السلام عليكم
هل الكيك داون بيهلك موتور العربية فعلا؟
و لو واحد بيعمل كيك داون كتير هل ده يأثر علي عمر الموتور؟
عرض للطباعة
السلام عليكم
هل الكيك داون بيهلك موتور العربية فعلا؟
و لو واحد بيعمل كيك داون كتير هل ده يأثر علي عمر الموتور؟
أعتقد لاء ... بس عموماً هو بيسخدم فقط فى مواقف معينة تكون محتاج عزم أكبر من العربية و أداء عالى.
تقصد بايه الكيك دوان
دة التسقيط (من السيليكتور)
الكيك داون انك تكبس بنزين و العربية يا تطول عالنقلة (و تقرص بيها) او لو النقلة في اولها الفتيس حايسقط نقلة و يحرق عالنقلة اللي قبلها
الكيك داون طبيعي انة بيهلك في السيارة لو كان بعنف و افتراء , يزود معدل اهلاك الفتيس و الموتور, انا لو من غير قرص جامد, لزوم تخطي سيارة او سحب بالسيارة شوية (مستعجل ) ما يعملش شيء يذكر
التسقيط من السيليكتور و النتش بية هو اللي يدمر الفتيس و بسرعه
السيليكتور معمول للمطالع و الحمولات
مش معمول علشان تستعملة كأن العربية مانيوال
اللي ينفع كدة الستيب ترونيك
الكيك داون او الاوفر درايف بيهلك الفتيس مش المكنة لانك طول مانت ماعدتش الريد زون كدة الماتور فى امان واصلا الفتيس الاتوماتيك مظبوط عند قبل الريد زون ب100 لفة وبعد كدة بينقل للنقلة اللى بعدها او بيبقى مظبوط على اول بداية الريد زون
طيب ممكن حد يقولي هو الكيك داون بيتعمل ازاي في العربيات المانيوال؟
انا الي متصوره ان كل نقله لها حد اخير من السرعه يعني لو انا على 90 اقدر انزل للتاني؟ طيب ازاي بقا؟
ال power drive هو عكس ال over drive يعني انت لما تطفي الباور درايف الاوفر درايف يشتغل و العربية تاخد الرابع
انما لما تدوس الباور درايف العربية بتنزل نقلة لو انت فوق ال 80 و تلاقيها طولت مشوار النقلة و تقرص معاك كأنك دايس كيك داون
دة مش شرط في كل العربيات , يعني الباور درايف بيختلف من عربية للتانية
ممكن الباور درايف يدي رابع في عربيات و عربيات لأ
الباور درايف في عربيات بيخللي الكمبيوتر يغير نسب البنزين و زمن فتح الرشاشات و يدي اداء رياضي أكتر , و عربيات لأ
الباور درايف والاوفر درايف ساعات بيدوا نقلة زيادة كهرباء في بعض السيارات (نادرا)
يعني الاوفر درايف يدي نقلة بلقطه كهرباء كغيار خامس في بعض السيارات
و الباور درايف ساعات بيلقط ترس بلقطه كهرباء بيغير بية نسب النقلات لكنها بتفضل 4 نقلات بس بيدي تسارع افضل و مشوار نقلات مختلف
بص يا فندم ،، بالنسبة للمانيوال ،،
كونك عامةً على غيار وعين و لسة في بدايته ، او في نصه و موصلتش بيه لعدد ار بي امات عالية ، و حبيت تعمل كيك داون ،، أنزل على النقلة اللي قبليه "مثلاً على ال90 عربيتي بتجيبها في العادي على الرابع ،، لو سقت للتالت أبقى عملت كيك داون" و ده بيخلي العربي كأنها أتنترت معاك و بيديك عزم جامد و صوت عالي من الموتور و تسارع ،، و كتره على الفاضي و المليان بيهلك الفتيس بتاعك :beatdeadhorse5:و سمعت من ميكاتنيكي و الله أعلم "أنه بيأثر على الشيميزات"
و الغرض منه الحصول على تسارع لو عايز تتطلع من عربية معينة مثلاً ،، بيفيد جامد في ماوقف زي كده :36_1_8[1]:
أسألني أنا !! :ma:
هى دها دروس عن ازاى تحرق عربيتك
والا اية
هنعمل زى العرب اللى بيحرقوا عربيتهم (التفحيط)
اصلهم مش تاعبنين فى الفلوس
بابا او ماما هم اللى بيجيبوا العربية
دها الواحد جاب العربية
بعد ما طلع عينوا
اية بقى ........ دها
