بجد منتدي عجيب.37 مشاهدة و مفيش ولا رد
رقم العضوية : 37364
تاريخ التسجيل : 05Apr2009
المشاركات : 3,519
النوع : ذكر
الاقامة : HARAM
السيارة: VW passat B7 - Verna 1.6
السيارة[2]: BMW 335i - volvo s80
دراجة بخارية: non
الحالة :
النهاردة روحت عند واحد إسمه عمرو فاتح ورشة صيانة خاصة به في آخر فيصل.هو أصلا بيشتغل في البافاريا فرع القطامية.وبالليل في ورشته.المهم عمل فحص شامل للعربية وكانت النتيجة كالآتي.
1- فيما يخص الميكانيكا بالكامل ( موتور - كهربة - حرارة - تبريد - تكييف ....إلخ ) كله تمام ومفيش أي مشاكل الحمد لله.
2- فيما يخص العفشة,,محتاجة بيضة مقص علوي خلفي يسار.و جلب مقص أمامية وشدادات. والباقي تمام والحمد لله رب العالمين علبة الدريكسيون تمام.
3- فيما يخص صالون العربية.محتاجة شغل سروجي لفرش القوايم الأمامية ( القوايم بتاعتها فرش قماش مش بلاسيتك و فك من الشمس ) وكذلك القايم الخلفي يمين. ومحتاجة كاوتش داخلي للباب الخلفي اليمين.
4- فيما يخص دورة البنزين..كنت عملت موضوع إمبارح بشتكي فيه من كتمة وبرجلة العربية لما التانك يقل عن النص..وبعد الكشف ((نظريا فقط )) إتضح إن ده بسبب الشوائب في البنزين ووضحت في ظهور دخنة سودة بسيطة في الدوارة الصبح فقط.لأن صاحبها القديم الله يساهله بيته كان في كرداسة ومحطات البنزين هناك تفكر الواحد بفيلم حين ميسرة كده.المهم الراجل قال حاول تحرق البنزين اللي في العربية كله وأروحله ينظف التانك ونفولها بنزين نظيف.
ده كل اللي في العربية.محتاج منكم حد يدلني علي مكان مضمون وأسعاره حنينة في قطع الغيار.لأن مستحيل ألجأ للوكيل بأي حال من الأحوال لأن هناك في إستهبال رسمي...أنا آسف علي الإطالة وشكرا.وأي حد عنده رأي في الأربع نقاط دول يا ريت يفيدني.
رقم العضوية : 37364
تاريخ التسجيل : 05Apr2009
المشاركات : 3,519
النوع : ذكر
الاقامة : HARAM
السيارة: VW passat B7 - Verna 1.6
السيارة[2]: BMW 335i - volvo s80
دراجة بخارية: non
الحالة :
بجد منتدي عجيب.37 مشاهدة و مفيش ولا رد
رقم العضوية : 624
تاريخ التسجيل : 13May2007
المشاركات : 2,860
النوع : ذكر
الاقامة : cairo
السيارة: corolla 07 - wife's
السيارة[2]: megane 05
دراجة بخارية: none
الحالة :
و الله أحييك على المعلومات و الشرح الوافي
يا ريت تقولنا حالة الفتيس إيه بعد الكشف و هل لديك نية في تغيير الزيت ?
موضوعات و مجهود رائع يذكر فيشكر
Tyler_durden سابقا
المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب
رقم العضوية : 61610
تاريخ التسجيل : 10Feb2010
المشاركات : 1,172
النوع : ذكر
الاقامة : Cairo
السيارة: E36 318iS 1998
السيارة[2]: E30 316i 1990
الحالة :
بالنسبة للمكان اللى يكون به قطع الغيار غير التوكيل, الحرفيين مليئه! بالنسبة لقطع الغيار الأستيراد فيه زهير و العمده بالحرفيين, بالنسبة للجديد فيه سعيد النشار و الألمانيه بالحرفيين! وفيه الكثير فى شارع دمشق! تمام
أنا موضوع البنزبن المتسخ مش مصدقه لسبب بسيط إن تانك السيارة تقريبا 60 أو 70 لتر, يعنى نصف التانك 35 لتر الشوائب هتكون موجوده مثلا أما يكون فاضل 10 لتر فى التانك مش نصفه! فى أية شىء الشوائب غالبا بتكون فى الأخر أو فى الأول مش فى النصف!
