استشاره فى هوندا سيفيك Si مو 1993

**MarEgypt** · 16-08-2010 01:54 PM

انا ناوى اشترى عربيه أتوماتيك ومش مستعجل تقريبا كدا بعد شهر

وكانت بافكر فى الالمانى وتفكيرى بعيد جداً عن اليابانى لحين ما بالصدفه قريت عن المكتوب فى قسم هوندا وبالخصوص الشعر الى مكتوب عن هوندا سيفك Si مو 1993

فى الاول كنت بافكر فى أوبل فيكترا مو 1997 وفولكس جولف 4 مو 1998
وكنت ميال اكتر للفيكترا

دلوقت انا محتار ما بين سيفيك Si خليجى مو 1993 موتور اتوماتيك 1600 سىسى - وفيكترا B مو 1997 موتور اتوماتيك 2000 سىسى

ممكن حد يفيدنى فى المقارنه دى fair و بدون تحيز

وبالنسبه للسيفيك ايه الفرق بين Si و SiR
والخليجى يفرق كتير عن المصرى؟ وايه الفرق دا؟

متشكر

**mshamy** · 16-08-2010 05:46 PM

قبل ما أرد على حضرتك ..ممكن أعرف ميزانيتك كام؟

**SAMEH_FOUAD** · 16-08-2010 07:28 PM

المشاركة الأصلية كتبت بواسطة MarEgypt

انا ناوى اشترى عربيه أتوماتيك ومش مستعجل تقريبا كدا بعد شهر

وكانت بافكر فى الالمانى وتفكيرى بعيد جداً عن اليابانى لحين ما بالصدفه قريت عن المكتوب فى قسم هوندا وبالخصوص الشعر الى مكتوب عن هوندا سيفك Si مو 1993

فى الاول كنت بافكر فى أوبل فيكترا مو 1997 وفولكس جولف 4 مو 1998
وكنت ميال اكتر للفيكترا

دلوقت انا محتار ما بين سيفيك Si خليجى مو 1993 موتور اتوماتيك 1600 سىسى - وفيكترا B مو 1997 موتور اتوماتيك 2000 سىسى

ممكن حد يفيدنى فى المقارنه دى fair و بدون تحيز

وبالنسبه للسيفيك ايه الفرق بين Si و SiR
والخليجى يفرق كتير عن المصرى؟ وايه الفرق دا؟

متشكر

العربية دية مافيهاش مواصفات مصرية
ياخليجى يامواصفات اوروبية وطبعا اليابانى هتبقى دركسيون يمين

بالنسبة للسيفيك الsi والSiR الفرق فى العفشة وفى الماتور بتاع الSI بيخرج 130 حصان من ماتور 1600 2 كامة بدون VTEC , الSiR بيخرج 170 حصان حسب موديل الماتور لان فية 160 حصان والماتور دة بيبقى فية VTEC ومميزات النظام دة انة بيتحكم فى توقيت فتح وغلق الصمام يعنى حسب دوستك يفتح الصمام ودة بيعمل توفير فى استهلاك الوقود على السرعات المنخفضة دة غير انة بيدى عزم اعلى ,وسرعة قصوى اعلى وعدد احصنة اعلى من الماتور الغير مزود بVTEC وعلى فكرة ماتور الSiR بردة 1600
غير العفشة والماتور والشكمان والرديايتر والسيرفو كل دة مختلف عن الSI
ولو هتقارن بينها وبين الفيكترا هيبقى فية كلام تانى

**mshamy** · 17-08-2010 01:48 PM

لو بصفة عامة استخدامك عائلي (يعني معاك اسرة وأطفال) يبقى ارشحلك الآوبل الفكترا ال 2000 سي سي شرط الحالة أو الجولف 4
لو ستخدامك شبابي (يعنى انت واصحابك) يبقى الهوندا السيفيكSi
يبقى ان تعرف ان مصاريف تشغيل الهوندا تعتبر اقل من الفكترا و الجولف

