حادثة نيو اكسنت بالصور تفتكرو حد عاش من اللي قدام؟!!

**lovermohamed** · 25-08-2010 08:32 PM

المشاركة الأصلية كتبت بواسطة tutankhamoun

أولا الحمد لله أن مفيش خسائر في الأرواح و الحمد لله أن أهلك رجعوا بالسلامة كويسين زي الأول .

و بالنسبة لسواقين النقل ................. ربنا ياخدهم ........... و يأخد اللي سايبهم يموتوا في الناس
أصلها منظومة كبيرة فاسدة ........... العلاج صعب

علاج مشكلة استهتار سواقين النقل في مصر حلها واحد

بما انهم مش متعلمين يعني لا فن ولا زوق ولا اخلاق
وماشيين بمدا الغابه ان الكبير يكسب

يبقى مينفعش معاهم غير الردع

يعني تكون اقل غرامة لو خبط عربية ومحصلش في الناس اللي فيها اصابات هي غرامة من 5000 ل 10000 جنيه ووالله دي اقل من الغرامة المفروضة في امريكا والكويت وقطر اللي بتوصل لتكهين النقل حتى لو موديل السنة وسحب الرخصة نهائياً والزام صاحب النقل بتصليح السياره المضاره ويستلمها صاحبها راضي عن الاصلاح

مش زي مابيحصل هنا

حق الملاكي قدام النقل ضااااااااايع في مصر علشان صحاب النقل رجال اعمال
ال يعني هي جت على دي وبس

حسبنا الله ونعم الوكيل فيهم واللي وراهم مهما كان

**attaromar** · 26-08-2010 10:18 AM

المشاركة الأصلية كتبت بواسطة attaromar

10000 حمد لله على سلامتك و سلامة الاسرة.....السؤال المهم اكيد انت كنت مأمن على العربية مش كده؟؟؟
و ياترى اتكلفت كام في التوكيل( انهي فرع؟)....و هل ياترى مانيوال ال مايكروكات اللى حضرتك عاملتله موضوع مخصوص قبل كده كان بعد الصيانة...و انت كنت ناوي تعمل تعديلات ايه فيها؟؟؟؟
ياترى قعدت قد ايه في التوكيل ؟
و شكرا

محمد باشا حضرتك مش عايز تفيدني ليه هي الاسئلة دي تضايقك لو جاوبت عليها؟؟

**lovermohamed** · 26-08-2010 03:05 PM

حقيقي اسف بجد لاني مردتش عليك
العربية مكنتش مأمن عليها واتعملت سمكرة عند موظفين في التوكيل انا رحت واتكلمت معاهم وفعلا خلصوها سمكرة بس مش في التوكيل بس المكان اللي اللي عملو فيه السمكره بجد ولا المستشفى في نظافته او تنظيمه
وكل قطع الغيار حتى المسامير جيبتها بنفسي من التوكيل اما برقم القطعه من مايكروكات او برقم الشاسيه علشان الالوان
اما بالنسبة لميكروكات كان عندي نسخة 2009 والموضوع التاني ده فيه ميكروكات 2010 وافدني جداً في تحديد نوع القطعه ورقمها

بالنسبة للتعديلات هي
عفشة رياضية بالكامل بس مش من التوكيل دي من كوريا مباشرة وجديده طبعاً
جنوط 15 او 16 لسه مقررتش ايطالي
فلتر هوا رياضي اسباني
ديفيل فرنساوي

والمفاجأه
فرامل خلفية على اجهزة مش طنابير زي مكانت علشان تكلبش في الارض

وفيه مفاجاه تانية وانا واثق ان محدش في مصر عملها
بس خليها في وقتها

والله المستعان

**lovermohamed** · 02-09-2010 08:16 PM

حقيقي اسف بجد لاني مردتش عليك
العربية مكنتش مأمن عليها واتعملت سمكرة عند موظفين في التوكيل انا رحت واتكلمت معاهم وفعلا خلصوها سمكرة بس مش في التوكيل بس المكان اللي اللي عملو فيه السمكره بجد ولا المستشفى في نظافته او تنظيمه
وكل قطع الغيار حتى المسامير جيبتها بنفسي من التوكيل اما برقم القطعه من مايكروكات او برقم الشاسيه علشان الالوان
اما بالنسبة لميكروكات كان عندي نسخة 2009 والموضوع التاني ده فيه ميكروكات 2010 وافدني جداً في تحديد نوع القطعه ورقمها