بالنسبة للسروجى فى الحرفيين! حربى السروجى أحسن سروجى ممكن تتعامل معه! و إذا كنت عاوز ميكانيكى تستفسر منه على هذا الموضوع فى الحرفيين شركة نصار جروب فى الشارع الرئيسى, أسأل هناك على محمد هرم و قول له أنا من طرف عمرو الذى كان معه الأم فورتى السوداء
رقم العضوية : 37364
تاريخ التسجيل : 05Apr2009
المشاركات : 3,519
النوع : ذكر
الاقامة : HARAM
السيارة: VW passat B7 - Verna 1.6
السيارة[2]: BMW 335i - volvo s80
دراجة بخارية: non
الحالة :
متشكر جدا يا جماعة علي الردود.بالنسبة لموضوع البنزين ده حاليا العربية عند نص التانك وماشية عادي من غير مشاكل.هل من تفسير؟؟؟ وهل طلمبة البنزين متوفرة برة التوكيل وتعمل في حدود كام؟
في نقطة كمان.هي طبيعة العربية دي دواسة البنزين تقيلة شوية ..بمعني.عند الإنطلاق من الثبات من دوسة خفيفية العربية بتفرك في الأرض.ولكن وسط المدينة أو لما أنزل من علي مطب مثلا وأدوس خفيف مش بتنطلق بسرعة.لكن لو دوست شوية بتجري.هل ده طبيعي..أن عارف إني مسبب قلق لكن أنا أول مرة أركب العربية دي وعندي وسواس تكون في حاجة مش مظبوطة.
رقم العضوية : 61610
تاريخ التسجيل : 10Feb2010
المشاركات : 1,172
النوع : ذكر
الاقامة : Cairo
السيارة: E36 318iS 1998
السيارة[2]: E30 316i 1990
الحالة :
السلام عليكم أولا, ثانيا صلى على النبى عليه أفضل الصلوات و السلام! بالنسبة لموضوع التانك أنا قولت لحضرتك إن سيارتى عملت نفس الحركه معى لكن التانك كان تقريبا شبه فاضى يعنى 7 لتر أو ما شابه ووجدت صوت غريب و السيارة بتتهز كده حسيت إن فيه واحد من ال 4 بساتم مش شغال هو اللى بيعمل الهزه, و اول ما ذهبت لمحطة البنزين ووضعت 10 لتر! كانت السيارة تمام! السبب فى الموضوع أنا لحد الأن مش عارفه لكن بصراحه انا كان عندى مشاكل فى المحرك إنه كان محتاج يتغير له بلوف و كامات و شواكيش يعنى من الأخر كنت محتاج الى محرك جديد, بالرغم من إن أنا مش بفرك كثيرا بالسيارة و كانت بتعمل معى صوت غريب كثل ما يكون الشكمان مسدود أو شىء من هذا القبيل لأنى كنت مركب شكمان تربو و هذا الصوت قدرت بعد ذلك إنى اعرف سببه أما جربت الأمريكانى مره و جدت نفس الصوت الغريب اللى كنت بسمعه و السبب فى النهايه كان إن المحرك كان عاوز يتعمل له عمره مثل ما ذكرت بالأعلى! أنا مش عاوزك تقلق لكن أنا مش مقتنع بموضوع التانك لأن مثل ما قولت لك إنت إذا احصرت كوب ماء به شوائب, الشوائب بتكون إما بأعلى الكوب أو بالأسفل لكن ليس فى المنتصف على الأطلاق. لأ طبعا دواسة البنزين مش ثقيله ولا شىء المفروض إنها باللمس
أنا عندى لك اقتراح بسيط ولك الحق فى القبول أو الرفض او اللجوء لشخص أخر. روح الحرفيين للشخص اللى قولت لك عليه و قول له إنك من طرفى و هو بيتعامل مع سعيد النشار و عمرو النشار فى قطع الغيار الأصليه الجديده! قول له على المشكله اللى عندك وهو هيضبط الأداء معك جامد جدا! بالنسبة لطرمبة البنزين موجوده! إنت روح للميكانيكى و قول له على اللى أنت عاوزه كله وهو هيضبط معك كل شىء و هيشترى لك اللى أنت عاوز تشتريه تمام!
