الموضوع: مشاكل فى a5

1-لمبة set منورة على طول و لا أستطيع اطفائها بالطريقة العادية.
2-مؤشر البنزين و انا ماشى بينزل للصفر فأبطل العربية وأدور بيطلع تانى.
3-الزجاج الأمامى يمين لما أرفعه ساعات يطلع و بعد كده ينزل لوحده و السنتر الزجاج بعدها مبيشتغلش.
4-لمبة الصالون مبتنورش لما أشيل المفتاح ذى الأول لازم أفتح الباب و أقفله عشات تنور.
5-الكاسيت سعات لمل أشغله و أنا مش حطيت مفتاح العربية الكاست بيشتغل و يفصل لوحده عدة مرات.
6-لمبة حرارة الماء بتنور على الرغم أن درجة الحرارة تمام وتنطفئ بعد فترة .
7- رجة فى المتور على السلانسيه.
8- لو دست بنزين مرة واحدة جامد تشعر برجة فى المتور و بيتهز من مكانه.
هل حد قبلته المشاكل ده قبل كدة و عمل فيها إيه؟؟

و شكراً

المشاركة الأصلية كتبت بواسطة sarhan_game

أنا بحط بنزين 92 من أمارات مصر
لمبة ال set مبطفيش نهائيا وشكرا على اهتمامك و إن شاء الله اروح السبت القادم إن شاء الله

لمبة ال Set بتنطفي بعد ما تدوس عليها مدة عدة ثواني وده بعد ما تكون ظبط ضغط الأطارات علشان الكمبيوتر يسجل الضغط الجديد (علشان كده لازم تضبط الأطارات الأول علشان مايسجلش الضغط الغلط )



ما يفرقش نوع البنزين الي بتحطه بالنسية للشوائب ولكن تفرق المحطة --- حط دايما من محطة أواتنين انت متعود عليهم وماعملوش مشاكل معاك --- ما تاخدش من محطات في طريق سفر == ما تستناش لغاية المؤشر ما يدخل في الأحمر -- غير فلتر البنزين كل 20 ألف (واتفرج عليه وهو طالع من العربية وقوللي رايك )

العوامة ممكن تكون محتاجة تتنضف


ممكن تكون مشيت مدة والبنزين عندك خلصان فلميت وساخة التنك

بالنسبة للراديو عمل مرة معايا مشكلة -- شلت الفيوز الخاص بكهربة الراديو المشكلة اتحلت

بالنسبة للزجاج --- ده معناه ان في مقاومة بتواجه الزجاج وهو طالع بيحسبها صباع بني ادم فبيقوم نازل تاني (للأمان) وممكن تكون حساسية زيادة