الموضوع: عربيتي الفيرنا بتقطع ... أفيدوني افادكم الله

إكشف على البنود الأتية:

1- كفائة مجموعة اسلاك الإسبراتير

2- فلتر البنزين

3- سلامة طبه الكونتاكت

4- سلامة توصيلات الرشاشات الكهربية


استعمل منظف الرشاشات مرة واحدة

لو الحاجات دى مجابتش نتيجة يبقى فك الرشاشات واكشف عليها ولو كانت متهالكة غيرها

شكرا على سرعة الرد يا أستاذ سبعاوي لكن ليا سؤالين بس

1- ماهو الإسبراتير ؟؟؟
2- أين أجد فلتر البنزين في العربية ( يعني بيبان من فوق ولا بيبقى راكب تحت )

ممكن كخطوة أولى ومبدئية
تفول بنزين 95 من محطة نضيفة، لو الحكاية مجرد رواسب هاتروح على طول إن شاء الله..ولو استمرت يبقى تكشف على الحاجات اللي قال عليها سبعاوي

المشاركة الأصلية كتبت بواسطة kh_talaat

شكرا على سرعة الرد يا أستاذ سبعاوي لكن ليا سؤالين بس

1- ماهو الإسبراتير ؟؟؟
2- أين أجد فلتر البنزين في العربية ( يعني بيبان من فوق ولا بيبقى راكب تحت )

هو هنا احنا ميهمناش الإسيراتير نفسه لكن يهمنا الأسلاك اللى خارجة من الأسبراتير رايحة البوجيهات ، وهى مجموعة الأسلاك الغليظة التى ينتهى واحد منها فى كل بوجيه

فلتر البنزين بيختلف مكانه من عربية لعربية لكن ممكن العثور عليه بسهولة،لأن خرطوم البنزين دائما بتكون نهايتها فى المسطرة اللى راكب فيها مجموعة الرشاشات(المسطرة دائما بتكون بعرض العربية اعلى المحرك فى المنطقة اللى بين المحرك وبين كابينة السائق، داخل لها خرطوم بنزين من طرفها وطالع منها ال4 رشاشات على مسافات متساوية) ولو مشيت مع خرطوم البنزين هتلاقى الفلتر راكب فيه فى مكان ما فى غرفة المحرك

اقتباس:

هو هنا احنا ميهمناش الإسيراتير نفسه لكن يهمنا الأسلاك اللى خارجة من الأسبراتير رايحة البوجيهات ، وهى مجموعة الأسلاك الغليظة التى ينتهى واحد منها فى كل بوجيه


طب أعرف إزاي إذا كانت الأسلاك دي محتاجة تتغير