طلب مساعدة قبل ما اخش بالعربية في النيل

السلام عليكم اولا
وكل سنة وانتوا طيبين بمناسبة شهر رمضان المعظم
مش هطول عليكوا واخش في الموضوع علي طول
عربيتي فيكترا بي 96 راكب عليها ماكينة 2000 سي سي ايكوتيك والعربية مانيوال
طبعا تسارع ملوش حل ثبات تجميع كل شيء بس المشاكل بقي اهة
العربية لما بتمشي سلانسية تحس انها هتبطل وتلاقي ال ار بي ام بيعلي وبيوطي واحيانا بتفصل
العربية لما تبطل وهي سخنة واجي ادورها تعتل في الدوارة ومش تدور لازم تاخد راحة دقيقة او اقل علشان تشتغل تاني مع العلم اني مغير مراوح وبطارية ومارش وكونتاك
في البعض قالولي رشاشات وطرمبة بنزين وسمعت كلام كتير وفي منهم قالي وديها لشيخ يقرالك عليها شوية
فياريت مساعد لاخوكوا قبل ما يتجنن في رمضان اللي يعرف التشخيص والعيب ومين يقدر يصلحة وتليفونة
ولكم جزيل الشكر

انت عندك عيبين غير بعض خالص
1. التقطيعه و التنتيشة فى السلانسيه ليه اكتر من احتمال للأسف
== الأيدل
== الماف بتاع العربية
=== الرشاشات
2. موضوع التقطيعه و الدوارة دى طرمبة بنزين صريحه و حساس كرنك
و كل ده يبان على الكمبيوتر لما تكشف

اكشف ع الكمبيوتر وببان معك الخلل وان شاء الله بسيطه

اقتباس:

---

المشاركة الأصلية كتبت بواسطة tananybasha

انت عندك عيبين غير بعض خالص
1. التقطيعه و التنتيشة فى السلانسيه ليه اكتر من احتمال للأسف
== الأيدل
== الماف بتاع العربية
=== الرشاشات
2. موضوع التقطيعه و الدوارة دى طرمبة بنزين صريحه و حساس كرنك
و كل ده يبان على الكمبيوتر لما تكشف

---

طناني جاب من الاخر :verygood:

تلامذتك يا محمد بك

الحكاية سهلة و لا ترمى العربية فى النيل بعد الشر عليك و على العربية
شوف حد فاهم و اكشف على العربية كويس جدا و شوف كل الكابلات و التوصيلات لانها ممكن تكون المشكلة
و قبل كل شى اكشف على العربية كويس جدا و بعدين اعرف المشكلة فين و اوعى تسمع اى كلام مفتكس علشان متدفعش فلوس و فى الاخر تطلع حاجة تانية
و يا ريت تكشف عليها فى توكيل و بلاش الورش اللى نص نص
و ربنا يوفقك
و تطلع الحكاية سهلة

الموتور ده بال كمبيوتر بتاع صح مش متعدل على الكمبيوتر القديم