السلام عليكم..
كل سنة و انتم طيبين جميعا و ربنا يعود عليكم الايام بالخير و البركة
طبعا انا الأخوة الاعضاء لو شافونى فى قسم المقارنات هنا هيطخونى بالنار
بس اعذرونى ان بقاللى فترة محتار فى موضوع شراء العربية ده و كان عند ي ظروف
المهم من غير ما اطول عليكم ان اخر حاجة و ان شاء الله تبقى الاخيرة انا معايا فعليا 120000 الف جنيه
و عايز اجيب بيهم عربية من غير ما ادخل فى قسط و لا اجيب كورى (مع احتر امى للكورى طبعا) ولا يابانى تانى انا عايز اوربى و بعد ما اشتريت لاختى استرا هاتشباك و فانتزيا لاخويا (بجد الالمانى يكسب)
الأختيارات الحالية و الفعلية:
1-اكتافيا A5 (اليجانس) موديل 2007
2-جيتا موديل 2007 او 2008 (معرفش بالسعر ده يجيب انهى فئة)
3-اوبل فيكترا موديل 2007 او 2008 (ايزى ترونيك)
ياريت طبعا زى ما اتعودت من الاعضاء المحترمين ان تكون المقارنة واقعية من حبث:
1-االاداء و الاعتمادية
2-قوة الموتور و تسارعه
3-قوة الفتيس ( ايزى ترونيك و ستب ترونيك)
4-مصاريف التشغيل (قطع الغيار و توافرها و اسعارها و اسعار الصيانات)
5-الثبات على الطريق و الامان (طبعا كل شىء يرجع لستر ربنا)
6-قوة التكييف و تاثيره على العربية فى السحب
معلش طولت عليكم بس ده عشمى من الاخوة الأعضاء الجدعان

و ان شاء الله ربنا يعمل اللى فيه الخير و استقر على حجة علشان انا زهقت