والله حرام حد يشترى اى عربيه دلوقتى ماعرفش ليه الى عنده عربيه وعاوز يبيعها معلى السعر قوى كده مع انها تكون ما تستاهلش يعنى العربيه ام 35000ج عاوز فيها 45000ج حرام دا ولا حلال انا ادعوكم لعمل مقاطعه لشراء السبارات المغالى فى ثمنها ولا ايه رايمكم
عرض للطباعة
والله حرام حد يشترى اى عربيه دلوقتى ماعرفش ليه الى عنده عربيه وعاوز يبيعها معلى السعر قوى كده مع انها تكون ما تستاهلش يعنى العربيه ام 35000ج عاوز فيها 45000ج حرام دا ولا حلال انا ادعوكم لعمل مقاطعه لشراء السبارات المغالى فى ثمنها ولا ايه رايمكم
هى كل حاجه مش عاجبانا نقول مقاطعه هههههه :majd(4):
ياباشا الى عاوز يشترى بالغالى يشترى والى مش عاجبه السعر يفاصل فيه والله صاحب العربيه اقتنع خلاص مقتنعش يبقى حاجته عنده والبايره لبيت ابوها زى مبيقولو التجار
هو البيع والشرا مش بالعافيه واحد مثلا صارف على العربيه ومعاه من سنين وعارف انها نضيفه ومش عاوز يفرط فيها لان السوق اسعاره نزلت كتير هى دى دماغه وهو حر فى دماغه وعربيته
الخلاصه زى مقولتلك الى عاوز ينزل فى السعر معاك وعاوز يبيع بجد حينزل فى السعر الى مش مقتنع براحته يمكن يلاقى فعلا الى يقدر عربيته بالسعر الى هو عاوزه كل واحد حر فى املاكه
يا استاز ميزو الموضوع مش قصة واحد صارف على عربيته كل عربيه وليها تووب تزيد الف او تقل الف لكن تزيد عشره دا كتير قوى
انا شايف ان اللي مزود 10000 على تمن العربية هو حر في عربيته وانا ازنق نفسي ليه معاه لما كل العربيات اللي زيها اقل من التمن ده ب 10000 انما لو معظم الناس بتبيع بسعر اعلى يبقى اكيد انا اللي غلطان في سعر العربية وانا اللي موهوم ان سعرها اقل من السعر المعروض
فيه احتمال علشان رمضان فالمعروض قليل و بالتالي السعر ممكن يزيد شوية ,
عموماً لو سعر مبالغ فيه يبقى محدش هيخليك تشتري غصب عنك .
مش حكاية معلى السعر
سعر التجار اللى قاتلين السوق حاجة
و سعر اللى بيبيع عربيته بنفسه حاجة تانى
انا معايا فيكترا 95 سمعت ناس بتقول 35000 و لغاية 40000 انا عارض ب 48000 و جابت السعر اللى انا عايزه يبقى انا صح و السوق غلط
هي دي مصر يا دكتور لو عرفت اعمل من وراك سبوبة و ليه لا تمام زي اسعار السلع مازادت في رمضان و تسال يقولك اصله موسم يعني الواحد تبقى الحاجة مرمية عنده و يجي الموسم يروح رافع السعر مع انه لا اشترى جديد ولا حاجة يبقى السعر زاد منين فالموضوع خلاصته ازمة ضمير الا من رحم ربي
والله يا جماعة انا مع الاستاذ جون
يعنى انا شوفت النهاردة عربية فيرنا 2006 معروضة ب 85500 ومانيوال وباور وتكييف بس
يعنى مش كدة
اة بالغ فى سعر عربيتك عشان تجيبلك سعر حلو
لكن مش للدرجة ديه
فانا معاه فى الموضوع ده
الله ينور عليك يا هيرو هو دا الكلام
يا ريت اللى عاوز يشترى يستنى لبعد العيد وكله هاينزل السعر
لا رمضان ليه علاقه
و لا العيد و المدارس و الصيف و الشتا ليهم علاقه
ده عرض و طلب
عرض كتير طلب قليل السعر يزيد
عرض قليل طلب كتير السعر يعلى
انا شايف ان الغالى تمنه فيه و ليس المغالى فى ثمنه زى بتع الفيرنا اللى بيبيعها اغلى من الزيرو .. بمعنى انا ليا واحد صاحبى جدا عمل اعلان عن لانوس بـ 58 ألف بدون مليم فصال و الناس قالت ليه و ليه دى دايو مش شيفورليه و موديل 2008 و و و .....
انا عارف و متاكد ان العربيه زيرو بمعنى الكلمه و اللى هيشتريها كأنه اشترى زيرو عداد 15 الف فى سنتين و نصف و هو بيركبها 4 ايا فى لشهر بالكتييييييييييييييير قوى لظروف شغله فى البترول .
اعوز بالله من كلمة انا لما اشتريت عربيتى فضلت الغاليه النظيفه و 3و 4 الاف تشترى بيهم نفسك من ميكانيكى او توكيل يمص دمك
الحقيقة يا جماعة انا ركبت لحد دلوقتى حوالى 9عربيات موديلات مختلفة ومااحبش اشترى الزيرو اصل خسارته جامدة لكن المستعمل بتبيع زى مابتشترى ويمكن تخسر الف او اتنين تقول اهو ركبت بيهم
واللى شفته ان اللى عربيته محافظ عليها وياريت لو بيوديها صيانة دورية وبالفواتير بيعلى فى السعر عن مثيلتها فى الموديل والحالة والون يمكن لحد 10000 جنيه ويقولك حالة شاذة وحقه ليه بقى لإن الغش بقى كتير والله يعافينا ناس كتير بتعتبر الكدب فى البيع والشرا شطارة لكن لو كل واحد يراعى ربنا ويقول عيب السلعة ويطلب زى مايطلب بس بلاش غش حال السوق مش هيكون فيه الفروق الجامدة دى
زى سوق الجمعة مثلا اول كلمة العربية فابريكة برة وجوة هو انا مش فيا عين هتشوف وتعرف اذا كان دة صح ولا لاء بالذمة لو قالى خدها ببلاش مش هارضى هاقول اذا كان كدب فى حاجة باينة زى الشمس يبقى ماخفى كان اعظم
وياريت نقتضى بالرسول الكريم ( رحم الله رجلا سمحا اذا باع سمحا اذا اشترى سمحا اذا اقتضى)
وربنا عمره مايبارك غير فى الحلال وسيبك من المقاطعة دى كانت جابت نتيجة مع اللحمة :majd(4):