اسفسار بخصوص التكييف اوبترا 2010 برجاء الرد من سيادتكم

**m.basha** · 15-08-2010 03:08 PM

السلام عليكم كل سنة و انتم طيبيين و رمضان كريم على الامة الاسلامية جميعا انا عندى التكييف فى زى ريحة كمكمة كده لما بشغلوا على اول درجة رقم واحد لكن لما بيشتغل على اى درجة تانية بيبقى عادى مافيش الريحة دى هو انا فعلا اوقات بشرب سجاير و التكييف شغال بس اشمعنى ريحت الكمكمة ده لما بيكون الدرجة على واحد ؟؟؟؟؟ مع العلم ان ساعات ما بشربشى سجاير فى السيارة لمدة 3 او 4 ايام بس بشم الرائحة ده شكرا لحضراتكم و رمضان كريم علينا جميعا

**ma_almula** · 15-08-2010 03:27 PM

اول حاجه يا باشا شيك على الدواسات وخصوصاً الأماميه يمين تحت الثلاجه ، ولو كله تمام فيه موضوع عمله الأستاذ حسام اوبتراوى عن كيفية فك وتنظيف فلتر التكييف ممكن يكون مندى بميه وربنا يوفقك

**m.basha** · 15-08-2010 04:00 PM

باشا مش فاهم بصراحة ايه علاقة الدواسات يعنى قصدك تكون عاملة الريحة ده لاء انا بقول ريحت الكمكمة جاية من الهوايات مباشرة

**m.basha** · 16-08-2010 10:43 AM

ايه يا جماعة مافيش حد عارف ايه السبب ده و لا ايه

**ma_almula** · 16-08-2010 10:55 AM

المشاركة الأصلية كتبت بواسطة m.basha

باشا مش فاهم بصراحة ايه علاقة الدواسات يعنى قصدك تكون عاملة الريحة ده لاء انا بقول ريحت الكمكمة جاية من الهوايات مباشرة

انا كان قصدى ، عن تجربه هنا فى السعوديه عن سيارات نوعها تويوتا افالون ، كانت السياره جديده تماماً لكن يتم إرجاعها للوكيل بسبب الرائحه البشعه ، وعند بحث السبب وجد عيب تسريب بعض المياه على الدواسات مما يجعلها تتجمع وتتعفن وعند تشغيل التكييف فإن الرائحه تعلق بفلتر التكييف ، وبالتالى بيدى الرائحه السابق الإشاره إليها ،،،،،،،،،،،،،،،،،، وطبعاً ممكن الحاله مش تكون حالة حضرتك ، بس ده ممكن يكون سبب فحبيت اوضحه لحضرتك ، وكما سبق الإشاره ممكن تحاول تنظف فلتر التكييف وبإذن الله ربنا يهديك للحل.

**mimo116** · 16-08-2010 11:04 AM

بص على الفلتر يا باشا ممكن يكون من التخزين كمكم و في الغالب و هيه على المراكب بتكمكم من التخزين اللي على المراكب و هيه جيه ... و غيره و ان شاء الله الريحه تروح..

**aymanmaly** · 16-08-2010 12:48 PM

المشاركة الأصلية كتبت بواسطة m.basha

السلام عليكم كل سنة و انتم طيبيين و رمضان كريم على الامة الاسلامية جميعا انا عندى التكييف فى زى ريحة كمكمة كده لما بشغلوا على اول درجة رقم واحد لكن لما بيشتغل على اى درجة تانية بيبقى عادى مافيش الريحة دى هو انا فعلا اوقات بشرب سجاير و التكييف شغال بس اشمعنى ريحت الكمكمة ده لما بيكون الدرجة على واحد ؟؟؟؟؟ مع العلم ان ساعات ما بشربشى سجاير فى السيارة لمدة 3 او 4 ايام بس بشم الرائحة ده شكرا لحضراتكم و رمضان كريم علينا جميعا

رمضان كريم كل عام و الجميع بخير
الموضوع سهل جدا
حضرتك تشغل التكيف على السخن لمدة ربع ساعة
لان الريحة دى ريحة باكتريا من مياة الفايز بتاع التكيف
بس طبعا و انت مشغل التكيف سخن على اعلى درجة
خليك واقف برة العربية
و بعد كدة نظف فلتتر التكيف
ان شاء الله هاتروح الريحة و التبريد هايتحسن جدا
بالتوفيق
و ماتنساش تكتب فى الموضوع النتائج علشان المعلومات تفيد الجميع

**m.basha** · 16-08-2010 01:13 PM

الف شكر يا جماعة على الرد وكل رمضان و انتم بالف خير

**ma_almula** · 17-08-2010 09:53 AM

المشاركة الأصلية كتبت بواسطة aymanmaly

رمضان كريم كل عام و الجميع بخير
الموضوع سهل جدا
حضرتك تشغل التكيف على السخن لمدة ربع ساعة
لان الريحة دى ريحة باكتريا من مياة الفايز بتاع التكيف
بس طبعا و انت مشغل التكيف سخن على اعلى درجة
خليك واقف برة العربية
و بعد كدة نظف فلتتر التكيف
ان شاء الله هاتروح الريحة و التبريد هايتحسن جدا
بالتوفيق
و ماتنساش تكتب فى الموضوع النتائج علشان المعلومات تفيد الجميع

معلومه

like wow

**arakysolom** · 17-08-2010 01:45 PM

المشاركة الأصلية كتبت بواسطة m.basha

السلام عليكم كل سنة و انتم طيبيين و رمضان كريم على الامة الاسلامية جميعا انا عندى التكييف فى زى ريحة كمكمة كده لما بشغلوا على اول درجة رقم واحد لكن لما بيشتغل على اى درجة تانية بيبقى عادى مافيش الريحة دى هو انا فعلا اوقات بشرب سجاير و التكييف شغال بس اشمعنى ريحت الكمكمة ده لما بيكون الدرجة على واحد ؟؟؟؟؟ مع العلم ان ساعات ما بشربشى سجاير فى السيارة لمدة 3 او 4 ايام بس بشم الرائحة ده شكرا لحضراتكم و رمضان كريم علينا جميعا

+11111111111
نفس الموضوع بس انا الحمد لله مبدخنش و بالتالي الريحة ملهاش علاقة بالسجاير و انا علي فكرة اشتكيت في التوكيل من الريحةديه و طبعا الرد الجاهز طبيعي مفيش حاجة انا في صيانة 5000 صممت انه يكشف علي الفلتر و قالي ده محتاج يتغير و ده تكلفته 220 غير المصنعية قلتله ازاي ده مبقالوش وقت قالي احنا في مصر بس علي فكرة انا بكون قافل دايرة التبريد عند تشغييل التكييف و ده معناه ان الفلتر ملهوش علاقة بالريحة