مكن حضرتك تقولنا ايه اللى مزعلك من العربية
عرض للطباعة
رمضان كريم وكل... عام وانتم بخير
انا اشتريت شيفورلية لانوس من شهر يونيو 2010 والعربية ماشاء الله جميلة وانا عامل بيها 5000ك حتى الان وشايف انها مناسبة جدا بالنسبة لسعرها غير عربيات تانية كتير انا كان معايا قبلها ماتركس 2008 وبجد شايف ان سواقتها مش فارقة كتير عن الماتركس يمكن الثبات مش زى الماتركس بس ده بيظهر فى السفر فقط انما جوة البلد عربية جميلة وتكيفها كويس جدا وتقفيلها جيد افضل بكتير من تقفيل الفيرنا
الله المستعان
هوا مش فيه حد بيحب الفول وحد بيحب الكشرى وحد بيحب الطعميه وممكن برضوا حد يحب الازانيا والبيتسا والكانيلونى او ممكن يحب مثلا السمك والجمبرى والكلامارى او الجرانيتا وياسلام على المكرونه ببلح البحر
العربيه دى زى بقى ايه البسله مع الجزر
وبس
رمضان كريم
يا جماعة مش كل واحد يقول عربية زبالة وميقولش ايه المشاكل اللي قابلته
احنا عايزين عيوب ملموسه علشان نعرف نقيم العربيه بالنسبه للدايو لانوس مش نقيم العربيه نفسها من وجهه نظر صاحبها لان ممكن اللي يبقي شايفه عيب يكون اساسا موجود في الدايو عند كل الناس (ياريت اللي عنده مشكله يذكرها بالتحديد)
العربيه 100 100 و ما شاء الله حمالة قسيه
شوف يا سيدى
العربيد دى انا بسافر بيها كل يوم من شهرين وعامله 15 الف
وادى ملاحظات عن وليد التجربه الشخصيه :
الجنوط 13 والكاوتش 175 70 ار 13 واطيه وبتعوم وفراملها على قدها بتسحف
على السرعات العاليه بتروح يمين وشمال يعنى بتعوم ولو جنبك عربيه تريللا محمله كونتينار ممكن تلاقى نفسك بتنسحب تحتها لوحدك كده side buffing
الطريق الى فيه مطبات هوائيه فى الاتجاه الطوللى (يعنى فى اتجاه المشى) حتلاقى العربيه ماليهاش اى اتزان خالص مفيش ثبات وشعورك حيكون قلق
التقفيل من جوه مصرى عادى جدا مافيهوش ثراء عربيه يعنى كلها بلاستيك ريسيكلد
الكراسى ناشفه جدا
تاره الدريكسيون مش مناسبه لقبضه اليد فى اى عربيه تانيه اى تاره بالسمك ده بتكون مكسيه اى نوع من اللدائن علشان تكون soft على اليد ,وفيها مرونه وخاصه فى المشاوير الطويله
الموتور موتور موتوسيكل صوته عالى جدا وما بيديش الا بعد 3 ار بى ام
ممكن تجيب 120 على 3.5
ممكن تجيب 140 على 4 الا شويه
ومكن 155 على بعد الاربعه
تقيله وكسوله جدا فى التسارع على الغيارات الاوليه بس شغاله
الصاج رقيق جدا وبسهوله بيحصل له تعرجات deformation
استهلاكها فى البنزين معقول بالنسبه لموتور 1500 بتعمل كل 390 كم حوالى 23 الى 25 لتر سرعه 120 + تكييف
ممكن تقبل اى نوع من البنزين عادى حتى ال 80 بس تسايسها فى المشى
عربيه بسيطه فى الميكانيكا بتاعتها واى حد ممكن يشتغل فيها
وقطع غيارها موجوده
يعنى عربيه غلبانه راضيه وماشيه
الى بيضحكنى دايما انك لما تشوف وشها تحترمها وتفتكرها اوبترا
وبعد ماتعدى منك تلاقيها لانوس بشكله فوانيسها الطفوللى
وبس
اه نسيت عيبها الشكمان بلدى يعنى متهيا لى انه لو مستورد كان ممكن صوته يكون احسن
وكمان ايريال الراديو بيطلع مع السى دى والراديو ومع اى حركه تلاقيه طلع ونزل لوحده
وبس