كل سنه وأهل المنتدى الكرام بخير
هحكيلكم عن الى حصلى تانى يوم رمضان بعد العشاء علشان بالرغم من مرور 3 أيام لكن لسه دمى محروق ولسه بتحسبن على الشباب الى بيعمل كده
كنت يوم الخميس بعد العشاء واخد بنتى الكبيره بفسحها وأقضى مشاوير فى شارع معروف عندنا أسمه حسن حسيب ووصلت عند المحل الى أنا رايحو بجوار محل مشهور أسمو 911 بيبيع عصائر
وملقيتش الى أنا رايحلو وركبت عربيتى وبنتى على الكرسى الى جنبى وديرت العربيه من أمام محل 911 وماشى حسيت بظلطه أو حاجه ناشفه دخلت من الشباك بتاعى جت فى دراعى الشمال ووقعت جوا العربيه بصراحه أنا أفتكرتها نوايه بلح ولمحت شباب مش صغيرين واقفين على الناصيه بيضحكوأمام 911 وهوب بعد ثانيه وأنا ماشى الاقى حاجه بتعمل بووم ودخان طالع من تحت الكرسى بتاعى طبعا بنتى أتفزعت وأنا لولا ستر ربنا كان زمانى خابط عربيه مركونه بتاعت واحد ملوش زمب فى سفاله شباب مش متربى وطبعا وقفت ونزلت أبص فى أيه ولمحت الشباب القذر بيجرو كل واحد فى أتجاه شفتم بقا الحكومه منعت المفرقعات الناريه ليه !!!!!!!!!
وبعديها مشيت ومعدى من الشارع الى ورا فتح الله ماركت والشارع واقف وفى نص الشارع الأقى واحد بعربيه فكترا جديده سرح وهوا بيتكلم فى الموبيل راح طاخ خابط فيا من الخلف لكن الحمد لله جت سليمه ونزلنا أتكلمنا مع بعض بكل أدب
بالمناسبه دى كل واحد يحكى عن زكرياتو عن المفرقعات الناريه وايه أخر أخبارو معاها !!!!!!