على فكرة يا فندم,, مع فائق أحترامي لكلام حضرتك ،، الكيك داون مش بيحرق العربية ،، و أضرارة كمان أقل من التخميس و الدرفتة ، و شد الهاند ،، هو كل اللي بيكون ليه ضرر ،، لما يتعمل على الفاضي و المليان بهبل و بدون داعي ،، و حتى في الحالة دي بيخنق صاحب العربية ،، لأنة على المدى الطويل ،، كل متعمله كتير ،، مش حتحس بفرق جامد بعد كده ،، و ده غير عمله على الفاضي و المليان ليه أضرار "ذكرت بالأعلى و لن اكررها نظراً لملل القراء" و على فكرة الكيك داون بينفع في كواقف ذنقة فعلاً،، و الحكاية دي أنا مجربها ، بسسببه تفاديت أني أتصادم في عربيات بسبب راجل ^%&^ سواء تاكسي زنق يمين مرة واحدة عليا عشان يركب ناس و لو فرملت مكنتش حعرف ألم العربية و كنت حلبس في المشروع اللي راكن قدام و بالكيك داون عديت منهم هما التنين الحمد لله :ask::120105~352:
بستر ربنا و إلا كانت حتبقى دوبل لبسة :rfds:
و قيس على غرارة مواقف أخرى :3_3_102[1]:
حضرتك قريت الكلام اللي مكتوب هنا و للا قريت اللي مكتوب هناك :
http://www.nilemotors.net/Nile/161667-a.html
و جاي تعلق هنا ؟؟؟
يعنى المفروض الطبيعي بتاع العربيه انى اكون سايق علي over drive ولما احب اعدي من عربيه امامى ادوس علي power drive "دا لو انا فهمت كلامك صح"
كنت عايز اسالك سؤال - power drive كدا بيساوى تسقيط نقله يعنى لو انا جايب الفتيس علي D4 وبعدين عديت 120 مثلا و رحت جايب D3 كدا اكنى دوست علي power drive
ودا ليه تأثير سيئ علي الفتيس؟
معلش طولت علي حضرتك - بس انا عندى مشكله شنيعه من ساعه مجبت العربيه مش عارف اعدي 130 خالص خالص
مش مفروض تنقل السيليكتور و انت بتجري بالعربية اساساً
و الكيك داون برجلك هو الي بيحكم النقلة تكون امتى
انما تسقيط من السيليكتور و الحرق ثم تنقل لنقلة اعلى هو دة اللي يبوظ كلاتشات الفتيس
طبيعي انك لما تقرص عالموتور جامد كدة و انت حاكمة بغيار عالجير الاوتوماتيك لان الجير دة عالسرعات العالية قوي و نتيجه احتكاك الكلاتش بالسرعه دي بيسخن و يبتدي يفلت (يهرب) الكلاتشات من بعض و لما تنقل مرة واحدة بيتحرك الكلاتش السريع و يروح خابط في كلاتش تاني بسرعه منخفضة و نتيجه الخبطه دي باحتكاك مفاجيء بيحرق جزء من طبقة الكلاتش و يشيطها و دة تشوفة في صورة بودرة سوداء في زيت الفتيس (الاحمر) و تلاقية غامق (أسود اللون) و ريحتة زي ريحه الشياط و تلاقي فية اجزاء من رايش من الألومنيوم شبة ورق الفويل
و السواق المتمرس في قيادة سيارة اوتوماتيك يستطيع تماما التحكم في مستوى نقل الغيارت من خلال حساسية قدمة على دواسة البنزين و لا يحتاج لتسقيط الغيارات يدويا من السيليكتور
الاوفر درايف مش معناة انة بيدي الغيار الرابع و السبورت موود هو يحكم عالغيار الثالث فقط و انما هو في بعض السيارات الحديثة عبارة عن لقطه كهرباء لغيار
يعني الاوفر درايف قد يكون غيار رابع او خامس يلقط كهربيا بضغطه زرار او من السيليكتور و السبورت درايف قد يكون لقط كهربي او من السيليكتور لغيار اقل عبارة عن تحويل العزم لترس اصغر يظهر اثرة في الثالث و الرابع مثلا فوق ال 80 و تكون نقلاتهما منخفضة عن العادى و يصاحبة تغيير نسب الوقود و الهواء في المحرك الكترونيا لاعطاء عزم و سرعه رياضية (هذا هو تماما الباور درايف عندي في الفرونتيرا)
ماا شاء الله ،، الحمد لله أن عربيتي مانيوال ،، دي الاوتوماتيك دي طلعت عايزة دماغ يا جدعان،، بس مش شاء الله على معلوماتك يا استاذ أدهم ، بغض النظر عن اني مفهمتش حاجة ،، بس ما شاء الله رد يستحق التقدير
الف شكر يا استاذ ادهم - بجد نورتنى - ربنا يكرمك ويزيدك
الاستخدام الكتير بيهلك الفتيس مش الماتور عمل عندي كده