الموضوع: الرئيس مبارك يتدخل لمنع تسيير المقطورات

المشاركة الأصلية كتبت بواسطة elkady2010

مفيش حاجه في الكون ببلاش
بمعني كل حاجه قدامها حاجه
يعني لو سبنا مقاطير يبقي سعر النقل كويس وفي مصلحه التجاره الداخليه وكل القائيمين عليها
لكن في خطر كبير علي حياه الناس عشان 50 في الميه من الحوادث في مصر احد اطرفها بيكون عربيه نقل
لو لغينا المقاطير هنقلل الحوادث بنسبه كبيره وهنذود الامان في الطرقات
بس في المقابل ده هياثر سلبيا علي السوق

طيب احنا نخسر ايه في مقابل ايه؟؟

من وجه نظري المتواضعه ان القرار ده موفق لان حياه مواطن واحد اهم من اي اعتبارات تانيه

والحل السحري للمشكله دي هو اعاده استخدام القطارات في نقل البضائع

احنا عندنا في مصر شبكه سكه حديد ضخمه ولو تم الاهتمام بيها وتطويرها واستخدمها في نقل البضائع

هيكون هو ده من احسن

انا معاك في انه قرار سليم لكن طريقة تنفيذه هيه اللي غلط ....
عارف العربية الواحدة بيستفيد منها كام بيت ؟ ما لا يقل عن 10 أسر مصدر دخلهم الرئيسي من سيارة النقل الواحدة و احسب انت عندك كام عربية في البلد عشان تعرف اجمالي الناس ....
متوسط سعر العربية الواحدة بالمقطورة 800 الف كاش
التريلا بتوصل ل مليون و 300 ألف
الفرق كبير جدا بين الاتنين لو هتبيع القديمة و تشتري جديدة مع اعتبار ان القديمة نصفها هيتباع لبتاع الخردة

القرار كان لازم يكون بوقف ترخيص مقاطير جديدة و تحجيم حركة المقاطير في مناطق محددة تقل كل فترة على مدى مش أقل من 7 سنوات عشان يحصل تغيير بدون خسائر رهيبة في لقمة العيش لعدد كبير من الناس

المشاركة الأصلية كتبت بواسطة mazagangee

فيدو بيه كلامك مظبوط فيما يخص الشحن للمواني لأن الكونتينر محكومة بمقاسين 40 , و 20 قدم و مش مسموح بتجاوز في الوزن ,,, لكن الشحن المحلي فيه حمولات بتصل ل 100 طن الجرار و المقطورة و هوه ده الشحن اللي قصدي عليه انه هيغلى ...
و فعلا أسلوب سواقين النقل و تعاطي أغلبهم للمخدرات هوه المشكلة مش نوع العربية
الحكومة هتلغي المقاطير و تنزل التريلات لكن السواقين متغيروش همه همه يبقى معملناش حاجة و بدل ما كانت مشكلتنا المقطوره هتبقى المشكلة التريلا ..

يبقه المشكله الرئيسيه انه لازم كان يتعمل دراسه صحيحه عن نسبه تأثير الشحن على سعر الحموله وفي حاله الزياده المنطقيه يبقه مفيش مشكله لأن المكاسب من وقف المقطوره هتكون اكيد اكبر..
ومش معقوله معظم دول العالم لما وقفوا المقطوره مكانوش عارفين تأثيرها على ارتفاع الاسعار وعلى فكره فيه دول كتير افقر من مصر ودول مجاوره لمصر وممنوع فيها المقطوره..

تاني حاجه فعلا لو متعدلش قانون المرور على الطرق السريعه يبقه اكنه محصلش اي حاجه وهقولك على حاجه جميله في الامارات مثلا في الطريق الي رابط ما بين ابوظبي ودبي في الجزء بتاع ابوظبي مش مسموح للنقل انه يمشي غير على الحاره اليمين بس فتلاقي النقل ماشي طابور ورا بعض لكن في الجزء بتاع دبي مسموح ليهم يمشوا على حارتين يمين وفي النهايه بتلاقي السواقين ملتزمين جدا بالموضوع ده يعني ماتلاقيش في الجزء بتاع ابوظبي نقل يحاول يعدي العربيه الي قدامه علشان لو اتمسك فيها غرامه كبيره اوي ولو اتكرر المخالفه ممكن توصل لعقوبات اكبر انا سمعت انها ممكن توصل لحبس وترحيل بره البلد للوافدين (مش متأكد) ..