الموضوع: الاسكان العائلى مدينة الشروق

المشاركة الأصلية كتبت بواسطة mmffor

السعر كويس و الاسكان العائلي الخاص كويس ! بس اسكان الحكومه سيئ ما عدا اسكان الشباب و الشروق عامة مستقبلها روعه

جزاك الله كل خير
وهو فعلا اسكان عائلى خاص

المشاركة الأصلية كتبت بواسطة miss_pharma

اللي اعرفه الاسكان العائلي الاراضي الخاصة ..
المنظقة مش عمرانة لحد دلوقتي .. كله لسه بيبني .. اغلب الفلل خالصة لكن في مرحلة التشطيب والطوب الاحمر ..
مشفتش حد ساكن هناك في المنطقة دي ..

بالنسبة بقى للعمارات دي يتهيألي شفتها وانا خارجة من بوابة السويس التانية .. هي صف اول على طريق السويس
عمارات كتير شبه بعض صف كده مترصصين .. شكلها من بره عادي .. معقول يعني
معرفش من جوه نظامها ايه .. بس اعتقد السعر ده كتير عليها
بس يتهيألي برضه مفيش حد ساكن وان كنت شفت بلكونة او 2 فيهم غسيل منشور :)

بس اظن والله اعلم انك ممكن تاخد دور في اي فيلا في المنطقة دي متوسط سعر المتر 1200 افضل من الشقق دي
وبرضه مقدرش افتي لاني مش متأكدة اذا كانت هي اللي اانا شفتها ولا لا ..

جزاك الله كل خير
الحقيقة انا مش فارقة معاى دلوقتى عمرانة اوى ولالا
لان تقريبا هسكن فيها ان شاء الله بعد 3 سنين تقريبا

المشاركة الأصلية كتبت بواسطة m.abdeen

لسه مش عمرانة قوي بس في ناس ساكنة وبالنسبة للاسعار ممكن يكون المتر مابين 1400 جنيه الى 1600 على حسب الواجهة
تدفع مقدم من 50 الف تقريبا والباقي اقساط من 4 الى 5 سنين
والاستلام في خلال برده من سنة الى سنة ونص وممكن تخشله من طريق السويس او الاسماعيلية وتحت امرك لان حاجز هناك تبع شركة

جزاك الله كل خير
طب المساحات المتوفرة على الواجهة بتكون فى حدود اد اية
اصل انا عايز فى حدود 90 متر -100 متر وعرفت انى مش هلاقى المساحات الصغيرة دية غير فى الاسكان العائلى
وهل فى شغل سابق للشركة دية عشان نقدر نحكم على شغلهم

المشاركة الأصلية كتبت بواسطة aymanay32

طب مين راح 6 اكتوبر وراح الشروق و يقولنا المقارنة بينهم

انا بروح اكتوبر لان اختى ساكنة هناك والشروق رحتها من مدة كبيرة
بس الشروق افضل من حيث التنظيم والمساحات الخضراء
6 اكتوبر مناطق ومناطق بس بحس ان 6 اكتوبر ملخبطة ومش منظمة
والحقيقة الفاصل فى الحكاية دية الشغل يعنى لو شغلك ناحية المهندسين والجيزة يبقى 6 اكتوبر
ولو شغلك ناحية مدينة نصر ومصر الجديدة يبقى الشروق

المشاركة الأصلية كتبت بواسطة alaasaid

السلام عليكم .

لازم حضرتك تروح بنفسك و تشوف المكان عشان تقدر تاخد القرار صح و الشروق مدينة كويسة جدا و مستقبلها ممتاز خصوصا ان مترو بيفتح فرع دلوقتى و بعدها كارفور كمان

وعليكم السلام
باذن الله بعد العيد هنزل واشوف بنفسى انا بقيت اسمع كتير عن الشروق وانا ما راحتهاش غير مرة واحدة
وكنت عند المنطقة اللى عند الجهاز
ولاحظت ان فى مساكن كتير ومع ذلك كانت منظمة جدا والمناطق الخضراء فيها كتير

استاذ صفوت المساحات الصغيرة دي في العائلي بس وفي الشباب
وبالنسبة للشركة اللي انا حاجز معاها طبعا شغلها كويس وليها اعمال سابقة وموجودة جانبي في التجمع الخامس اما في الشروق مسالتيش بصراحة

المشاركة الأصلية كتبت بواسطة m.abdeen

استاذ صفوت المساحات الصغيرة دي في العائلي بس وفي الشباب
وبالنسبة للشركة اللي انا حاجز معاها طبعا شغلها كويس وليها اعمال سابقة وموجودة جانبي في التجمع الخامس اما في الشروق مسالتيش بصراحة

ممكن بعد اذنك اعرف اسم عنوان الشركه

المشاركة الأصلية كتبت بواسطة m.abdeen

استاذ صفوت المساحات الصغيرة دي في العائلي بس وفي الشباب
وبالنسبة للشركة اللي انا حاجز معاها طبعا شغلها كويس وليها اعمال سابقة وموجودة جانبي في التجمع الخامس اما في الشروق مسالتيش بصراحة

طب ممكن حضرتك تدينى نمرة الشركة عشان استفسر عن الشقق الموجودة عندهم دلوقتى نظامها اية

المشاركة الأصلية كتبت بواسطة mr_safwt

طب ممكن حضرتك تدينى نمرة الشركة عشان استفسر عن الشقق الموجودة عندهم دلوقتى نظامها اية

انا منتظر رد حضرتك