الموضوع: الإكصدام اتكسر والحمد لله

المشاركة الأصلية كتبت بواسطة samirayad

كل سنه وأنت طيب

ياوحش الصحراء

وكلها عربيات بتوصل من مكان لمكان

مجرد مكنه وشاسيه وأربع عجلات

والله على رأيك يا بشمهندس سمير كلها عربيات وبتطير وبتغطس وبتعمل كل الأوبشنز اللى فى الدنيا وكله بيصرف

المشاركة الأصلية كتبت بواسطة shiko85

هههههههههههههههههههه 127 بردوا !!!!
نفس الموقف بالظبط
كنت فالدقى وعند الأشاره اللى داخله شمال عند اشاره مديرية امن الجيزه المهم الراجل بعد ما عدا قدامى فتحوا الأشاره اللى جايه عليه و فجأه لاقيته راجع بالعربيه و طبعا ولا سامع الكلاكسات و لا هو هنا لحد ما دمر الأكصدام و كان راجل كبير فالسن و ابنه بيقولى ان انا اللى غلطان و انى انا كنت كابس وراه بجد من كتر الغيظ كان هاين عليا اخبطله العربيه بتاعته بس الحمد لله معملتش كده بس لحد دلوقتى متغاظ منه قوى مش مهم الأكصدام بس اللى غايظنى بجد اللى قاله و انى طلعت انا اللى غلطان كمان, بجد الناس بقت كدابه و لا فيه اخلاق ولا احترام

هى دى بلدنا للأسف يا سيد شيكو وهنعمل ايه ادينا عايشين وربنا يحسن ختامنا جميعاً ويرحمنا من اللى بنشوفه كل يوم فى الشارع مش معنى كدا اننا ياعنى شوماخر فى العربيات واساتذه بس الواحد قدر الإمكان بيحاول يكون محترم ولا يجيب الاذى لنفسه ولا لغيره أنما فيه ناس غاوية جر شكل..

وبرضوا كان راجل كبير فى السن وعلشان كدا متحركتش من مكانى ومشيت على طول ولا بصيتله حتى هتعمل ايه خلاص اللى حصل حصل ووقت صيام والواحد بيستعيذ بالله من الشيطان ساعة الصيام

المشاركة الأصلية كتبت بواسطة tarek_2005

يا اخواني انا املك السيارتان المذكوتان في الموضوع واود ان اقول لصاحب الموضوع اولاً قدر الله وما شاء فعل
ثانياً وانا راكب اللانوس بخلي بالي من السيارات الموجودة حولي وبعمل 100 حساب لاخطاء الغير وانا راكب ال 127 بحاول اني مكونش سبب في اذي اشخاص اخرين وهو دا حال الدنيا رفاهية تحتاج صرف
عايز تعيش عيش علي قد حالك

ورمضان كريم عليكم جميعا
واذكرك

والكاظمين الغيظ والعافين عن الناس

الحمد لله على كل شئ ووالله حتى لو واخد بالك ايه بس النصيب والقدر هنعمل ايه بس كل شئ بأمر الله واحنا مسيرين وربنا يسترها علينا وعليك

المشاركة الأصلية كتبت بواسطة mohfud

طب أزاى نعرف الاكصدام الاصلى من المقلد

طبعا احنا بنتكلم على الاكصدام الاستيراد (القشره)

الإكصدام الاصلي بيكون ملمسه الداخلي محبب (او غير املس) , لكن الصيني والتايواني بيكون املس جداا ,, زي البلاستيك

وخلي بالك ان كل بتوع الاستيراد لما بيجي يبيعلك اكصدام استيراد بيمسكه ويقعد يتني ويعدل فيه عشان يوريك انه مرن وغير قابل للكسر , وده اصلا في حد ذاته مش اختبار