بالنسبة للتعديلات هي
عفشة رياضية بالكامل بس مش من التوكيل دي من كوريا مباشرة وجديده طبعاً
جنوط 15 او 16 لسه مقررتش ايطالي
فلتر هوا رياضي اسباني
ديفيل فرنساوي

والمفاجأه
فرامل خلفية على اجهزة مش طنابير زي مكانت علشان تكلبش في الارض

وفيه مفاجاه تانية وانا واثق ان محدش في مصر عملها
بس خليها في وقتها

والله المستعان

**tifa85** · 12-09-2010 03:36 PM

انا عندي نيو اكسنت 2010 و لسه عامل حادثة كبيرة,ممكن تساعدني و تقولي على مكان الناس اللي ظبطولك العربية ينوبك ثواب !!

**KHALED AYMAN** · 12-09-2010 03:57 PM

الف حمد الله على سلامتك و فداك مليون عربيه

المشاركة الأصلية كتبت بواسطة emo_ayman

لا حول ولا قوة الا بالله والحمد لله على كل حال.

بس كنت عاوز اسالك يا محمد هو سواق النقل مكنش مدى اشارة خالص ولا بايده حتى.
هو انت لما وصلت لديل المقطورة وفهمت انه بيدور على ملف وداخله معلقتش ايديك على الكلاكس ولا حاولت تحرق تطلع منه.

والحمد لله ان ربنا الهمك انك تقلل من المساحة اللى تفادى بيها اكبر مساحة فى اليمين.فيه ناس كتير فى اوقات زى ديه مخها بيتوقف.

هو انت بتقدر ازاى تتحكم فى مخك وتصمم انك ميغماش عليك من هول الصدمة والموقف اللى انت فيه.

معلش يا محمد الاسئلة كتيرة بس عاوز افهم وده طبعا لو قادر تتكلم اكتر عن الحادثة.

انا بردو حصلى زيه كده ..
معرفش عملت ايه فى نفسى عشان ميغماش عليا
بس هى زى ما تقول ...انا كنت عارف انى هموت وقلت مش هموت عميانى كده لازم اشوف الى بيحصلى ...(وقتها مكنش عندى اى تحكم فى العربيه ..قاعد بتفرج)
طبعا فى ناس مخها بيقف ...
وهو الحمد لله مخه اسعفه الى حد ما ...
ودى حاجات ملهاش علاقه بالذكاء ولا القوه ولا اى حاجه ...هى كده

**astrologer** · 12-09-2010 04:37 PM

الحمد لله الذي عافانا مما ابتلى به غيرنا وفصلنا على كثيراً مما خلق تفضيلاً كثيرا

**lovermohamed** · 21-09-2010 05:12 PM

المشاركة الأصلية كتبت بواسطة tifa85

انا عندي نيو اكسنت 2010 و لسه عامل حادثة كبيرة,ممكن تساعدني و تقولي على مكان الناس اللي ظبطولك العربية ينوبك ثواب !!

ياريت تكلمني على 016620115 ونتقابل

**lovermohamed** · 21-09-2010 05:16 PM

المشاركة الأصلية كتبت بواسطة khaled ayman

الف حمد الله على سلامتك و فداك مليون عربيه

انا بردو حصلى زيه كده ..
معرفش عملت ايه فى نفسى عشان ميغماش عليا
بس هى زى ما تقول ...انا كنت عارف انى هموت وقلت مش هموت عميانى كده لازم اشوف الى بيحصلى ...(وقتها مكنش عندى اى تحكم فى العربيه ..قاعد بتفرج)
طبعا فى ناس مخها بيقف ...
وهو الحمد لله مخه اسعفه الى حد ما ...
ودى حاجات ملهاش علاقه بالذكاء ولا القوه ولا اى حاجه ...هى كده

الحمد لله على سلامتك يا بطل
وربنا اكيد حيعوض عليك باحسن منها اذا كان في عافيتك او صحتك او عربيتك