيو :

1-) الثبات فى الملفات أفضل ....فى الأفيو لن تستطيع أن تأخذ ملف حاد بسرعة أكثر من 100 - 110 .
2-) قطع الغيار أرخص.

فى النهاية أنصح حضرتك بتجربتهم أولا ...
و ربنا يوفقك للاختيار ..
لكن لو هتختار الأفيو أنصحك تجيب الكورى , تقفيل أنضف و مشاكل أقل ..

+111111111111111
الافيو افضل كشكل وكوسع صالون وعالية عن الارض فحلوة فى المطبات والتحميل لكن ده طبعا على حساب الثبات فى الملفات
وبعدين العربيتين ولاد عم فشوف انت حابب مين فيهم اكتر
وفى رايى اللى هيحكمك اكتر المبلغ اللى معاك لان اللانوس كاملة مانيوال على حد علمى ب 68 والافيو تكييف وباور فقط ب 72 ... فلو تقدر عالافيو الكاملة هاتها لكن لو المبلغ اللى معاك يجيب افيو فاضية يبقى اللانوس الكاملة افضل اكيد
بالنسبة لنقطة قطع الغيار هتلاقى مواضيع عن الافيو فيها اسعار بعض قطع الغيار
بالنسبة لنقطة العيوب هوه فى ناس اشتكت من عيوب فيها وحصلت مع واحد صحبى لسه شاريها من 4 شهور وكنت بقولو بلاش تجيبها بسبب الشكاوى الكتير اللى كنت بشوفها هنا وحصل معاه ان كمبيوتر العربية باظ بعد شهرين فقط وغيرو فى الضمان
عامة لو استقريت عالافيو حاول تجيب الكورى لان المصرى بتظهر فيها مشاكل كتير
وبالتوفيق

والله انا من سنة ونص لما جيت اجيب كنت محتار بين العربيتين دول وجبت لانوس
لان الناس ساعتها قالتلي ابعد عن الافيو خااااااااالص
رغم ان فيها مميزات عن اللانوس بس لما قلبت في المواضيع هنا وشوفت قد ايه الناس بتشتكي منها فعلا صرفت نظر وجبت لانوس
بس في ناس برضو الافيو معاها زي الفل بس معظم ال سالتهم قالولي بلاش

الافيو الكورى احسن من اللانوس انا كان معايا واحده 2007كانت عربيه محترمه بالنسبه ليا شكلها من بره ومن جوه احسن بكتير من اللانوس بس ميزه اللانوس قطع الغيار ارخص بكتير وموجوده عند اى حد فى مصر