الله يكون في عونك يا مصري
السلام عليكم ورحمة الله وبركاتة. كل سنة وانتم طيبين. قد يبدو عنوان الموضوع غريبا بس دي الحقيقة المرة. الله يكون عون كل مصري. اول امبارح خدت اسرتي وخرجت افسحهم بعد صلاح التراويح. مش ممكن الزحمة دي. والله العظيم بحس ان ربنا هو اللي بيحرك لي العربية عشان امشي من غير ما اعمل حادثة. زحام شديد من البشر والعربيات والموتوسيكلات والتكاتك. حرب حرب مش ممكن. لية مصر بقت عاملة كدة؟ انا نازل اجازة عشان اتمتع بجو مصر بس للاسف انا اتحرق دي وبيتحرق دمي كل ما بفكر اخرج اروح مشوار سواء قريب او بعيد. دة غير المصاريف الغير طبيعية اللي انا صرفتها وبصرفها كل يوم. حد يصدق اني خلال 15 يوم بس صارف 9000 جنية بدون مصيف ولا دبايح. حرررررررررررررررام الحياة اصبحت مستحيلة في مصر ايوة مستحيلة. بفكر الغي اجازتي وارجع تاني عشان افوق من الكابوس المخيف دة