تليفونى السامسونج d880 اللى بشريحتين شاريه من فبراير 2009 يعنى بقاله معايا حوالى سنة ونصف بدأ يهلس وتظهر فيه أعراض بفكر معاه إنى أغيره خالص مش أصلحه
حد يعرف ماركة تانية متوفرة - غير الصينى والسامسونج - بتقدم موديل بشريحتين وتكون أفضل من السامسونج؟
عرض للطباعة
تليفونى السامسونج d880 اللى بشريحتين شاريه من فبراير 2009 يعنى بقاله معايا حوالى سنة ونصف بدأ يهلس وتظهر فيه أعراض بفكر معاه إنى أغيره خالص مش أصلحه
حد يعرف ماركة تانية متوفرة - غير الصينى والسامسونج - بتقدم موديل بشريحتين وتكون أفضل من السامسونج؟
نوكيا عملت واحد
رخيص وعملي
مش عارف نزل السوق ولا لاء
وال جي عامله واحد برضه
ال جى عاملة موديلات يشريحتين واسعارها حلوة
منقول:
كشفت نوكيا عن هاتف C2 الأول من نوعه من الشركة الفنلندية والمتوافق مع تشغيل شريحتي هاتف معا
المميز في هاتف نوكيا الجديد أنه ذو كلفة منخفضة حيث تم طرحه بسعر (55 دولار)، وسيصل إلى أسواق الشرق الأوسط فى الربع الأخير من العام الحالي
وتبلغ أبعاد الهاتف 108 × 45 × 14.65 ميليمترا، ووزنه (مع البطارية): 74.1 جرام، وقياس الشاشة 1.8 إنش ودقتها 128 × 160 بكسل وتدعم 65,000 لونا
يحتوي Nokia C2 على فتحة لبطاقة ذاكرة microSD قابلة للتبديل الفوري بسعة 32 جيجابايت، و أهم ما فيه أنه يدعم بطاقتي هاتف في نفس الوقت، متوافق مع بلوتوث 2.0، والناقل العام USB 2.0، ويحتوي على منفذ الصوت المعيار 3.5 ميليمتر
يعتمد الهاتف على نظام التشغيل S40 مع دعم لكافة ملقمات البريد الإلكتروني، ويحتوي على متصفح اوبرا ميني Opera Mini 4.0، أما الكاميرا التي يعتمد عليها الهاتف فهي منخفضة الدقة من مرتبة VGA، كما أن الهاتف يحتوي على مولف راديو FM داخلي
وقد زود الهاتف أيضاً بخاصية "Hot Swap" والتي تمكن المستخدِم من إزالة إحدى الشرائح أثناء تشغيل الهاتف دون التأثير على عمل الشريحة الأخرى، ولكننا نلاحظ أنه في سبيل تزويد الهاتف بمثل هذه الميزة قد تخلت عن تزويده بمميزات هامة أخرى كالكاميرا الحديثة أو التطبيقات الجديدة، مما يجعل منه هاتفاً لا يناسب شرائح المستخدمين الباحثين عن العملية والحداثة
ومن المتوقع أن يتراوح سعره فى مصر ما بين 400 إلى 500 جنيه مصري
Nokia C1-00 - Full phone specifications
ده المفروض اللي يبقي المنافس القوي بشريحتين من نوكيا والمفروض انه نزل
Nokia C2-00 - Full phone specifications
وده اقوي منه بس لسه هاينزل الربع الرابع من 2010
ودول ال جي
LG GX500 - Full phone specifications
LG GX200 - Full phone specifications
LG KS660 - Full phone specifications
بس ال c2 هيكون موبيل عقيم لمن يستخدم الإنترنت والبريد الإلكتروني خاصة انه غير مزود بتكنولوجيا الجيل الثالث 3g ولا wifi ,وطبعا مفيش GPS يعني كأقل موبايل نوكيا بشاشة ملونة ومزود بخطين بس.
عموما فيه نقطة مضيئة في الموضوع ان نوكيا تبتدي تلبي إحتياجات المستخدمين فيما يخص إنتاج موبايل بشريحتين وده الطلب عليه متزايد في بلاد كثيرة مش في مصر بس.
