اصوات عجيبة في العفشة مش عارف ايه سببها و هتجنن

يا جماعة انا عندي اصوات في العفشة من قدام يعني مثلا لما اجي اطلع بالعربية و اعوج الدريكسيون سنة بسيطة يمين او شمال في صوت تزيق بيطلع من ناحية العجل و نفس الصوت لو حد متين ركب جنبي و هو بيركب بسمع بردو صوت التزييق ده

و عندي صوت اكن حاجة ملخلخة ناحية العجلة الشمال مبحسش بيه غير ان الفترة اللي فاتت كان عندي شفتات باليل و الدنيا هادية جدا مع النقر و الارض الغير مستوية بسمعو و لو خبط العجلة برجلي في الطرف بسمعو

انا اتجننت خلاص و عاوز لو حد يعرف عفشجي كويس في مدينة نصر يقلي عليه علشان يشيكلي عليها كلها

العربية لادا سمارة 2004 موتور 1500 سي سي لسة مربط عفشة قريب و الاصوات لازلت موجودة عداد 86000 كم

يعني لو كانت الفيستا مش كنت دليتك على طول
ههههههههههههه عموما ليك وحشة يا مان
صوط الخبط و انت ماشي بيكون من بيض المقصات و صوت التزييق بيكون من المساعدين 86 الف كفايا عليهم كدة

اقتباس:

---

المشاركة الأصلية كتبت بواسطة ayabooy

يعني لو كانت الفيستا مش كنت دليتك على طول
ههههههههههههه عموما ليك وحشة يا مان
صوط الخبط و انت ماشي بيكون من بيض المقصات و صوت التزييق بيكون من المساعدين 86 الف كفايا عليهم كدة

---

الحبايب يا باشا مش محتاجين اللي يجمعهم :36_3_10[1]: اخبارك ايه يا باشا واحشني و الله

بيض المقصات؟! انا اللي اعرفو ان موضوع البيض ده في الادا ال2107 هو اللي منتشر لكن دي 2115 مسمعتش قبل كدة ان البيض بتاعها بيحتاج كل فترة يتشحم او يتغير!! و ازاي اتأكد انو بيض مقصات؟!

صوت التزييق اللي من ورا ده مساعد انا متأكد منو بالرغم من اني كنت مغيرهم تقريبا عند ال50000 بس للأسف هما مساعدين لكن قدام يا باشا الصوت بيجي من حتة كدة عاملة زي الركبة فيها محور بيلف يمين و شمال و كان الميكانيكي قبل كدة زيتو و مفيش مكملتش نص ساعة و الدنيا رجعت ثاني زي الاول

ممكن اصورلك الجزء اللي بقلك عليه ده بتاع التزييق و ارفعو بس يا رب افتكر

متعرفش يا باشا عفشجي كويس في مدينة نصر يشيك على كل حاجة؟! علشان انا زهقت من فتي الميكانيكية في العفشة

ادي اللي كنت بقول عليه انو لما اتزيت الصوت راح شوية و رجع تاني
http://img217.imageshack.us/img217/2971/17082010076.jpg



http://img805.imageshack.us/img805/8770/17082010077.jpg

طيب بص يا سيدي اولا بيض الدركسيون هو الي موجود في اللادا 2107 ( و في اي عربية بس بيفرق انه في اللادا شايل حمل و ده الي بيخليه يتلف و يحتاج يتغير او يتكسر و العربية ماشية اما باقي العربيات وظيفتة انه يوجه بس ) غير بيض المقصات بيض المقص وظيفته انه يغير وضع المقص مع اختلاف الارتفاع في المطبات و المشي و يمتص الصدمات و ده طبعا لما يتلف يخليك تسمع صوت تخبيط في العربية و انت ماشي و خصوصا لو في مطبات و جلب المقص و ظيفتها تمتص الصدمة و تحافظ على اتزان العربية و لو هاتغير بيض المقص عندك يبقي تغير جلب بالمرة
ثانيا الصورة ديه لبيضة الدركسيون و بما انها بتزيق و تطلع صوت يبقي ممكن يكون العريب منها او من بلية المساعد الي تحت البطاحة بس لو كشف عليها صنيعي و زيتها و الصوت راح و رجع تاني يبقي يفضل تغرها ( طبعا بيتغير اتنين ادام بعض ) و كدة يبقي نستبعد المساعدين شوية
موضوع عفشجي للاسف مش هاعرف افيدك في مدينة نصر او برة علشان انا بقالي فترة بتاعامل مع قطب بتاع فورد الي في الضاهر فيما يخص العفشة او الميكانيكا