السلام عليكم ورحمة الله وبركاته
ملحوظة غريبة فى أجهزة ضبط ضغط الإطارات الإلكترونية فى بنزينة امارات مصر اللى قبل بوابة الصحراوى مصر اسكندرية،
من اسبوعين تقريبا رحت أظبط الهوا عندهم لقيت الراجل بيقولى ان الضغط عندى 45 !!!
المهم قعد يظبطه على 30 ، وحسيت ان العربية تقلت، خصوصا انها 1300 اوتوماتيك،
مستريحتش للموضوع ده ودخلت البنزية اللى بعد البوابة مباشرة الراجل قالى ان العجل فيه 15 بس !!
وكان بيقيس بالجهاز المانيوال المعتاد ،
قلت يمكن مشكلة طارئة،
من كام يوم كنت مسافر ورحت أزود برضه من امارات مصر، والمرة دى نزلت من العربية خالص وبدأت الاحظ ضغط الهوا فى العجل،
ونفس اللى حضل المرة اللى فاتت حصل تانى ، وحتى انا قلت للراجل انه بالعين المجرده العجل شكله نايم ،
لكن قالى لأ ده عادى وان الجهاز الإلكترونى دة مظبوط جدا !!
ولما رحت برضه البنزينة اللى بعد البوابة لقيت العجل ضغطه قليل جدا والراجل زوده تانى لغاية 30 !
مش عارف ايه الحكاية بالظبط وهل حد فيكم لاحظ الموضوع ده ؟
المفضلات