الرئيس مبارك يتدخل لمنع تسيير المقطورات

**blazer** · 16-08-2010 02:16 AM

وجه الرئيس حسني مبارك تعليماته بعدم مد مهلة وقف تسيير المقطورات بعد انتهائها، وذلك حفاظا على أرواح المواطنين من الحوادث المتكررة والقاتلة التي ترتكبها مقطورات النقل الثقيل على الطرق السريعة.

كما وجه الرئيس مبارك خلال استماعه لشرح من المهندس علاء فهمي، وزير النقل، حول مشروعات النقل الجديدة في مصر أثناء افتتاح سيادته محور "صفط اللبن" السبت -وجه- تعليماته بالإسراع في إنشاء شبكة الطرق السريعة والحرة والمحاور المرورية المختلفة لتسهيل حركة نقل الركاب والسلع وتلافي حوادث الطرق.

وكان الرئيس مبارك قد افتتح صباح السبت محور صفط اللبن بالجيزة بتكلفة تبلغ 900 مليون جنيه، ويهدف إلى انسياب الحركة المرورية بالقاهرة الكبرى حيث يربط محافظتي القاهرة والجيزة بالطريق الدائري.

يأتي الافتتاح في إطار اهتمام الرئيس مبارك بتسهيل حركة المرور وتخفيف الازدحام في العاصمة توفيرا لوقت وجهد المواطنين، بالإضافة إلى تسهيل حركة النقل والتجارة باعتبار أن الطرق هي شريان التجارة والاستثمار، واستكمالا للبرنامج الرئاسي بالارتقاء بالخدمات المقدمة للمواطنين.

**bakbakbak** · 16-08-2010 02:47 AM

بس والله سبب الحوادث الحقيقية مش كده بل من حاجة تانية إسمهاالسرعة كل ماشى بسرعة بصراحة أنا لما بمشى على الطريق 90 يبقى 90 بس كل الناس بتشتمنى

**Ahmed Samy** · 16-08-2010 03:04 AM

كويس و الله

المقطورة دي وحش حديدى ممكن يفرتكك في اي وقت

يللا في داهية ده كان رعب

**M.Osman** · 16-08-2010 03:12 AM

يا ريس يا مظبطنا ...gps و مقوطورات كمان

**Ghamrawy** · 16-08-2010 03:25 AM

المشاركة الأصلية كتبت بواسطة m.osman

يا ريس يا مظبطنا ...gps و مقوطورات كمان

عقبال ما يعملنا مترو فى اسكندرية بدل الترام اللى واخد مساحة فوق الارض و مش مستحمل كم الناس

**MaZaGAngeE** · 16-08-2010 04:17 AM

وقف تسيير المقاطير ده هيعمل مشكلة عشان حمولة التريلات أقل من حمولة العربية النقل بالمقطورة كمان تكلفة شراء التريلا و الديل بتاعها اعلى من تكلفة شراء العربية النقل و المقطورة و طبعا نتيجة للقرار الوهمي ده أسعار النقل هتزيد جدا و أسعار التريلات هتعلى و المقاطير هتترمي عند بتوع الخردة ...........

قرار صحيح و لكنه مش في مصلحة السوق المحليي خالص و هيضر عدد كبير جدا من الناس اللي فاتحة بيوت من العربيات النقل دي ..

كان ممكن يمنع صناعة مقاطير جديدة و يدي تسهيلات للناس اللي هتشتري تريلات و بالتدريج خلال 5 سنوات سوق النقل هيتحول من مقاطير الى تريلات بالراحة و واحدة واحدة بدون مشاكل اقتصادية كبيرة ..........
هوه الريس معندوش مستشارين اقتصاديين يدرسوا تأثير القرارات على مختلف طوائف الشعب قبل ما سيادته يتحفنا بالقرارات العجيبة بتاعته ؟؟

**SeiffoZ** · 16-08-2010 04:32 AM

لا فيه الخير والله !!!

هو لو منعوا المقطورة ... البضائع هتتنقل إزاى؟

**ELKADY2010** · 16-08-2010 04:55 AM

مفيش حاجه في الكون ببلاش
بمعني كل حاجه قدامها حاجه
يعني لو سبنا مقاطير يبقي سعر النقل كويس وفي مصلحه التجاره الداخليه وكل القائيمين عليها
لكن في خطر كبير علي حياه الناس عشان 50 في الميه من الحوادث في مصر احد اطرفها بيكون عربيه نقل
لو لغينا المقاطير هنقلل الحوادث بنسبه كبيره وهنذود الامان في الطرقات
بس في المقابل ده هياثر سلبيا علي السوق

طيب احنا نخسر ايه في مقابل ايه؟؟

من وجه نظري المتواضعه ان القرار ده موفق لان حياه مواطن واحد اهم من اي اعتبارات تانيه

والحل السحري للمشكله دي هو اعاده استخدام القطارات في نقل البضائع

احنا عندنا في مصر شبكه سكه حديد ضخمه ولو تم الاهتمام بيها وتطويرها واستخدمها في نقل البضائع

هيكون هو ده من احسن

**MaZaGAngeE** · 16-08-2010 05:32 AM

المشاركة الأصلية كتبت بواسطة SeiffoZ

لا فيه الخير والله !!!

هو لو منعوا المقطورة ... البضائع هتتنقل إزاى؟

ياباشا فيه نوعين من سيارات نقل البضائع ....

1- جرار بالمقطورة و ده بيكون الجرار شايل بضاعة و المقطورة برضه
و دي صورة ليها :

2- راس تريلا و ديل تريلا و ده بيكون البضاعة كلها على الديل و الراس عبارة عن كابينة السواق و الموتور و ديل التريلا مربوط فيها
و دي صورة ليها :

**qazqaz123** · 16-08-2010 05:36 AM

المشاركة الأصلية كتبت بواسطة elkady2010

من وجه نظري المتواضعه ان القرار ده موفق لان حياه مواطن واحد اهم من اي اعتبارات تانيه

احسن كلمة سمعتها
كل حاجة سهلة وتتعوض الا ............!!!!!!!!

الموضوع: الرئيس مبارك يتدخل لمنع تسيير المقطورات

LinkBack

أدوات الموضوع

عرض

الرئيس مبارك يتدخل لمنع تسيير المقطورات - انشر الموضوع فى :

-

-

-

-

المواضيع المتشابهه

مبارك يتدخل لمنع تسيير المقطورات

مجلس الشعب يوافق على تعديل قانون المرور لمد تسيير المقطورات لعامين آخرين

حظر تسيير "المقطورات" بعد عامين بدلا من أربعة

الكلمات الدلالية لهذا الموضوع

المفضلات

المفضلات

ضوابط المشاركة