الموضوع: على وشك شراء tiida

المشاركة الأصلية كتبت بواسطة redafbm

السلام عليكم
اخوانى انا ناوى اشترى التيدا بس معايا 45000 جم فقط لا غير فقط لاغير وانوى انها تكون جديده لأن خبرتى زيرو
فى السيارات رجاء النصيحة فى امكانية تقسيط الباقى وما هى الضمانات المطلوبة

شوف يا سيدى
التيدا بلس ب 127500 من عند عبد اللطيف جميل
تقسيط مباشر (يعنى مفيش شبهة ربا إن شاء الله)
الفايدة :9.5 لو هتأمن
10.5 لو مفيش تأمين
أطول مدة 60 شهر
يعنى لو هتدفع 45000 الباقى هيكون 2096.875 قسط شهرى فى 60 شهر (بدون تأمين أجبارى)
مطلوب:
- مفردات مرتب
- ضامن (ممكن قرابة درحة أولى يعنى الزوجة أو أحد الوالدين)
فيه حظر بيع على العربية
بدون عمل توكيل (أحسن من contact )
بدون نسخة مفتاح
هتمضى على كمبيالات بعدد الاقساط + شيك مجمع لكل 6 شهور (تخده بعد ما تسدد ال 6 شهور)
مفيش فوائد عند تأخر السداد
فى حالة السداد الجزئى يتم خصم نصف الفائدة عن المبلغ المسدد

بعد بحث وتمحيص وتفحيص دول أكتر ناس بعيدين عن شبهة الربا و الله أعلم
الحاجة التانية : ال TIIDA أختيار رائع بالنسبة للسعر ده, ده عان دراسة موضوعية .. كفاية أنك راكب عربية العالم كله بيركبها ... أدخل على Google و أكتب NISSAN VERSA ولا NISSAN TIIDA و أتفرج

يا جدعان أنا باركب عربيات من 19 سنة ... ال TIIDA عربية أختراع بس للاسف مش مسوقينها صح فى مصر

جزاك الله كل الخير
شاكر جدا
جدا

بارك الله لك فيها وكفاك شرها.. الحقيقه كان نفسى فيها لكن لأنى مضطر اجيب عربيه سيدان (ده عيب الجواز) ولأن منظرها مش عاجب المدام ( وده عيب الجواز) ولأنها اغلى اوى من الصنى (وده عيب الامكانيات المحدوده .. والجواز برضه هه) فهاجيب الصنى ان شاء الله بس اطمن لها الاول.. مبروك ياباشا وربنا يباركلك فيها يارب

لو هاتجيب الصنى فهى تقفيل مصرى شكل قديم متجدد . عندك الالنترا تقفيل كورى افضل منها شكلآ وموضوعآ وعندك الاوبترا تقفيل كورى بس بينى وبنك الالنترا احلى

رجالة

أنا نازل أفطر فى كايرو النهارده
فى مين فى مصر الجديدة او مدينة نصر عنده التيدا .. ومين بيعمل test drive

بقولوكوا أيه ... انا معزوم عند واحد بتاع عكاوى اسمه البرنس ... ده حلو ده ولا اجيب فطارى معايا؟