**MarEgypt** · 17-08-2010 02:31 PM

المشاركة الأصلية كتبت بواسطة mshamy

لو بصفة عامة استخدامك عائلي (يعني معاك اسرة وأطفال) يبقى ارشحلك الآوبل الفكترا ال 2000 سي سي شرط الحالة أو الجولف 4
لو ستخدامك شبابي (يعنى انت واصحابك) يبقى الهوندا السيفيكSi
يبقى ان تعرف ان مصاريف تشغيل الهوندا تعتبر اقل من الفكترا و الجولف

مشكور يا باشا
ممكن يا باشا مقارنه ما بينهم (الفيكترا والسيفيك SiR)
وليه الفيكترا عائليه والسيفيك شبابيه؟ معلش لسه مبتدء فى موضوع العربيات :)

**SAMEH_FOUAD** · 17-08-2010 02:40 PM

المشاركة الأصلية كتبت بواسطة MarEgypt

من 50 الى 55 الف

ايه الكلام التانى بينها وبين الفيكترا ... ممكن بالتفصيل

لو هنعمل مقارنة سريعة كدة

من حيث الضرايب الهوندا تكسب 1600 مقابل 2000

من حيث مصاريف استهلاك البنزين بردة الهوندا تكسب

من حيث السرعة والاداء الهوندا تكسب

من حيث الاعتمادية الاتنين طبعا جامدين بس مع احترامى للاوبل مش هتقدر تتفوق على الهوندا

من حيث الثبات الاتنين جامين جدا

الكماليات واحد بس هتزيد الاوبل على الهوندا فى وجود abs ,airbag وعلى فكرة فية هوندا si موجودة فيها الحاجات دية عادى بس احنا هنتكلم على اللى منتشر هنا

الموديل مش هتفرق لان الهوندا عمرك ماهتحس انها موديل 92 ابدا

الصالون ومساحتة الاتنين متساويين

الشكل الاتنين جامدين وان كانت الفيكترا بتميل للطابع العائلى بعكس الهوندا بتميل للطابع الرياضى

لو انت استخدامك رياضى يبقى ارشحلك الهوندا بجدارة هتلاقى نفسك فيها اوى بعكس الاوبل تقيلة الحركة

بالنسبة لاسعار قطع الغيار طبعا الهوندا تكسب مع انها فيها حاجات غالية بس موجوة ومنتشرة بعكس الاويل فيكترا حاجاتها غالية وفيها قطع مش موجودة وخلى بالك انا عارف انا بقولك اية كويس لان واحد كان بيصلح فيكترا عند المكيانكيى بتاعى وقعدت عندة بتاع اسبوعين بتتظبط وحاجات كتير مش موجودة وحاجاتها غالية

السيفيك قريبة من الارض لو انت بتسافر محافظات يبقى السيفيك مش هتنفعك جوة المحافظة لو فيها مطبات غشيمة والاويل بردة مش هتخدمك اوى بس مش زى السيفك

دية المقارنة بين السياراتين

**hatchy** · 18-08-2010 02:36 PM

انا حاسس ان المقارنة صعبة
بس فعلا العربيتين ممتازين
واللى هيكمها استهلاكك اية
عائلى = فيكترا
شبابى = سيفيك

**HADDAD** · 18-08-2010 03:25 PM

المشاركة الأصلية كتبت بواسطة hatchy

انا حاسس ان المقارنة صعبة
بس فعلا العربيتين ممتازين
واللى هيكمها استهلاكك اية
عائلى = فيكترا
شبابى = سيفيك

فكترا اية بس الى عائلية
الكلام دا لو بتكره عيلتك و عاوز تمرمطهم معاك
عربية بتسخن و كمبيتراتها بتخرف و بتفصل لوحدها
وفوق دا كلة تكيفها دا يما خربان
يبقى لو بتحيب عيلتك قوووووووووووووووووووووووو ى
ركبهم فيكترا