رقم العضوية : 37364
تاريخ التسجيل : 05Apr2009
المشاركات : 3,519
النوع : ذكر
الاقامة : HARAM
السيارة: VW passat B7 - Verna 1.6
السيارة[2]: BMW 335i - volvo s80
دراجة بخارية: non
الحالة :
متشكر جدا لردك..بالنسبة لحالة الموتور عندي مفيهاش مشكلة الحمدلله.ده لسه عامل 125000 كيلو فقط.وعند الكشف علي العربية كان كبس المكنة تمام الحمدلله.وعند التجربة علي طريق سريع وصلت لسرعة 220 بسهولة الحمد لله.فموضوع الموتور يكون في مشكلة ده مستبعد.أنا هستني لحد ما أفضي التانك و أغسله وأشوف اللي هيحصل.وهتابع معاك إن شاء الله.
رقم العضوية : 1494
تاريخ التسجيل : 19Jul2007
المشاركات : 1,216
النوع : ذكر
الاقامة : Mansoura, KSA
السيارة: Passat CC
السيارة[2]: Vectra A 96
دراجة بخارية: .....
الحالة :
أنا كان عندي موضوع مشابه في اوبل فيكترا لما كنت أمشي مشوار ألاقي العربيه تقطع فجأه و بعدين تظبط تطور الموضوع أنها كانت تقف فجأه و سبها ربع ساعه وشغلها تشتغل أو لو مونت تظبط المهم الموضوع طلع طلمبه البنزين فلتر السحب ألي عليها مسدود وأثر على الموتور بتاع الطلمبه وغيرتها وظبط الموضوع بس بعد دوخه
رقم العضوية : 71995
تاريخ التسجيل : 31May2010
المشاركات : 545
النوع : ذكر
الاقامة : cairo-mansora
السيارة: none
السيارة[2]: toyota crolla
الحالة :
رقم العضوية : 11181
تاريخ التسجيل : 21May2008
المشاركات : 5,568
النوع : ذكر
الاقامة : NULL value in a database
السيارة: BMW E34 - 518i
السيارة[2]: Toyota Starlet EP80
دراجة بخارية: Toktok Coupe
الحالة :
مبروك عليك العربيه ربنا يحفظهالك
بالنسبه لطرمبه البنزين بشويه تليفونات للناس المشهورين هتعرف اسعارها بدل ما تنزل تلف مع انهم ساعات مش بيقولو السعر في التليفون ، مش علي بالي حد دلوقتي بتاع قطع غيار غير رشدي بتاع وسط البلد
موضوع دواسه البنزين من تجربتي للe39 في ملحوظتين وهي كانت 523
الأولي ودي مش عارف هل هي في كل الموديل ده ولا لأ ان الدواسه فيها سنه صغيره في الأول مش بتسحب قوي أو كإنك مش دايس بنزين قد كده ويمكن دي اللي بتخليك تقول انك لو دوست خفيف مش بتمشي ولو دوست اكتر بتجري قد يكون هي نفس الدرجه اللي بقول عليها في أول الدواسه ،،، وعندي في الe34 مش كده بالعكس السحب بيستجيب من أول لمسه ، ممكن تتأكد من أي ميكانيكي في الموضوع ده أو حد تاني يكون معاه العربيه يفيدنا
الملحوظه التانيه ان تجاوب العربيه معاك بيكون علي حسب بدايه طلعتك كانت ازاي بمعني انك لو طلعتك كانت حرق وكابس كل ما هتلمس البنزين هتلاقي العربيه عايزه تطير لكن لو طالع هادي فا سحبها بيبقي هادي علي حسب رجلك
Mohamed Samir
'
المفضلات