انا طبعا مش هاحكي عن الافتتاح والتكاليف والكلام ده انا هاحكي عن تجربتي مع محور صفط ولأي حد ممكن يستخدمه
المحور ده فعلا رائع نقل الحركة لكل اللي طالع من وسط البلد والجيزه والدقي والمهندسين والجامعه وعايز يطلع الدائري بدل ما يروح ميدان لبنان بقى ليك مخرج في وسط البلد جنب الجامعه سواء للمتجه الى مناطق المرج والطريق الزراعي وما في هذه الجههأو المتجه الي اخر فبصل او الصحراوي او اكتوبر
نبدأ بالمطالع
- مطلع في شارع السودان لو انت جاي من شارع السودان اول ما تعدي ابناء مقار على يسارك هاتلاقي مطلع او لو جاي من شارع الدقي هاتخش شمال في نهاية شارع الدقي تلاقي مطلع
- المطلع التاني في شارع بين السرايات مطلع كويري ثروت العادي خالص
- مطلع على الدائري لو انت جاي من اتجاه فيص والرمايه هايبقى اقصى يمين الطريق
-مطلع للي جاي من اتجاه ميدان لبنان
المنازل
منزل على الدائري في اتجاه الرماية والهرم
منزل في اتجاه ميدان لبنان والمرج والزراعي
منزل على صفط اللبن
منزل على شارع بين السرايات كوبري ثروت
منزل في شارع السودان في اتجاه كوبري فيصل
التجربه العمليه
من شارع السودان حتى الطريق الدائري الوصله اخدت بالظبط 10 دقائق سواء رايح او راجع دون جري في العادي الطريق فعلا هايسهل كتير للي رايح المريوطية واخر فيصل واللي رايح الصحراوي في اوقات غير اوقات الزروه عشان الدائري بيبقى متنيل بنيله قبل منزل الصحراوي لحد ما يخلوا التوسعات اللي شغالين فيها وطبعا اللي عايز يطلع الدائري في اتجاه الزراعي ممتاز جدا
انا عن نفسي اختصرلي نص الوقت اللي كنت بوصل فيه بيتي تقريبا
أي استفسار تحت أمركم