http://img.gsmarena.com/vv/pics/lg/lg-ks660-1.jpg
دي صورة ال LG KS 660
طبعا الي بيستخدم التليفون كتليفون فقط اتصل -اقفل -سجل نمرة -ابعت رسالة هيكون تمام معاه بس الي بستخدمه في اي حاجة زيادة هيكون الموضوع بالنسبة ليه محتاج موبيل تاني يليبي إحتياجاته من تطبيقات للعمل او إنترنت وإيميل بشكل عملي وواضح
الحقيقة أنا يهمنى مع الشريحتين وجود كاميرا كويسة 3 ميجا مثلا أو أعلى وبلوتوث ولا يهمنى 3 ج ولا البريد
إل جى التقارير عنه بتقول انهأضعف الموديلات ولا يتحمل الضغط وأنا استخدامى للتليفون يعتبر عنيف
حد استخدم تليفون إل جى بالذات الموديلات المقترحة فى مشاركة أ كريم؟
ربنا يبارك لك فيه
ممكن أعرف السعر؟
كان معايا واقرا اول صفحتين فى الموضوع ده
http://www.nilemotors.net/Nile/169452-lg-gx200.html (للبيع موبايل LG gx200 بخطين)
ولو فيه اى استفسار عنها كلمنى
يا دكتور سامسونج هيا ال جي وال جي هيا سامسونج
كوريا الجنوبية كل حاجتها واحد
المشكلة فعلا في السامسونج انه لازم يبوظ مش عارف ليه
لازم الجهاز في نهايته يحصله حاجه
انا شوفت موبايل سامسونج بشريحتين وسلايد غير بتاعك واحد لسه جايبه من الأمارات ولسه ممنزلشي هنا
بس شكله جميل وحجمه حلو جدا والقوائم بتاعته شكلها ظريف
بس مش فاكر اسمه ايه
أنا صلحت تليفونى السامسونج امبارح
غيرّ حاجة اسمها "الفلاتة" وكلفنى 60 جنيه
هستنى شوية عليه أما أشوف آخره ولو قل أصله تانى ييجى مكانه إل جى
موبايلين :)اقتباس:
تليفون بشريحتين لا سامسونج ولا صينى يبقى إيه؟
الحقيقة مكنتش أعرف ان في موبايلات بشريحتين غيرهم
بس عرفت من اموضوع
ممكن سؤال ؟؟
هو الخطين اللى على التليفون (سامسونج) بيكونوا شغالين فى نفس الوقت ولا انت بتشغل خط ولو عايز الخط الثانى بتحول عليه ؟؟؟؟؟؟
انا معى ال جى ks 660
كويس
مش وحش
سوفت وير سهل جدا و جميل
شاشة كبيرة
ذاكرة حلوة انا حاطط 4 ججيا "يشيل الى 8 "
كاميرا 5 ميجا "بس مش عاجبانى اوى"
البطارية بتقعد معى 3 ايام و دى حاجة مزعلانى لان استعمالى خفيف جدا
بس قالولى تليفونات التاتش بتستهلك اكبر
زى كده الاوتوماتيك بيستهلك اكتر من المانيوال
ممكن اسأل هل حضرتك حطيت عليه برامج (زي برنامج الاذان) لاني نزلت عليه برنامج الاذان ومش بيعمل minimizing يعني لازم البرنامج يكون مفتوح في الخلفية علشان يشتغل و لو عملت
minimizing ما يشتغلش
ويا ريت لو حضرتك تعرف موقع علي النت يكون عليه خلفيات و و برامج اكون شاكر لحضرتك جدا
اصل انا طول عمري معايا تليفونات سوني و مكنتش بغير واول مرة يكون معايا جهاز LG
يا شباب ماحدش شاف موتورولا أبو خطين
انا شفته بس بره مصر فى اعلان على النت
ياتري حد شافه فى مصر؟ و لو في يبقى فين و بكام؟
سوفت وير بس انا شاكك ان الى اخت منه التليفون كان متفيرس
انا سمعت عن موبيل نزل ب3 شرايح بس لسه معرفش عنه تفاصيل
ممكن اسأل حضرتك هو حضرتك اشتريته ببطارية واحدة ولا اتنين لان انا اشتريته في شهر 7 اللي فات وكان ببطارية واحدة
مع ان هو موجود دلوقتي ببطاريتين؟؟ وبنفس السعر :I_angr1[1]:
كمان اللي عرفته ومش عاجبني في التليفون ده ان ال calculator فيه مافيهوش m+ يعني ما تقدرش تخزن ارقام في اثناء العملية الحسابية وده شيء منرفزني جدا
كمان ال to do list فيه من غير Alarm يعني لو عندك مكالمة او مهمة معينة عاوز تعملها في يوم معين تكون مسجلها في ال to do list بس ما يفكركشي بيها :8954[1]:
علي عكس المواعيد والمنبهات اللي في ال calender بيفكرك بيها عادي و ممكن يكررها زي اعياد الميلاد مثلا
يا ريت فعلا لاني جربت اكتر من مرة انزل برنامج الاذان و برضه نفس المشكلة موجودة
وحاولت الاقي برنامج اذان مخصوص ليه بس ما لقتش غير اللي موجود في
islamic finder
و
search truth
الجهاز فعلا تعامله مع الشريحتين سهل وذكي جدا لكن مش تقيل زي ما حضرتك ذكرت ممكن يكون جهازك فيه مشكلة او فيه فيروس فعلا
3 شرايح !!!!!! ولسه
يااااااااااااااااااااه هو الواحد بعد كدة هيبقي معاه 10 خطوط ولا ايه
انا رأيي ننتظر نوكيا طاما فتحت باب للخطين يبقى ان شاء الله تنزل حاجه زي الn95 اصلي وبخطين
يوجد الان موبيل سامسونج
2 sim card
3G
WIFI
TOUCH SCREEN
MODEL B7722
CAMERA 5.2 MEGA PIXEL
PRICE 1999 L.E
http://www.elshennawy.com/prices/main.php?g2_itemId=14933